स्वाभिमानी गालाभरि अनुदानको डाम थियोे
मागी हिँड्नेको सूचीमा तिम्रो पनि नाम थियोे !
जनता जनता भन्थ्यौ नि, कसले लग्यो तिमीलाई
आलिसान त्यो महलभित्र तिम्रो के काम थियोे ?
पसिनाले सिँगारेको स्वाभिमानको टेबलमाथि
तिम्रो आत्मा किन्नलाई पर्खिएको खाम थियो !
जे जे भन, कसम खाऊ ! को छ अब पत्याउने
तिमी फगत डोरिन्थ्यौ, अर्कैसँग लगाम थियोे !
बाहिरफेर भाषण गर्दा नैतिकताका कुरा गथ्र्याै
भित्र भने तिम्रो पनि नजरमा त दाम थियोे !
