अर्जुन काफ्ले
स्याङ्जा, असार २३ गते । बुटवल पोखरा सिद्धार्थ राजमार्गको गल्याङ नगरपालिका–११ तुल्सिभन्ञ्याङमा राजमार्ग भासिएको छ ।
दुई ठाउँमा सडक भासिँदा सयौँ सवारीसाधन बाटैमा रोकिएका छन् भने यात्रुहरू अलपत्र परेका छन् ।
प्रहरी नायब उपरीक्षक इन्द्रबहादुर रानाले अविरल वर्षासँगै ५० मिटर लम्बाई र तीन मिटर चौडाइ सडक भासिएको बताउनुभयो ।
अवरुद्ध सडकलाई एक तर्फी भए पनि खोल्ने प्रयास भइरहेको बताउनुहुँदै प्रहरी नायब उपरीक्षक रानाले नदिको छेउँछाउँ नजान र घरमै बस्न सबैलाई अपिल समेत गर्नुभएको छ ।
