काठमाडौं, जेठ १७ गते। गायक सुजन ढकालले नयाँ गीत ‘मालती र मंगले’ ल्याउनुभएको छ।
डीपी खनालको शब्द र राजन तिमिल्सिनाको संगीत रहेको गीतमा गायनमा सुजनलाई मेलिना राईले साथ दिनुभएको छ। गीतको एरेन्जर विषम आचार्य हुनुहुन्छ।
युवायुवतीको प्रेम सम्बन्धलाई रोमाञ्चक ढंगले प्रस्तुत गरिएको गीतको भिडियोलाई प्रहिल कार्कीले निर्देशन गर्नुभएको छ। भिडियोमा हरिश निरौला ‘कक्रोच’, दीपा शाही र सुरेन बसेलले अभिनय गरेका छन्।
गीतको भिडियोमा अजय रेग्मीको छायांकन, सुरेन्द्र बसेलको कोरियोग्राफी र माधव बेल्वासेको सम्पादन तथा कलर संयोजन रहेको छ।
