प्रकाशविक्रम शाह
यो पनि पढ्नुहोस
धनगढी, चैत १४ गते । धनगढी उपमहानगरपालिकाका प्रमुख गोपाल हमालकी जेठी छोरी आरती हमाल सम्पर्कमा आउनुभएको छ ।
उहाँ सोमबार भारतको गोवाबाट सम्पर्कविहीन हुनुभएको थियो । नगर प्रमुख हमालले सार्वजनिक गरेको विवरणअनुसार आरती कान्छी छोरी आर्जुको सम्पर्कमा आउनुभएको हो ।
आर्जु दम्पती आरतीको खोजीको लागि गोवा पुग्नु भएको थियो । आरती ओशो साधक हुनुहुन्छ । त्यसक्रममा उहाँ केही महिनादेखि ओशो ध्यान गर्न गोवामा बस्दै आउनुभएको थियो । उहाँ सोमबार भारतको जोरबा वाइब आस्बिन ब्रिजबाट सम्पर्कविहीन हुनुभएको थियो ।
यसअघि धनगढीका नगर प्रमुख हमालले सामाजिक सञ्जालमा एक सन्देश लेख्दै आफ्नो छोरीको खोजी कार्यका सहयोग गर्न भारतको गोवामा बस्ने नेपालीहरूलाई आग्रह गर्नुभएको थियो ।
