सरकारको नीति तथा कार्यक्रम : सातै प्रदेशमा सुविधासम्पन्न रंगशाला
नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति तथा कार्यक्रममा खेलकुदतर्फ सरकारले सातवटै प्रदेशमा सुविधा सम्पन्न रंगशाला निर्माण गर्ने उल्लेख गर्नुभएको हो ।
प्रिमियर गल्फको दोस्रो दिन निरज शीर्षस्थानमा
सूर्य नेपाल प्रिमियर गल्फ च्याम्पियनसिपको दोस्रो दिन निरज तामाङ शीर्षस्थानमा उक्लिनुभएको छ । पार ७२ को गोकर्ण फरेस्ट गल्फ रिसोर्टमा मंगलबार निरजले आठ अन्डर ६४ स्कोर खेल्नुभयो । ३६ होलको समाप्तिसँगै निरजको कूल १२ अन्डर एक सय ३२ स्कोर छ ।
नवौं राष्ट्रिय खेलकुद प्रतियोगिता अब असोजमा
गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति सरेको छ । युवा तथा खेलकुद मन्त्रालयले मंगलबार पत्रकार सम्मेलन गरी नवौं राष्ट्रिय खेलकुद असोज २८ देखि कात्तिक ३ गतेसम्म हुने जानकारी दिएको छ ।
एन्फा निर्वाचनमा वर्तमान अध्यक्ष शेर्पाको प्यानलसहित उम्मेदवारी
अखिल नेपाल फुटबल संघ (एन्फा)को आसन्न निर्वाचनका लागि वर्तमान अध्यक्ष कर्माछिरिङ शेर्पा समूहले अध्यक्षमा प्यानलसहित उम्मेदवारी दिएको छ । सोमबार एक कार्यक्रमबीच प्यानलसहित उम्मेदवारी घोषणागरी शेर्पा समूहले सामेबारनै एन्फा मुख्यालय पुगेर उम्मेदवारी दर्ता गराएको हो ।
इपीएल गर्न नदिने क्यानप्रति असन्तुष्टी
नेपालको क्रिकेट फ्रेन्चाइज लिगमा चर्चित ब्रान्ड बनाएको एभरेष्ट प्रिमियर लिग (इपीएल) आयोजक र फ्रेन्चाइज टोलीले नेपाल क्रिकेट संघ (क्यान) प्रति असन्तुष्टी ब्यक्त गरेका छन् ।
प्रिमियर गल्फमा एमेच्योर वानचेनको अग्रता
सूर्य नेपाल प्रिमियर गल्फ प्रतियोगिताको पहिलो दिन एमेच्योर गल्फर वानचेन ढोन्डुपले अग्रता लिनुभएको छ । पार ७२ को गोकर्ण फरेस्ट गल्फ क्लबमा सञ्चालित बर्षको अन्तिम स्पर्धामा सोमबार वानचेनले सात अन्डर ६५ खेल्नुभयो ।
सिटीलाई इङ्लिस प्रिमियर लिग उपाधि
इङ्लिस प्रिमियर लिग फुटबलको उपाधि म्यानचेस्टर सिटीले जितेको छ । घरेलु मैदानमा आइतबार राति भएको लिगको अन्तिम खेलमा एस्टन भिल्लालाई ३–२ गोलले हराउँदै सिटी च्याम्पियन बनेको हो । सिटीको यो समग्रमा छैटौं प्रिमियर लिग उपाधि हो ।
एसी मिलान च्याम्पियन
इटालियन सिरी ‘ए’ फुटबलमा एसी मिलानल च्याम्पियन बनेको छ । आइतबार राति भएको लिगको अन्तिम खेलमा ससौलोलाई उसैको मैदानमा ३–० गोलले हराउँदै एसी मिलान च्याम्पियन बनेको हो ।
नेपाल र अफगानिस्तानको मैत्री फुटबल रद्द
पाल राष्ट्रिय फुटबल टोली र अफगानिस्तानबीच हुने भनिएको मैत्रीपूर्ण फुटबल खेल रद्द भएको छ । यसअघि अखिल नेपाल फुटबल संघ (एन्फा) ले एएफसी एसियन कप २०२३ को तयारीमा लागि जेठ ११ र १५ गते कतारको दोहामा दुई देशबीच मैत्री खेल खेल्ने तालिका तय गरेको थियो ।
लिग–२ मा सकभर धेरै खेल जित्छौँ : सन्दीप
नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल जित्ने बताउनुभएको छ ।
१३औं दिनको पुण्य तिथिमा सन्जु प्रति श्रद्धाञ्जली
दक्षिण एसियाली खेलकुद (साग) को १३औं संस्करणकी स्वर्णधारी भारोत्तोलनकी स्वर्गीय सन्जु चौधरीको १३औं दिनको पुण्य तिथिमा आइतबार त्रिपुरेश्वरस्थित राष्ट्रिय खेलकुद परिषद् (राखेप) मा श्रद्धाञ्जली सभा आयोजना गरियो ।
पूर्णको टिमलाई प्रोएम गल्फ उपाधि
सूर्य नेपाल गल्फ टुरको बर्षको अन्तिम स्पर्धा सूर्य नेपाल प्रिमियर गल्फ प्रतियोगितामा प्रोएम तर्फको उपाधि पूर्ण शर्माको टिमले जितेको छ । पार ७२ को गोकर्ण फरेस्ट गल्फ रिसोर्टमा आइतबार भएको प्रतियोगितामा प्रो पूर्णको टिमले कूल एक सय ५३ अंक बटुल्यो ।
राष्ट्रिय खेल भलिबलको पाँचौं दिवस
नेपालको राष्ट्रिय खेल भलिबल दिवसको अवसरमा आइतबार विभिन्न कार्यक्रम गरेर यस दिवस मनाईएको छ । नेपाल भलिबल संघले औपचारिक कार्यक्रम नगरेपनि भलिबलमा आवद्ध संघ संस्थाले विभिन्न कार्यक्रम गरी भलिबल दिवस मनाएका हुन् ।
आइपीएल : रोयल च्यालेन्जर्स बेंगलोर प्लेअफमा
रोयल च्यालेन्जर्स बेंगलोर इन्डियन प्रिमियर लिग (आइपिएल) को प्लेअफमा पुगेको छ । मुम्बई स्थित वानखडे स्टेडियममा शनिबार राति भएको खेलमा दिल्ली क्यापिटल्स मुम्बई इन्डियन्ससँग पाँच विकेटले पराजित भएपछि बेंगलोरले प्लेअफमा स्थान बनाएको हो ।
च्याम्पियन पीएसजीको अन्तिम खेलमा सानदार जित
फ्रेन्च लिग वान च्याम्पियन पेरिस सेन्ट जर्मेन (पीएसजी) ले सिजनको अन्तिम खेलमा सानदार जित निकालेको छ । घरेलु मैदानमा शनिबार राति भएको खेलमा पीएसजीले १० खेलाडीमा समेटिएको मेट्जलाई ५–० गोलले हरायो ।
युगान्डाविरुद्ध अन्तिम खेलमा नेपाल विजयी
काठमाडौं, जेठ ७ गते । पाहुना टोली युगान्डाविरुद्ध पाँचौं तथा अन्तिम टी–२० सिरिजमा नेपाल विजयी भएको छ । कीर्तिपुर स्थित त्रिवि मैदानमा शनिबार भएको खेलमा नेपालले युगान्डालाई ३४ रने हरायो । यससँगै युगान्डाले नेपालविरुद्ध पाँच खेलको टी–२० सिरिज ३–२ ले जितेको छ । सुरुवाती तीन खेलमा लगातार जित निकाल्दै युगान्डाले दुई खेल अगावै सिरिज जितेको थियो । नेपालले पछिल्ला दुई खेलमा भने जित निकाल्यो । अन्तिम खेलमा जितका लागि एक सय २४ रनको विजयी लक्ष्य पछ्याएको युगान्डा निर्धारित २० ओभरमा ६ विकेटको क्षतिमा ९० रनमा समेटिएको थियो । युगान्डाका लागि रिता मुसामालीले २६ रन बनाउनुभयो । केभिन अविनोले १५, साकिरा सादिकले अविजित १३ र जानेट एम्बावाजीले १० रनब नाउनुभयो । बलिङमा नेपालका सिता रानामगर र इन्दु बर्माले दुई दुई विकेट लिनुभयो । अस्मिता कर्माचार्य र हरिनमायी रोयले एक एक विकेट झार्नुभयो । यसअघि टस हारेर पहिले ब्याटिङ गरेको नेपालले २० ओभरमा ६ विकेटको क्षतिमा एक सय २३ रन बनाएको थियो । नेपालका लागि ओपनर ज्योति पाण्डेले सर्वाधिक ४९ रन बनाउनुभयो । कविता जोशीले अविजित १८, सीता रानामगरले १७, अप्सरी बेगमले ११ र इन्दु बर्माले ८ रन बनाउनुभयो । बलिङमा युगान्डाका लागि युगान्डाकी कप्तान कोन्सी अवेके र फिओना कुलुमेले एक एक विकेट लिनुभयो । नेपालले पाँच खेलको सिरिजमा तीन हार र एक जित निकालेको छ ।पाहुना टोली युगान्डाले लगातार तीन खेल जित्दै सिरिज जितेको छ । नेपालले पहिलो खेलमा १२ रनले पराजित भएको थियो । नेपाल दोस्रो खेलमा ए कविकेट र तेस्रो खेलमा ६ विकेटले पराजित भएको थियो । नेपालले शुक्रबार भएको चौथो खेलमा युगान्डालाई १५ रनले हराएको थियो ।
हाई अल्टिच्युड ट्राई–एड्भेन्चरमा आर्मी पहिलो
प्रथम प्रधानसेनापति हाई अल्टिच्युड ट्राई–एड्भेन्चर प्रतियोगितामा पुरुषतर्फ आर्मीको ‘ए’ टिम पहिलो भएको छ । शनिबार जोमसोममा भएको प्रतियोगितामा आर्मी क्लबका हिमाल टमाटा र मानबहादुर थापाले १ घन्टा १५ मिनेट २ सेकेन्डमा दूरी पार गर्दै पहिलो हुनुभएको हो ।
नेपालद्वारा युगान्डालाई एक सय २४ रनको लक्ष्य
युगान्डाविरुद्धको टी–२० सिरिजको पाँचौँ तथा अन्तिम खेलमा नेपालले पाहुना टोली युगान्डालाई जितको लागि उक सय २४ रनको लक्ष्य दिएको छ । कीर्तिपुर स्थित त्रिवि मैदानमा शनिबार टस हारेर पहिले ब्याटिङ गरेको नेपालले २० ओभरमा ६ विकेटको क्षतिमा एक सय २३ रन बनाएको छ ।
एसियन कप छनोट खेल्ने नेपाली टिमको घोषणा
नेपाली फुटबल टिमका प्रशिक्षक अब्दुल्ला अल्मुताइरीले शुक्रबार एएफसी एसियन कप २०२३ छनोटको तेस्रो चरण खेल्न २३ सदस्यीय नेपाल टिमको घोषणा गर्नुभएको छ । प्रशिक्षक अल्मुताइरीसँगको मनमुटावपछि टिम बाहिर रहेका दस सिनियर खेलाडीसँगै कप्तान किरण चेम्जोङलाई पनि टिममा सामेल गरिएको छैन ।
एन्फा अध्यक्षमा नेम्वाङको उम्मेदवारी
नेपालको फुटबलमा आधुनिकीकरण र व्यावसायिकता हाम्रो प्रतिबद्धताको नारासहित पङ्कजविक्रम नेम्वाङले शुक्रबार अखिल नेपाल फुटबल सङ्घ (एन्फा)को अध्यक्ष पदमा उम्मेदवारी दिनुभएको छ । एन्फाका वरिष्ठ उपाध्यक्ष नेम्वाङले एन्फा कम्प्लेक्सस्थित एन्फा निर्वाचन कार्यालयमा आफ्नो उम्मेदवारी दर्ता ग्राउनुभयो । उहाँको उम्मेदवारीमा झापा फुटबल क्लबका अध्यक्ष भागीरथ आले प्रस्तावक र जावलाखेल युथ क्लबका अध्यक्ष महेन्द्र क्षेत्री समर्थकमा हुनुहुन्छ ।
अन्तर्राष्ट्रिय महिला टी -२० शृङ्खला : नेपालको सान्त्वना जित
१५ वर्षीया लेग स्पिनर हिरान्मयी रोय आफ्नो पदार्पण खेलमा नै निर्णायक प्रदर्शन गरेपछि नेपालले शुक्रबार चौथो महिला टी–२० एकदिवसीय खेलमा युगान्डालाई १५ रनले हराएको छ । सुरुका तीन खेल हारेर घरेलु टिम नेपालले पाँच खेलको शृङ्खला युगान्डालाई सुम्पिसकेको छ । त्यसैले नेपालको यो सान्त्वना जित भएको छ । नेपालले शनिबार अन्तिम खेलमा पनि युगान्डालाई हराएर आफ्नो प्रतिष्ठा जोगाउने प्रयास गर्नेछ ।
यू–२३ पुरुष बास्केटबलमा रोयलको विजयी सुरुवात
आयोजक रोयल स्पोर्ट्स सेन्ट्रलले तेश्रो रोयल यू–२३ पुरुष बास्केटबल प्रतियोगितामा बिहीबार विजयी सुरुवात गरेको छ । ललितपुरको सानागाउँस्थित घरेलु कोर्टमा रोयलले टिम सिंहलाई ७६–३० को फराकिलो अन्तरले हरायो ।
युगान्डासँग लगातार तेस्रो हारसँगै नेपालले सिरिज गुमायो
लगातार तेस्रो हारसँगै नेपाली राष्ट्रिय महिला टोलीले युगान्डाविरुद्धको टी–२० अन्तर्राष्ट्रिय सिरिज गुमाएको छ । पाँच खेलको सिरिजमा पाहुना टोली युगान्डा दुई खेल अगावै विजयी भएको छ । कीर्तिपुर स्थित त्रिवि मैदानमा बिहीबार भएको तेस्रो खेलमा नेपाल युगान्डासँग ६ विकेटले पराजित भयो ।
गणेश थापालाई फुटबलमा चलखेल नगर्न फिफाको चेतावनी
विश्व फुटबल महासंघ (फिफा) ले प्रतिबन्धित अखिल नेपाल फुटबल संघ (एन्फा) का पूर्व अध्यक्ष गणेश थापालाई फुटबलको कुनैपनि गतिविधिमा सामेल नहुन चेतावनी दिएको छ ।
फ्रान्कफर्टले जित्यो युरोपा लिग फुटबलको उपाधि
युरोपा लिग फुटबलको उपाधि जर्मन क्लब फ्रान्कफर्टले जितेको छ । बुधबार राति भएको खेलमा स्कटिस क्लब रेन्जर्सलाई टाइब्रेकरमा ५-४ गोलले हराउँदै फ्रान्कफर्ट च्याम्पियन बनेको हो ।
