भान्जाद्वारा मामाको हत्या
बारीमा काम गर्ने क्रममा भएको विवादमा भान्जा लालबन्दी–११, कै ३१ वर्षीय रवी विकले मामा लालबन्दी–१७, रानिगञ्ज निवासी ४५ वर्षीय अशोक विकको हत्या गरेका हुन् ।
धनुषाका सात पालिका बाढीजन्य विपद्को उच्च जोखिममा
बाढीजन्य विपद्को दृष्टिकोणले धनुषाका १८ स्थानीय तहमध्ये सात वटा पालिका उच्च जोखिममा छन् ।
जिसस गठनको प्रक्रिया सुरु
सर्लाहीमा जिल्ला समन्वय समितिको निर्वाचन प्रयोजनका लागि निर्वाचन कार्यक्रम अगाडि बढाइएको छ । मुख्य निर्वाचन अधिकृतको कार्यालयले जिल्ला समन्वय समिति गठनका लागि निर्वाचन कार्यक्रमको सूचना निकालेको हो ।
सडकबीचमा बिजुलीका खम्बा
सर्लाहीको बयलवास बजारमा सडकको बीचमा परेका बिजुलीका खम्बा बेलैमा नहटाइँदा जोखिम बढेको छ । निर्माणाधीन फूलजोर–त्रिभुवननगर सडकअन्तर्गत केही महिनाअघि व्यक्तिगत घर र अन्य भौतिक संरचना भत्काएर विस्तार गरिएको बयलवास बजार क्षेत्रमा नाङ्गो तारभएका दर्जनौँ बिजुलीका खम्बाबीच सडकमा परेका छन् ।
लगातारको वर्षाले तरकारी किसान आजित
नयाँ वर्ष सुरु भएदेखि नै लगातार पर्दै आएको वर्षाले महोत्तरीका तरकारी किसान आजित भएका छन् । सातारदश दिन बिराएर पर्दै आएको वर्षाले नियमित गोडमेल र उपचार नपाउँदा तरकारी बाली पहेँलिदै गएपछि किसानको चिन्ता बढेको हो ।
श्रीमानको हत्या आरोपमा इनरवती पक्राऊ
सप्तरीमा आफ्नै श्रीमानको हत्या घटनामा संलग्न रहेको आरोपमा प्रहरीले उहाँकै श्रीमतीलाई पक्राउ गरेको छ ।
पत्रकार हकहितमा कन्जुस्याँई गर्दैनौं : मन्त्री साह
मधेश प्रदेशका गृह तथा सञ्चारमन्त्री भरतप्रसाद साहले प्रदेश सरकार सञ्चार क्षेत्रलाई व्यवस्थि गर्नतर्फ ध्यान केन्द्रीत गरेकाले पत्रकार हकहितमा कुनै कन्जुस्याँई नगर्ने बताउनुभएको छ ।
गठबन्धन प्रभावित नहुने
जनता समाजवादी पार्टी (जसपा) नेपालका अध्यक्ष उपेन्द्र यादवले मन्त्रिपरिषद् फेरबदलकै कारण पाँच दलीय गठबन्धन प्रभावित नहुने बताउनुभएको छ । मङ्गलबार जनकपुरधाममा आयोजित पत्रकार सम्मेलनमा उहाँले लोकतान्त्रिक समाजवादी पार्टी (लोसपा)लाई सरकारमा सहभागी गराए आफूहरूले स्वागत गर्ने बताउनुभयो । “मन्त्रिपरिषद् फेरबदलकै कारण पाँच दलीय गठबन्धन प्रभावित हुँ
-original-thumb.jpg)
मधेश प्रदेश सभाबाट नीति तथा कार्यक्रम पारित
मधेश प्रदेश सभाको बैठकले नीति तथा कार्यक्रम सर्वसम्मतले पारित गरेको छ । प्रदेश सभाको नवौं अधिवेशनको बुधबार बसेको पाँचौ बैठकले प्रदेश सरकारको आर्थिक वर्ष २०७९–८० को नीति तथा कार्यक्रम पारित गरेको हो ।
संघीयता कार्यान्वयनमा जसपा अध्यक्ष यादवका जोड
नागेन्द्रकुमार कण महोत्तरी, जेठ २५ गते । जनता समाजवादी पार्टी नेपालका अध्यक्ष उपेन्द्र यादवले मधेशको जनमत विभाजन हुन नदिन आफू अगाडि बढ्ने बताउनुभएको छ । महोत्तरी जिल्लाको सदरमुकाम जलेश्वरमा नवनिर्वाचित पदाधिकारीहरुलाई गरिएको सम्मान कार्यक्रममा बोल्नुहँदै उहाँले लोकतान्त्रिक समाजवादी पार्टी नेपाल(लोसपा)लाई मधेशको जनमत विभाजन हुन नदिनको लागि स्पष्ट हुन आग्रह गर्नुभयो ।उहाँले मधेश र मधेशीको लागि छाती चौडा गरेर आउन आग्रह गर्नुहुँदै आगामी निर्वाचनमा एकजुट भयौं भने मधेशको जनमतको सम्मान समेत हुने बताउनुभयो । उहाँले भन्नुभयो, ‘अरुले के दिन्छ, दिँदैन तथा यसले मधेशलाई के फाइदा वा बेफाइदा हुन्छ, स्पष्ट भएर आउन म लोसपा पार्टीलाई आग्रह गर्न चाहन्छु ।’विगतमा मधेशको जनसंख्या ४६ प्रतिशत रहे पनि अहिले ५३ प्रतिशत जनसंख्या भएकाले सोही अनुपातमा निर्वाचन क्षेत्र कायम हुनुपर्ने बताउनुभयो । नागरिकता अभावमा लाखौं जनता मताधिकारबाट बञ्चित हुनुपरेको जानकारी दिनुहुँदै उहाँले सदनबाट नागरिकता विधेयक पारित गरेर नागरिकता वितरण गरिन् कुरामा जोड दिनुभयो । उहाँले संघीयतालाई फेल गराउन प्रतिगमनकारी शक्तिहरु लागिपरेको बताउनुहुँदै उहाँले सचेत हुन सबैमा आग्रह गर्नुभयो ।
बलान नदी कटान नियन्त्रणको प्रयास
सिरहा र सप्तरीको सीमाना रहेको बलान नदीले स्थानीयको उर्वर भूमि तथा डुवान गर्न थालेपछि नगरपालिकाले नियन्त्रणको प्रयासमा जुटेको छ ।
ओझेलमा पर्दै पुराना ग्रामीण बस्ती
कुनै समय जिल्लाको प्रमुख हाटबजार र मानिसको अत्यधिक चहलपहल हुने सर्लाहीका दर्जनौँ ग्रामीण बस्ती अहिले सुनसान छन् । जिल्लाको त्रिभुवननगर, हरिपूर्वा, सङ्ग्रामपुर, पिप्राभित्ता, गोडैता, डाबरी, गैर, सोल्टीलगायत पहिलेका मुख्य बजारक्षेत्र हिजोआज ओझेलमा पर्दैगएका छन् ।
सवारी दुर्घटनामा कमी
धनुषाको ढल्केवर–जनकपुर–जटही मार्गमा सुरक्षित सडक बनेपछि सवारी दुर्घटनामा कमी आएको छ ।
टाटासुमो दुर्घटना हुँदा पाँच घाइते
सर्लाहीको लालबन्दीमा बुधबार बिहान टाटासुमो दुर्घटना हुँदा एकै परिवारका चारसहित पाँच जना घाइते भएका छन् ।
तराई–मधेसमा लोप हुँदै माटोको भकारी
माटोको कोठी र भकारी हेरेर आर्थिक हैसियत समेत–मधेशका देहात(गाउँघर)मा माटोको कोठी र भकारी बिरलै हेर्न पाइन्छ ।
पाँचदलीय गठबन्धन कायम रहन्छ : जसपा अध्यक्ष यादव
जनता समाजवादी पार्टीका अध्यक्ष एवम पूर्वउपप्रधानमन्त्री उपेन्द्र यादवले प्रतिनिधि सभा र प्रदेशसभाको निर्वाचन सम्म पनि पाँच दलीय गठबन्धन कायम रहने बताउनु भएको छ । प्रेस मञ्च धनुषाले बुधबार बिहान जनकपुरधाममा आयोजना गरेको पत्रकार सम्मेलनमा बोल्दै अध्यक्ष यादवले पाँच दलीय गठबन्धन भित्रमा विभिन्न खालका कमि कमजोरी भएपनि लोकतान्त्रिक गणतन्त्रको रक्षाका लागि गठन भएको पाँच दलीय गठबन्धन लामो समय सम्म चलिरहने पक्षमा आफुहरु सदैव रहेको बताउनुभयो । उहाँले पाँच दलीय गठबन्धनले लोकतन्त्र संस्थागत गर्नमा अहम भूमिका खेलेको भन्दै दलहरुले अनेक त्रुटिका बावजुद पाँच दलीय गठबन्धनलाई कायम राख्नु पर्ने धारणा राख्नुभयो ।
श्रीमानबाटै यौन उत्पीडन
लोकलाज, सहनशीलता र करुणाका कारण श्रीमान् श्रीमतीबीचको यौन सम्बन्धका उतारचढाव सार्वजनिक चर्चाका विषय बन्दैनन् । हजुरआमा उमेर समूहकी महिला श्रीमान्को यौन उत्पीडनमा परेर कानुनी उपचार खोज्ने घटना बिरलै हुन्छन् । ती मध्येका एउटा अनौठो र अत्यासलाग्दो घटना धनुषा जिल्लामा भएको छ ।
डाक्नेश्वरी नगरपालिका प्रमुखको शपथ ग्रहण र पदास्थापन
देवरामप्रसाद यादवसप्तरी, जेठ २४ गते । सप्तरीको डाक्नेश्वरी नगरपालिकाका नवनिर्वाचित नगरप्रमुख रामलखन मलाहाले पूर्वाग्रह नराखेर सबै वडा र क्षेत्रको विकास गरिने बताउनुभयो ।डाक्नेश्वरी नगरपालिकाको मगलबार आयोजित शपथ ग्रहण र पदास्थापन कार्यक्रममा प्रमुख मलाहाले सो कुरा बताउनुभएको हो ।जनप्रतिनिधिहरुले जनताको इशारा र संकेत बुझ्न जरुरी रहेको भन्नुहुँदै जनताको सुझावलाई मार्गनिर्देशनका रुपमा ग्रहण गर्नुपर्ने बताउनुभयो ।कार्यक्रममा प्रमुख अतिथि संविधानसभा सदस्य ताराकान्त चौधरीले सिँचाई, खाद्यमलको समस्यालाई प्राथमिकताका साथ समाधान गर्न आग्रह गर्नुभयो । गुणस्तरिय शिक्षामा ध्यान दिन र अस्तव्यस्त रहेको अवस्थालाई चुस्तदुरुस्त बनाउन जनप्रतिनिधिलाई सुझाव दिनुहुँदै उहाँले अविलम्ब स्तरीय प्रयोगशाला निर्माण गर्नुपर्ने बताउनु भयो ।नगर प्रमुख मलाहाले उपप्रमुख मीराकुमारी यादवसहित वडा अध्यक्षहरु र सदस्यहरुलाई सामूहिक रुपमा शपथ ग्रहण गराउनुभएको थियो ।कार्यक्रममा निवर्तमान प्रमुख शिवनारायण साह, जिल्ला विकास समितिका पूर्वसदस्य हरिसुदन यादव, निर्वाचन अधिकृत शम्भुनाथ मगर, प्रत्याशी उम्मेदवार बेचु साह, प्रमुख प्रशासकीय अधिकृत रामकिसुन यादव, वडा नम्बर ९ का अध्यक्ष कर्णदेव चौधरी, नेकपा (एमाले) सप्तरीका उपाध्यक्ष अब्दुल मजिद साकिरलगायत विभिन्न दलका प्रतिनिधिको उपस्थिति रहेको थियो ।
बारामा कुटपिटबाट एक जनाको मृत्यु
शिवशंङ्कर मिश्र बारा, जेठ २४ गते । बाराको आदर्श कोतवाल गाउँपालिकामा कुटपिटबाट एक जनाको मृत्यु भएको छ । गाउँपालिकाको वडा नम्बर ६ पटेर्वा टोलका प्रभुप्रसाद कुशवाहाको मृत्यु भएको हो । प्रभुको मृत्युपछि कुटपिटमा सम्लग्न रहेको आरोपमा प्रहरीले दुई जनालाई पक्राउ गरेको छ । स्थानीयवासी किशोरी कुशवाहा र रामप्रवेश महतोलाई पक्राउ गरी घटनाको अनुसन्धान सुरु गरिएको जिल्ला प्रहरी कार्यालय बाराका प्रवक्ता प्रहरी नायव उपरीक्षक राजेश थापाले जानकारी दिनुभयो । जिल्ला प्रहरी कार्यालय बाराकाअनुसार सोमबार दिउँसो ३ बजे पटेर्वामा जग्गा नाप्ने विषयमा विवाद भएको थियो । विवाद चर्कंदै गएपछि दुवै पक्ष कुटपिटमा उत्रिएका थिए । कुटपिटबाट घाइते भएका प्रभुलाई उपचारको लागि वीरगञ्जस्थित नेशनल मेडिकल कलेजमा ल्याइएको थियो । उपचारकै क्रममा सोमबार राति साढे ९ बजे उहाँको मृत्यु भएको प्रहरीले जनाएको छ ।
जानकी मन्दिरमा जुत्ताचप्पलको व्यवस्थापन
जनकपुरधाम, जेठ २४ गते । जनकपुरधामको जानकी मन्दिर प्राङ्गणमा जुत्ताचप्पलको व्यवस्थापन शुरु गरिएको छ । केही वर्षयता व्यवस्थापन नहुँदौ मन्दिर परिसरबाट जुत्ताचप्पल हराउने र चोरी हुने समस्या रहँदै आएको थियो ।जनकपुरधाममा महिनापिच्छे हुने धार्मिक तथा साँस्कृतिक उत्सवका बेला जानकी मन्दिर दर्शन गर्न हजारौंको संख्यामा श्रद्धालु भक्तजनहरूको घुइँचो लाग्ने गर्छ । मन्दिर परिसरभित्र प्रवेश गर्नुअघि नै जुत्ताचप्पल फुकाल्नुपर्ने हुन्छ । तर, केही वर्षयता जुत्ताचप्पल व्यवस्थापन कार्य अवरुद्ध रहँदा मन्दिरको मूल भवनबाहिर नै यत्रतत्र जुत्ताचप्पल छाड्नुपर्ने दर्शनार्थीको वाध्यता रहेको थियो । स्थानीय समाजसेवी वैद्यनाथप्रसाद साहका अनुसार फलामको स्ट्यान्ड बनाई जुत्ताचप्पल राख्ने व्यवस्थापन कार्य गर्न थालेपछि श्रद्धालुहरूलाई सजिलो भएको छ । श्रद्धालुहरू जुत्ताचप्पल फुकाएर स्ट्यान्डमा राख्न थालेपछि उहाँहरूलाई राहतको अनुभूति भएको हो । मधेश प्रदेशको चलचित्र तथा लोकसञ्चार बोर्डका अध्यक्ष धर्मेन्द्र मोरवैताले भिडभाड भएका बेला मन्दिरबाहिर जुत्ताचप्पल छरिने र अन्य बेला पनि साटिने गरेको समस्या यसको व्यवस्थापनपछि समाप्त भएको बताउनुभयो ।
सप्तरीको रुपनीमा माइक्रोबस पल्टिँदा एकको मृत्यु, १० घाइते
देवराम प्रसाद यादवसप्तरी, जेठ २४ गते । सप्तरीको रुपनीस्थित मुसहरनीया बसबिटी राजविराज सडकखण्ड अन्तर्गत रुपनी ५ स्थित पाँच किलो भन्ने ठाउँमा मगंलबार माइक्रोबस पल्टिँदा एक महिलाको मृत्यु भएको छ भने १० जना यात्रु घाइते भएका छन् । मृत्यु हुनेमा रुपनी गाउँपालिका–१ रायपुर गाउँका ६८ वर्षीया तारावतीदेवी यादव रहेको प्रहरी नायव उपरीक्षक माधवप्रसाद काफ्लेले जानकारी दिनु भयो । दुर्घटनामा गम्भीर घाइते भएका उहाँको उपचारको लागि राजविराजस्थित गजेन्द्रनारायण सिंह अस्पतालमा लगिएकोमा उपचारकै क्रममा मृत्यु भएको प्रहरीले जनाएको छ । सो दुर्घटनामा परी १० जना व्यक्ति घाइते भएका छन् । लहानबाट राजविराजतर्फ आउँदै गरेको मधेश प्रदेश ०३–००१ ज ०२७७ नम्बरको मोइक्रोबस तीव्र गतिका कारण दुर्घटनामा परेको जनाइएको छ ।
‘दाइजो हटाउन जनप्रतिनिधिहरुको ध्यान जानु आवश्यक छ’
मधेश प्रदेशका जिल्लाहरुमा विकराल समस्याको रुपमा रहेको दाइजो प्रथा हटाउन स्थानीय तहका जन प्रतिनिधिहरुको ध्यान केन्द्रित गराउन महिला अधिकारकर्मीहरु सक्रिय भएका छन् ।
दुर्घटनामा नेकपा एसका नेताको मृत्यु
सप्तरीमा ट्रकको ठक्करबाट नेकपा (एकिकृत समाजवादी)का नेताको मृत्यु भएको छ ।
बाढीको पूर्वसूचनाले जोगियो धनमाल
मनसुन सुरु भएलगतै बाढी प्रभावित क्षेत्रका स्थानीयवासीलाई सधैँ चिन्ताले पिरोल्थ्यो । वर्षाको समय भएपछि नदी र खोलामा आउने बाढीले जनधनको ठूलो क्षति बेहोर्नु पर्दा मनसुन लाग्ने बित्तिकै यहाँका बासिन्दामा चिन्ता बढ्थ्यो । बाढी आउने नआउने पूर्व जानकारी नहुँदा वर्षात्मा रातभर जाग्राम बस्नुपर्ने बाध्यता थियो तर पछिल्लो दुई वर्ष यता बाढी आउने पूर्वसूचना प्राप्त हुन थालेपछि बाढीबाट हुने जनधनको क्षति जोगिएको छ ।
प्रदूषण रोक्न स्थानीयद्वारा कुखुरा फर्ममा तालाबन्दी
सप्तरीको खडक नगरपालिका ८ मुसहरनियाँ विसनपुरमा रहेको पूर्वाञ्चल पोल्ट्री प्रा.लि. (कुखुरा फर्म)मा स्थानीयले आइतबारदेखि तालाबन्दी गरेका छन् । पटक पटक गरेको सम्झौता कार्यान्वयन नगर्दा स्थानीयहरु पुनः आन्दोलित हुने पुगेका हुन् ।
