मकवानपुरको इन्द्रसरोवरमा एमालेका अध्यक्ष र उपाध्यक्ष विजयी
मकवानपुरको इन्द्रसरोवर गाउँपालिकाको अध्यक्ष र उपाध्यक्ष दुवैमा नेकपा एमालेका उम्मेदवार विजयी भएका छन् । एमालेका देवकृष्ण पुडासैनी शर्मा र उपाध्यक्षमा उमाकुमारी लामा निर्वाचित हुनुभएको हो ।
काठमाडौं महानगर–१ मा एमालेका श्रेष्ठ विजयी
काठमाडौं महानगरपालिका –१ को वडाध्यक्षमा नेकपा (एमाले)का उम्मेदवार भरतलाल श्रेष्ठ विजयी हुनुभएको छ ।
बूढानीलकण्ठमा कांग्रेसको अग्रता
काठमाडौँको बूढानीलकण्ठ नगरपालिको प्रमुखमा नेपाली कांग्रेसले अग्रता लिएको छ । वैशाख ३० गते सम्पन्न स्थानीय तहको निर्वाचनको केहीबेर अगाडि सम्पन्न मतगणनामा कांग्रेसका उम्मेदवार विनोद चालिसेले दुई हजार ८७७ मत ल्याई अग्रता लिनुभएको निर्वाचन अधिकृत चमिला भट्टराईले राससलाई जानकारी दिनुभयो । उहाँका निकटतम प्रतिद्वन्द्वी नेकपा (एमाले)का उम्मेदवार मीठाराम अधिकारीले एक हजार ७८० मत प्राप्त गर्नुभएको छ । उक्त नगरपालिकाको प्रमुखमा १५ जनाको उम्मेदवारी परेको थियो । यस्तै, उपप्रमुखमा पनि कांग्रेसका उम्मेदवार रमिला वाग्लेले तीन हजार २२१ मत ल्याएर अग्रता लिनुभएको छ । उहाँको निकटतम प्रतिद्वन्द्वी एमालेकी उम्मेदवार अनिता लामाले तीन हजार १७१ मत प्राप्त गर्नुभएको छ ।
भरतपुरमा एमालेका सुवेदीको अग्रता
भरतपुर महानगरपालिकामा नेकपा (एमाले)का उम्मेदवार विजय सुवेदीले अग्रता लिनुभएको छ । पछिल्लो मतपरिणाम अनुसार उहाँले तीन हजार ३४२ मत प्राप्त गर्नुभएको छ । पाँच दलीय गठबन्धनको तर्फबाट नेकपा (माओवादी केन्द्र)की रेनु दाहालले तीन हजार ३२७ मत प्राप्त गर्नुभएको छ । त्यस्तै स्वतन्त्र उम्मेदवार जगन्नाथ पौडेलले एक हजार २०४ मत प्राप्त गर्नुभएको छ ।
मकवानपुरमा पहिलो महिला वडाअध्यक्ष कमला निर्वाचित
राममणि दाहालहेटौँडा, जेठ १ गते । मकवानपुर जिल्लामा पहिलो पटक महिला वडाध्यक्ष नेपाली काँग्रेसकी कमलाकुमारी वाइवा बन्नुभएको छ । स्थानीय तह सदस्यका लागि शुक्रबार भएको निर्वाचनमा बकैया गाउँपालिका वडा नं. १० मा नेकपा एमालेका कमलबहादुर घलानलाई फराकिलो मतान्तरले पराजित गर्दै ४० वर्षीय वाइवा वडाध्यक्षमा निर्वाचित हुनुभएको हो ।आइतबार सम्पन्न निर्वाचनको मत परिणामअनुसार सत्तारुढ गठबन्धनबाट उम्मेदवार बन्नुभएका वाइवाले ७८२ मत प्राप्त गर्नुभएको छ । यस्तै एमालेका घलानले ४६४ मत प्राप्त गर्नुभयो ।दलित महिला सदस्यमा काँग्रेसका सुमित्रा कामी, महिला सदस्यमा नेकपा (माओवादी केन्द्र) का राजकुमारी भोम्जन, सदस्यहरुमा माओवादी केन्द्रका रामबहादुर गोले र काँग्रेसका तीर्थराज भोम्जन विजयी हुनुभएको छ ।यस्तै, बकैया गाउँपालिकाको अध्यक्ष र उपाध्यक्ष गठबन्धनका अध्यक्ष र उपाध्यक्षका उम्मेदवारहरुको अग्रता कामय रहेको छ । अध्यक्षमा गठबन्धनबाट धर्मराज लामिछाने र उपाध्यक्षमा भक्तबहादुर खत्री र एमालेबाट अध्यक्षमा सरला बोलखे र उपाध्यक्षमा लालबहादुर स्याङ्तान चुनावी प्रतिस्पर्धामा हुनुहुन्छ ।यसैगरी बकैया गाउँपालिका वडा ५ को वडाध्यक्षमा काँग्रेसबाट महिलाले नै चुनावी प्रतिस्पर्धा गर्नुभएको छ । ३१ वर्षीय लक्ष्मी जिम्बालाई काँग्रेसले उम्मेदवार बनाएको हो । यसैबीच मकवानपुरका १०२ वडा मध्ये ३४ वडाको मत परिणाम सार्वजनिक भएको छ ।मत परिणाम सार्वजनिक भएका वडाहरुमा नेपाली काँग्रेसले अग्रता लिएको छ । काँग्रेसले मत परिणाम सार्वजनिक भएका वडाहरुमध्ये १७ वटा वडामा वडाध्यक्ष, नेकपा (माओवादी केन्द्र) ले १० वटा वडामा वडा अध्यक्ष र नेकपा (एमाले) ले सात वटा वडामा वडा अध्यक्ष जितेको छ ।यस्तै १० पालिकामध्ये अधिकांश पालिकामा सत्तारुढ गठबन्धनका उम्मेदवारहरुले अग्रता लिएका छन् । इन्द्रसरोवर गाउँपालिकामा एमाले र हेटौँडा उपमहानगरपालिकामा राष्ट्रिय प्रजातन्त्र पार्टीले अग्रता लिएको छ ।हेटौँडा उपमहानगरपालिकाको वडा नं. २, ३, १८ र १९ मा मतगणना जारी रहेको मुख्य निर्वाचन अधिकृतको कार्यालयले जनाएको छ ।मकवानपुरमा कुल मतदाता दुई लाख ९४ हजार २१९ मतदाता रहेकोमा दुई लाख १० हजार १०८ अर्थात ७१.२४ प्रतिशत मत खसेको थियो । जिल्लाको १० वटै पालिकामा रहेको मतगणनास्थलमा तारजालीसहित सुरक्षा व्यवस्था कडा गरिएको छ ।
धादिङका २१ वडाको नतिजा : माओवादी सात, कांग्रेस छ, एमाले पाँच वडामा विजयी
मुरारी अधिकारीधादिङ, जेठ १ गते। वैशाख ३० गते भएको स्थानीय तहको निर्वाचनमा धादिङका १३ वटा नै पालिकामा मत गणना भइरहेको छ। मतगणना भएको पालिका अन्तर्गत अहिलेसम्म २१ वटा वडाको मतगणना सम्पन्न भइसकेको छ।हालसम्म विजयी भएका वडा अध्यक्षमा नेकपा (माओवादी केन्द्र)का सात जना रहेका छन्। नेपाली काँग्रेसका तर्फबाट छ जना वडा अध्यक्ष विजयी भएका छन्। नेकपा एमालेका तर्फबाट पाँच जना वडा अध्यक्ष विजयी भएका छन्। त्यसैगरी राप्रपाले दुई वटा वडा अध्यक्षमा जित हासिल गरेको छ। एकीकृत समाजवादीले एउटा वडामा जितेको छ। धादिङमा १३ वटा पालिका र १०४ वटा वडा रहेका छन्।
काभ्रेको ९ वडामा एमाले विजयी
केदार तिमल्सिना बनेपा, जेठ १ गते । काभ्रेमा आईतबार साँझसम्म २१ वटा वडाको नतिजा सार्वजनिक भएको छ । हालसम्म नेकपा एमाले सबैभन्दा बढी वडामा विजयी भएका छन् । १३ वटा स्थानीय तह रहेको काभ्रेमा १३५ वटा वडा छन्। आइतबार साँझ ६ बजेसम्मको नतिजा अनुसार जिल्लाको नौ वटा वडामा एमाले, आठ वटा वडामा नेपाली काँग्रेस, तीन वटा वडामा नेकपा माओवादी केन्द्र र एउटा वडामा स्वतन्त्र उम्मेदवार वडा अध्यक्षमा विजयी हुनुभएको छ । एमाले जिल्लाको रोशी गाउँपालिका-१, धुलिखेल नगरपालिका २, ३, मण्डनदेउपुर नगरपालिका-१, चौरीदेउराली गाउँपालिका-२, बनेपा नगरपालिका–१ मा विजयी भएको हो । यसैगरी, जिल्लाको भुम्लु गाउँपालिका ३ र ४, पनौतीको वडा नम्बर २ मा वडा अध्यक्ष विजयी भएको छ । नेपाली काँग्रेसका उम्मेदवारले जिल्लाको बेथानचोक गाउँपालिका-१, भुम्लु गाउँपालिका-२, महाभारत गाउँपालिका-२, धुलिखेल नगरपालिका-१, चौरीदेउराली गाउँपालिका-१, मण्डनदेउपुर नगरपालिका-२, बनेपा नगरपालिका-२ र खानीखोला गाउँपालिका-२ मा विजयी भएका छन् । यस्तै, नेकपा माओवादी केन्द्रका तर्फबाट जिल्लाको खानीखोला गाउँपालिका-१, महाभारत गाउँपालिका-१ र भुम्लु गाउँपालिका-१ को वडा अध्यक्षमा विजयी भएका छन् भने जिल्लाको नमोबुद्ध नगरपालिका-१ मा स्वतन्त्र उम्मेदवार विजयी भएका छन् ।
सिन्धुलीमा १६ वडाको मत परिणाम सार्वजनिक
सिन्धुली समाचतारदातासिन्धुलीमाढी, जेठ १ गते । सिन्धुलीमा ७९ वडामध्ये १६ वटा वडाको अन्तिम मत परिणाम सार्वजनिक भएको छ । अन्तिम मत परिणाम अनुसार नेकपा (माओवादी केन्द्र)ले ९ वटा वडा, नेपाली काँग्रेसले ५ वटा वडा र नेकपा एमालेले दुई वटा वडामा जित हात पारेको हाे । नेकपा माओवादी केन्द्रले मरिण गाउँपालिकामा १, २, ३, हरिहरपुरगढी गाँउपालिका १, गोलन्जोर गाउँपालिका १, घ्याङलेख गाउँपालिका १ र ५, दुधौली नगरपालिका १३ र फिक्कल गाउँपालिका १ मा जित हात पारेको निर्वाचन अधिकृतको कार्यालयले जनाएको छ । नेपाली काँग्रेसले हरिहरपुरगढी गाउँपालिका २, तीनपाटन गाँउपालिका २, १०, ११ र गोलन्जोर गाँउपालिका २ मा विजयी हासिल गरेको हाे । निर्वाचन अधिकृतको कार्यालले जनाए अनुसार नेकपा एमालेले पनि कमलामाई नगरपालिका ३ र तीनपाटन गाउँपालिका १ मा जित हात पारेको छ ।
भक्तपुरको दुई वडामा कांग्रेसको प्यानल विजयी
काठमाडौं, जेठ १ गते। भक्तपुर जिल्लाको चाँगुनारायण नगरपालिका नम्बर १ को वडा अध्यक्षमा नेपाली कांग्रेसका सिजन कार्की १२ सय २५ मतसहित विजयी हुनुभएको छ। कार्कीले निकटतम प्रतिद्वन्द्वी नेकपा एमालेका ईश्वर थापा १२ मतले पराजित हुनुभयो। यसैगरी, नेकपा माओवादी केन्द्रका शिवहरि रोक्काले ६५, नेपाल मजदुर किसान पार्टीका चिनीकाजी अवालको ८२, राष्ट्रिय प्रजातन्त्र पार्टीका जनक थापाको ३३१ र स्वतन्त्र उम्मेदवार भरतप्रसाद न्यौपानेको २२ मत प्राप्त भएको निर्वाचन अधिकृत कार्यालय, भक्तपुरले जनाएको छ।महिला सदस्यमा पनि कांग्रेसका मुना गुरुङ, दलित महिला सदस्यमा कांग्रेसका पुजा बर्ढेवा र अन्य दुई सदस्यमा पनि कांग्रेसकै गोविन्द श्रेष्ठ र श्रीकृष्ण श्रेष्ठ विजयी हुनुभएको छ।मध्यपुर थिमी नगरपालिका-१ मा कांग्रेसका डंगोल विजयीभक्तपुरको मध्यपुर थिमी नगरपालिका-१ को वडा अध्यक्षमा नेपाली कांग्रेसका बाबुकाजी डंगोल निर्वाचित हुनुभएको छ। सो पदमा नेकपा एमालेका कृष्ण गोपाल प्याठ भने करिब चार सय मतले पराजित हुनुभयो छ। जिल्ला निर्वाचन कार्यालय भक्तपुरका सूचना अधिकारी भीमबहादुर बीसीले राष्ट्रिय प्रजातन्त्र पार्टीका मनोज कुमार बुढाथोकीको २२६, नेपाल मजदुर किसान पार्टीका लक्ष्मीकुमार हेक्काको ४१ मत परेको छ। महिला सदस्यमा कांग्रेसका सरस्वती खड्का, दलित महिला सदस्यमा कांग्रेसका रिमा परियार र सदस्यमा कांग्रेसका कान्छा राम द्वारे र नेकपा एमालेका श्याम कृष्ण प्रजापति निर्वाचित हुनुभएको छ।
कीर्तिपुर नगरपालिकामा प्रमुखमा कांग्रेसको अग्रता, वडा १, २, ३ मा विजयी
कीर्तिपुर, जेठ १ गते । स्थानीय तहको निर्वाचनअन्तर्गत कीर्तिपुर नगरपालिकाको प्रमुखमा नेपाली कांग्रेसका राजकुमार नकर्मीले दुई हजार ६२० मत प्राप्त गर्नुभएको छ । उहाँका निकटतम प्रतिद्वन्दी नेपाल कम्युनिष्ट पार्टी (एमाले)का केशरत्न बज्राचार्यले एक हजार ६०५ प्राप्त गर्नुभएको छ । नेकपा माओवादी केन्द्रका उम्मेदवार प्राडा शिवशरण महर्जन तेश्राे स्थानमा रहनुभएकाे छ । उपप्रमुखमा साेही पार्टीकी शुभलक्ष्मी शाक्यले दुई हजार ४१५ प्राप्त गर्नुभएको छ । उहाँको निकटतम प्रतिद्वन्द्वी एमालेकी बिन्दु महर्जनले दुई हजार ३०३ मत प्राप्त गर्नुभएको छ ।दश वडा रहेको उक्त नगरपालिका–१ मा कांग्रेसका हिरालाल महर्जनले ७७८ मत ल्याएर निर्वाचित हुनुभएको छ । उहाँको निकटतम प्रतिद्वन्द्वी एमालेका हर्ष महर्जनले ५८२ मत प्राप्त गर्नुभयो । वडा नं २ मा कांग्रेसका रुपेश महर्जनले ८८६ मत प्राप्त गरेर विजयी हुनुभएको छ । उहाँको निकटतम प्रतिद्वन्द्वी एमालेका रमेशमान डङ्गोलले ६९७ मत प्राप्त गर्नुभयो । वडा नं ३ मा कांग्रेसका सुविन्द्र महर्जनले ९८८ मत प्राप्त गरी निर्वाचित हुनुभएको छ भने उहाँका प्रतिष्पर्धी एमालेका राजेन्द्र महर्जनले ८२२ मत प्राप्त गर्नुभयो । अन्य वडाको मतगणना जारी छ । कुल तीस हजार ३२८ मतदाता भएको उक्त नगरपालिकामा २४ हजार ३२ मत खसेको निर्वाचन अधिकृत कमला घिमिरेले जानकारी दिनुभयो ।
धादिङका १२ वटा वडाको नतिजा सार्वजनिक
वैशाख ३० गते भएको स्थानीय तहको निर्वाचनमा धादिङका १३ वटा नै पालिकामा मत गणना भइरहेको छ । मतगणना भएको पालिका अन्तर्गत हाल सम्म १२ वटा वडाको मत गणना सम्पन्न भइसकेको छ ।
काठमाडौं महानगरमा बालेनको अग्रता जारी
काठमाडौं महानगरपालिकाको पछिल्लो मतपरिणाम अनुसार प्रमुखमा स्वतन्त्र उम्मेदवार बालेन शाह १५७५ मतसहित पहिलो स्थानमा हुनुहुन्छ । आइतबार बिहान ८:०० बजेसम्मको मतगणनामा नेकपा एमालेका केशव स्थापितले ९८५, नेपाली कांग्रेसककी सिर्जना सिंहले ८२५ मत प्राप्त गर्नुभएको छ ।
भक्तपुर नगरपालिकामा नेमकिपाको अग्रता
भक्तपुर जिल्लाको चार वटै स्थानीय तहमध्ये भक्तपुर नगरपालिका प्रमुखमा र उपप्रमुखमा नेपाल मजदुर किसान पार्टीको ठूलो मतान्तरका साथ अग्र स्थानमा छ।
भरतपुर महानगरपालिकामा दाहालको अग्रता
भरतपुर महानगरपालिकामा पाँच दलीय गठबन्धनले अग्रता पाएको छ।
सिन्धुपाल्चाेकका चार वडामा काँग्रेस विजयी
त्रिपुरासुन्दरी गाउँपालिका–१ मा काँग्रेसका उम्मेदवार सीताराम थापाको प्यानल विजयी भएका छन् ।
पाँचखाल– १३ मा मङ्गलबार पुनः मतदान हुने
केदार तिमल्सिना बनेपा, वैशाख ३१ गते । काभ्रेको पाँचखाल नगरपालिका–१३ मा स्थगित भएको मतदान प्रक्रिया जेठ ३ गते मङ्गलबार पुनः सञ्चालन हुने भएको छ । निर्वाचन अधिकृतको कार्यालय पाँचखालका अनुसार विवादका कारण नगरपालिकाको वडा नम्बर–१३ स्थित श्रीराम मावि मतदान केन्द्रमा पुनः मतदान हुन लागेको हो । पाँचखाल नगरपालिकाका निर्वाचन अधिकृत रुद्र कोइरालाले पाँचखाल नगरपालिका–१ स्थित श्रीराम मावि क र ख मतदान केन्द्रको पुनः मतदान गर्ने गरी सूचना टाँस गरिएको बताउनुभयो । उहाँले मङ्गबार बिहान ७ बजेदेखि साँझ ५ बजेसम्म पुनः मतदान हुने तयारी गरिएको बताउनुभयो । विवाद भएपछि शुक्रबार नै सर्वदलीय बैठक राखेर मतदान सुचारु गर्न प्रयास गरे पनि सफल हुन सकेको थिएन ।
भक्तपुरको तीन नगरमा काँग्रेस र एकमा नेमकिपाको अग्रता
भक्तपुरको चार नगरपालिकामध्ये तीन नगरमा नेपाली कांग्रेस र एक नगरमा नेपाल मजदूर किसान पार्टीले अग्रता लिएका छन्।
सिन्धुपाल्चोकमा काँग्रेसले खाता खोल्यो
चित्र मिजारसिन्धुपाल्चोक, वैशाख ३१ गते । सिन्धुपाल्चोकको १०३ वडामध्ये नेपाली काँग्रेसले बाह्रबिसे नगरपालिका–१ मा प्यानलसहित विजयी भएर खाता खोलेको छ ।बाह्रबिसे नगरपालिकाको १ घोर्थलीमा अध्यक्ष पदमा काँग्रेसका उम्मेद्वार आङदोर्जे शेर्पा ४१५ मत ल्याएर प्यानलसहित विजयी भएका छन् । उहाँको निकटम प्रतिद्वन्द्वी एमालेका उम्मेद्वार प्रेमकुमार मगरले २२७ मत ल्याएर पराजय भएका छन् । एउटै व्यक्तिले दुई पटक मतदान गरेपछि एमाले–काँग्रेसको झडपले लामो समय रोकिएको मतदान सर्वदलीय सहमतिपछि शुक्रबार पुनः सुरु गरिएको थियो । सो वडामा ९२७ मतदातामध्ये भारी मत ल्याएर शेर्पा विजयी भएका छन् ।
भरतपुर महानगरमा मतगणना सुरु
भरतपुर महानगरपालिकाको मतगणना सुरु भएको छ ।शनिबार मध्याह्नदेखि महानगरको वडा नम्बर १ को रामनगर मावि र आदिकवि भानु माविको केन्द्रबाट मतगणना सुरु भएको हो ।
धुलिखेल एकमा काँग्रेसका सन्तबहादुर विजयी
केदार तिमल्सिना बनेपा, बैशाख ३१ गते । काभ्रेको धुलिखेल नगरपालिकामा नेपाली काँग्रेसले विजयी सुरुवात गरेको छ । धुलिखेल नगरपालिकाका निर्वाचन अधिकृतको कार्यालयका अनुसार धुलिखेल नगरपालिका– १ को वडा अध्यक्षमा नेपाली काँग्रेसका उम्मेदवार सन्तबहादुर लामा ५७३ मत ल्याई विजयी भएको जनाएको छ । कार्यालयका अनुसार धुलिखेल नगरपालिका–१ को महिला सदस्यमा नेपाली काँग्रेसका उम्मेदवार चन्द्रमाया तामाङ (५५२ मत), दलित महिला सदस्यमा काँग्रेसकै गोमा विश्वकर्मा (५४७ मत), खुल्ला सदस्यमा काँग्रेसकै दिपक घोरासाईने (५२० मत) र अर्को खुल्ला सदस्यमा एमालेका लाक्पा लामा (४८५ मत) विजयी हुनुभएको छ । यसैगरी धुलिखेल नगरपालिका वडा नम्बर ६ को दलित महिला सदस्यमा एमालेकी पार्वती विश्वकर्मा निर्विरोध निर्वाचित भएको निर्वाचन अधिकृतको कार्यालयले जनाएको छ ।
सिन्धुलीमा ७० प्रतिशतभन्दा बढी मत खसेको अनुमान
सिन्धुली जिल्लाका सबै मतदान केन्द्रमा स्थानीय तह निर्वाचनअन्तर्गतको मतदान उत्साहपूवर्क सम्पन्न भएको छ ।
स्थगितमध्ये तीन मतदान केन्द्रमा पुनः मतदान सुरु
राजनीतिक दलहरुबीच भएको विवादका कारण मतदान स्थगित भएका काभ्रेका चार मतदान केन्द्रमध्ये तीन मतदान केन्द्रमा पुनः मतदान सुरु भएको छ ।
रसुवामा ६० प्रतिशत मतदान
वर्षाका कारण स्थानीय तहको मतदानमा केही असर पारेको छ । उत्तरी रसुवामा आज दिउँसो केहीबेर हल्का वर्षाका कारण मतदानस्थलमा असर परे पनि मतदान निरन्तर रूपमा अगाडि बढिरहेको मुख्य निर्वाचन अधिकृत राजेन्द्र नेपालले बताउनुभयो ।
भक्तपुरमा ६५ प्रतिशत मत खस्यो
भक्तपुरमा स्थानीय तह निर्वाचन शान्तिपूर्ण, निष्पक्ष र सौहार्दपूर्ण वातावरणमा मतदान भइरहेको मुख्य निर्वाचन कार्यालयले जनाएको छ ।