गणतन्त्रलाई उल्ट्याउने प्रवृत्ति अझै कायमै छ : माओवादी अध्यक्ष प्रचण्ड
नेकपा (माओवादी केन्द्र)का अध्यक्ष पुष्पकमल दाहल 'प्रचण्ड' सङ्घीय लोकतान्त्रिक गणतन्त्रलाई उल्ट्याउने प्रवृत्ति अझै कायमै रहेको बताउनुभएको छ ।
दोहोरो नागरिकताको आरोपमा पक्राउ
झुटाे विवरण पेस गरी दोहोरो नागरिकता प्रमाणपत्र लिने दुई जना पक्राउ परेका छन् । जिल्ला प्रशासन कार्यालय काभ्रेमा झुटा विवरण पेस गरी दोहोरो नागरिकता लिएको आरोपमा पक्राउ पर्नेमा जिल्लाको भुम्लु गाउँपालिका–३ की ३९ वर्षीया सुनिता गिरी र ३६ वर्षीय राजु गिरी रहेका छन् । जिल्ला प्रहरी कार्यालय काभ्रेले शुक्रबार उनीहरूलाई पक्राउ गरेको हो ।
गम्भीर प्रकृतिका बिरामीलाई मासिक पाँच हजार
रोशी गाउँपालिकाले गम्भीर प्रकृतिका बिरामीलाई मासिक रु पाँच हजार दिने निर्णय गरेको छ । बिरामीलाई औषधोपचारमा सहयोग होस् भन्ने उद्देश्यले यस्तो निर्णय गरेको गाउँपालिकाले जनाएको छ ।
जनप्रतिनिधिका लागि योग शिविर
काठमाडौं, असार ४ गते। गोकर्णेश्वर नगरपलिकाका प्रमुख दीपक रिसालले नगरपालिकका ९ वटै वडामा योग भवन निर्माण गर्ने बताउनुभएको छ।आठौं अन्तर्राष्ट्रिय योग दिवसको अवसरमा नगरपालिकाले जनप्रतिनिधिका लागि शनिबार जोरपाटीमा आयोजना गरेको योग शिविरमा सहभागी रिसालले यस्तो बताउनुभएको हो। उहाँले ज्येष्ठ नागरिक विश्रामस्थल, वाचनालय, पुस्तकालयसहितको एकीकृत नमूना योग भवन बनाउनेसमेत बताउनुभएको छ। नगरपालिकाको सुन्दरीजल क्षेत्रलाई ध्यान एवं योग पर्यटनका रुपमा विकास गर्ने योजनासमेत उहाँले सुनाउनुभएको छ। कार्यक्रममा योग प्रशिक्षक रामप्रसाद संजेल, प्रमेश अधिकारी र योगेन्द्र खतिवडाले १५ भन्दा बढी स्थानमा नियमित योग शिविर संचालन भइरहेको जानकारी दिए। कार्यक्रममा पतंजली योग समिति नेपालका योग प्रिशिक्षक अच्युत अर्यालले विभिन्न योग अभ्यास गराउनुभयो। जुन २१ अर्थात् असार ७ गते अन्तर्राष्ट्रिय योग दिवसको अवसरमा विभिन्न कार्यक्रम हुँदैछन्।
नेपाल भाषा शिक्षण तालिम सम्पन्न
काठमाडौं, असार ४ गते। काठमाडौं महानगरपालिका शिक्षा विभागले आयोजना गरेको ‘नेपाल भाषा शिक्षण तालिम’ सम्पन्न भएको छ। समापन समारोहमा बोल्नुहुँदै काठमाडौं महानगरका उपप्रमुख सुनिता डंगोलले नेपाल भाषा पाठ्यक्रम सबै उमेर समूहका विद्यार्थीका लागि सहज रूपमा सिक्न सक्नेगरी बनाउनुपर्नेमा जोड दिनुभयो। उपप्रमुख डंगोलले सरकारी तथा निजी विद्यालय पाठ्यक्रममा नेपाल भाषा समावेश गरेकाले यसको संरक्षणमा सहयोग पुग्ने बताउनुभयो। काठमाडौंको स्थानीय भाषा, नेपाल भाषाका शिक्षकलाई सम्बोधन गर्नुहुँदै उहाँले व्यवहारिक शिक्षा कार्यान्वयन गरेर पाठ्यक्रमलाई विद्यार्थीले बुझ्ने, रोचक र सहज बनाउनुपर्नेमा जोड दिनुभएको हो। शिक्षकका रुपमा नयाँ अध्यायको सुरुवात भएको बताउँदै उहाँले सबै प्रशिक्षार्थीलाई विद्यार्थीको मनपर्ने शिक्षक बन्न शुभकामनासमेत दिनुभयो। एक सातासम्म चलेको शिक्षण तालिम शनिबार सम्पन्न भएको हो।कार्यक्रममा कामपा शिक्षा विभागका प्रमुख रामप्रसाद सुवेदी, वडा नम्बर २२ का वडाध्यक्ष चिनीकाजी महर्जन, कामपाका शिक्षा अधिकृत मोतीराज खनाल, प्रशिक्षक सुरेश किरण मानन्धरलगायतको उपस्थिति थियो।
आगलागी पीडितलाई पाँच लाख रुपियाँ सहयोग
बलेफी गाउँपालिका –७ खाडीचौरस्थित हार्डवयर पसलका आगलागी पीडितलाई सिन्धुपाल्चोक उद्योग वाणिज्य संघले नगद सहयोग गरेको छ । आगलागी पीडित बिदुर खड्कालाई संघमा आबद्ध ब्यापारी, ब्यबसायीले ५ लाख ४६ हजार ५५ रुपियाँ नगद सहयोग गरेको सिन्धुपाल्चोक उद्योग वाणिज्य संघका अध्यक्ष होमबहादुर बस्नेतले जानकारी दिनुभयो ।
ट्रकको ठक्करबाट साइकलयात्रीको मृत्यु
पूर्वी चितवनको टाडीमा ट्रकले साइकलयात्रीलाई ठक्कर दिंदा एक युवकको ज्यान गएको छ । पूर्व–पश्चिम राजमार्ग अन्तर्गत रत्ननगर ९ गणेशचोकमा ना ४ ख २७४८ नम्बरको ट्रकले साइकलयात्री रत्ननगर १० बस्ने ३७ वर्षीय उमेश दराईलाई ठक्कर दिएको थियो ।
मुग्लिन–नारायणगढ सडकखण्डको चारकिलोमा सुख्खा पहिरो जाँदा राजमार्ग अवरुद्ध
मुग्लिन नारायणगढ सडकखण्डको चारकिलोमा सुख्खा पहिरो खसेपछि बिहान ११ः३० देखि राजमार्ग अवरुद्ध भएको छ । राति पानी परे पनि विहान विना वर्षा पहिरो खसेको जिल्ला प्रहरी कार्यालय चितवनले जानकारी दिएको छ । इच्छाकामना गाउँपालिका–६ स्थित चारकिलोमा खसेको पहिरो पन्छाउन प्रहरी परिचालन भएको छ ।
अस्पतालले स्वास्थ्य बीमाको रकम पाएन
काभ्रेको धुलिखेल सामुदायिक अस्पतालले नेपाल सरकारले स्वास्थ्य बीमा उपचारबापतको रकम भुक्तानी नदिँदा अस्पताल सञ्चालनलगायतका गतिविधिमा समस्या भएको जनाएको छ ।
नचलाऊ चुरे, खोज खानी
सिन्धुलीको कुल वन क्षेत्रमध्ये आधाभन्दा धेरै चुरे क्षेत्रमा पर्छ । अत्यन्त कमजोर भू–बनोटका कारण चुरे क्षेत्रबाट हुने भूक्षयबाट बर्सेनि यस क्षेत्रमा सयौँ बिघा खेतीयोग्य जमिन बगरमा परिणत हुँदै आएको छ ।
उत्पादनका कार्यक्रमलाई अब प्राथमिकता : अध्यक्ष दाहाल
नेकपा (माओवादी केन्द्र) का अध्यक्ष पुष्पकमल दाहालले अब चितवनमा उत्पादनका कार्यक्रमलाई प्राथमिकता दिने बताउनुभएको छ । भरतपुर महानगरपालिकाको आगामी कार्यदिशा विषयक अन्तरक्रिया कार्यक्रममा शुक्रबार उहाँले सो कुरा बताउनुभयो ।
दश सहरमा विशेष विद्युत् कार्यक्रम ल्याउँछौं : निर्देशक घिसिङ
नेपाल विद्युत् प्राधिकरणका कार्यकारी निर्देशक कुलमान घिसिङ्ले आउँदो ५० वर्षको मागलार्इ धान्नेगरि १० वटा मुख्य सहरमा विशेष कार्यक्रम ल्याउने तयारी भैरहेको बताउनुभएको छ । समृद्ध भरतपुर महानगरसम्बन्धी कार्यक्रममा शुक्रवार सम्बोधन गर्दै उहाँले नेपालका मुख्य सहरको मागलार्इ पूरा गर्नेगरी विधुतको कार्यक्रम ल्याउने बताउनुभयो ।
एसपीपी सम्झौता खारेज हुन्छ : प्रचण्ड
नेकपा (माओवादी केन्द्र) का अध्यक्ष पुष्पकमल दाहालले अमेरिकी स्टेट पार्टनरसीप प्रोग्राम ‘एसपीपी’ सम्झौता खारेज हुने बताउनुभएको छ ।
ससुराली गएका तामाङ मृत फेला
ससुराली गएका ककनी गाउँपालिका–८ मात्रागाउँका ४५ वर्षीय एकबहादुर तामाङ मृत अवस्थामा भेटिएको छ । जिल्लाको बेलकोटगढी नगरपालिका वडा नं ८ काशीटारमा हात बाँधिएर मृत्यु भएको अवस्थामा फेला परेको प्रहरीले जनाएको छ ।
सिमेन्ट उद्योगमाथिको शुल्क मिलेमतोमा हटाइएको आरोप
बागमती प्रदेश सभाका सदस्यले सिमेन्ट उद्योगमाथि लाग्दै आएको शुल्क उद्योगीसँगको मिलेमतोमा प्रदेश सरकारले खारेज गरेको आरोप लगाएका छन् ।आगामी आर्थिक वर्ष २०७९/८० को राजस्व र व्ययको वार्षिक अनुमान (बजेट)माथिको प्रदेश सभामा बिहीबार भएको सामान्य छलफलमा विपक्षी दलका प्रदेश सभाका सदस्यले सिमेन्ट उद्योगलाई करमा दिएको छुट नीतिगत रूपमा भ्रष्टाचारको एउटा शृङ्खला भएको आरोप लगाउनुभएको हो ।
जिल्ला तहमा अभिमुखीकरण कार्यक्रम गर्न आयोगलाई काउन्सिलको सुझाव
प्रेस काउन्सिल नेपालले निर्वाचन आचारसंहिताबारे जनचेतना बढाउन जिल्ला तहमा अमिभुखीकरण कार्यक्रम गर्नुपर्ने लगायत १६ बुँदे सुझाव निर्वाचन आयोगलाई दिएको छ।
वातावरणीय अध्ययन गरेर मात्रै प्राकृतिक स्रोतको उत्खनन गर्न राष्ट्रपतिको आग्रह
राष्ट्रपति विद्यादेवी भण्डारीले चुरे क्षेत्रको वातावरणीय अध्ययन गरेर मात्रै ढुङ्गा, गिटी र बालुवा जस्तो प्राकृतिक स्रोतको उत्खनन् तथा सङ्कलन गर्न आग्रह गर्नु भएको छ । उहाँले बिहीबार सिन्धुलीको दुधौली नगरपालिका–३ स्थित रानीबासमा राष्ट्रपति चुरे–तराई संरक्षण विकास समिति र नेपाली सेनाको श्री नं. १ वन तथा पर्यावरण सुरक्षा गणले संयुक्त रुपमा आयोजना गरेको आठाैं चुरे दिवसको अवसरमा एक दिनमा एक लाख विरुवा वृक्षारोपण कार्यक्रमको शुभारम्भ समारोहमा यस्तो आग्रह गर्नुभएको हो ।
बाघको आक्रमणबाट एक युवतीको मृत्यु, बाघ धपाउन पाँच राउण्ड हवाई फायर
भरतपुर महानगरपालिका २७ स्थित राधा कृष्ण मध्यवर्ती सामुदायिक बनमा निगुरो टिप्न भनी गएको अवस्थामा एक युवतीलाई बाघले आक्रमणमा गरी मारिदिएको छ ।
‘आफ्नो इज्जत बढाउन अरुलाई सम्मान गर्नुपर्छ’
२९ वर्ष ट्राफिक प्रहरीको अनुभव बटुल्नुभएका सीताराम हाछेथु ललितपुर महानगरपालिकाको नगर प्रहरी प्रमुखको जिम्मेवारीमा हुनुहुन्छ । नगर प्रहरी प्रमुखको रुपमा आउनुभएको २१ महिना भएको छ । यस अवधिमा उहाँले नगरपालिकामा सकारात्मक परिवर्तनका लागि विभिन्न प्रयास गर्नुभएको छ ।
निर्वाचन क्षेत्र पूर्वाधार साझेदारी कार्यक्रम खारेज
बागमती प्रदेश सरकारले आगामी आर्थिक वर्ष २०७९/८० का लागि ७० अर्ब ९३ करोड ९२ लाख बजेट विनियोजन गरिएको छ । विनियोजन गरिएको बजेटमध्ये चालूतर्फ १९ अर्ब दुई करोड ४१ लाख, पुँजीगततर्फ ४१ अर्ब,
१९० वर्ष पुरानो सत्तल पुनः निर्माण
इन्द्रावती गाउँपालिका–५ ऐँसेलुखर्कमा १९० वर्ष पुरानो सत्तल पुनः निर्माण भएको छ । सत्तलसँगै रहेको रणनैनेश्वर मन्दिर पनि पुननिमार्ण सुरु भएको छ ।
नगर अस्पतालमा रेबिजविरुद्धको खोप सेवा
पूर्वी चितवनको खैरहनी नगर अस्पतालमा रेबिजविरुद्ध (एन्टी रेबिज) को खोप सेवा सुरु गरिएको छ । जिल्लामा भरतपुर अस्पतालमा मात्रै पाइने यो सेवा खैरहनी नगर अस्पतालले पहिलोपटक सुरु गरेको हो ।
अघि बढ्यो विमानस्थल निर्माण प्रक्रिया
सिन्धुली जिल्लाको कमलामाई नगरपालिका–८ र १० को बीचमा रहेको बाघमारा–सिस्नेरीमा विमानस्थल निर्माणको तयारी भएपछि स्थानीयवासी उत्साहित बनेका छन् ।नेपाल नागरिक उड्डयन प्राधिकरण काठमाडौँले उक्त स्थानमा सिन्धुली कमलामाई विमानस्थल आयोजनाको वातावरणीय प्रभाव मूल्याङ्कन गर्ने भएसँगै स्थानीय उत्साहित भएका हुन् ।
बाँदर धपाउने काम पेचिलो
बाँदरबाट आतङ्कित बनेका दोलखाको भीमेश्वर नगरपालिका– ४ र ५ का किसानलाई निर्वाचनका बेला दिएको बाँदर धपाइदिने प्रतिबद्धता निर्वाचित भएपछि जनप्रतिनिधिलाई असहज बनेको छ । यी वडाका अधिकांश क्षेत्रमा स्था