राप्ती राजमार्गको स्तरोन्नति सुस्त
रुकुम, सल्यान र रोल्पालाई सडक सञ्जालमा जोड्ने राप्ती राजमार्ग स्तरोन्नतिको काम सुस्त गतिमा भइरहेको छ । यो सडकको स्तरोन्नति गर्न बर्सेनि करोडौँ रुपियाँ विनियोजन भए पनि कामले गति लिन सकेको छैन ।
तीन पुस्ता देखि अझै हालिया, सुविधा जति बलियाकै गोजीमा
तीन पुस्ता देखि हालिया बनेकाहरू अझै पनि हलियानै छन् भन्दा अनौठो लाग्न सक्छ । बाजुरा पूर्व उत्तर क्षेत्र स्वामिकार्तिक गाउँपालिका वडा नं –५ जेराका मूल विकको यथार्थ जीवन हो । उहाँ लगायत बाजुराका एक हजार ६ सय बढी हालिया परिवारको अवस्था यस्तै छ ।
सुत्केरीको हेलिकोप्टरबाट उद्धार
जिल्ला अस्पताल कालीकोटबाट एक जना सुत्केरीको हेलिकोप्टरमार्फत उद्धार गरिएको छ। तिलागुफा नगरपालिका वडा नम्बर ७ की ३४ वर्षीया दन्दा विष्ट रावतको अत्यधिक रक्तश्राप भएपछि हेलिकोप्टर मार्फत उद्धार गरिएको हो।
महावु गाउँपालिकाका अध्यक्षको मृत्यु
महावु गाउँपालिकाका अध्यक्ष लछुमन गुरुङको मृत्यु भएको छ । ७९ वर्षिय गुरुङको जिल्ला अस्पताल दैलेखमा उपचारका क्रममा आज मृत्यु भएको हो ।
ट्याक्टर दुर्घटनामा एक घाइते
ट्याक्टर दुर्घटना हुँदा एक जना घाइते भएका छन् । दैलेखको लोहोरे खोलाबाट सदरमुकामतर्फ आउँदैगरेको से २ त १६५२ नम्बरको ट्याक्टर नारायण नगरपालिका –८ सिमाडामा भएको दुर्घटनामा एक जना घाइते भएको जिल्ला प्रहरी कार्यालय दैलेखले जानकारी दिएको छ ।
किसानलाई स्याउका बोट बितरण
दक्षिणी क्षेत्रको ताँजाकोट गाउँपालिकाले अगुवा किसानलाई स्याउको बोट बितरण गरेको छ । ब्यवसायिक स्याउ खेती गर्न गाउँपालिकाको कृषि शाखाले अनुदानमा स्याउका बिरुवा बितरण गरेको हो ।
पश्चिम रुकुमको स्यालाखदी केन्द्रबिन्दु भएर भूकम्प
पश्चिम रुकुमको स्यालाखदी केन्द्रबिन्दु भएर भूकम्प गएको छ ।
आठ करोड जरिवानासहित ठेक्का रद्द : पेस्की रकम फिर्ता, धरौटी जफत
वाईपी कन्स्ट्रक्सन प्रालिले १० वर्षसम्म पनि पुल निर्माण नगरेपछि सरकारले पेस्की रकम फिर्ता र कम्पनीको धरौटी रकम जफत गरेको छ। कम्पनीलाई आठ करोड ५७ लाख ९५ हजार ६२६ रुपियाँ जरिवानासमेत तोकिएको छ। मध्यपहाडी राजमार्गअन्तर्गत रुकुमपश्चिम र जाजरकोट जोड्ने भेरी नदीको पुल निर्माण गर्ने जिम्मा लिएको सो कम्पनीले पुल निर्माण अलपत्र पारेपछि सरकारले दुई करोड ६० लाख पेस्की रकम र ७२ लाख धरौटी रकम जफत गरेको हो। मध्यपहाडी राजमार्ग आयोजना कार्यालय दैलेखका अनुसार १० वर्षसम्म पनि पुल निर्माण नगरेपछि पेस्की रकम फिर्ता, धरौटी जफत गरेर जरिवाना गर्ने निर्णय गरिएको हो।
खसीबोका बेच्न कानुनी झन्झट
कर्णालीबाट देशका विभिन्न सहरमा खसी पठाउँदै आएका व्यवसायी पशु स्वास्थ्य ऐन अभावमा कानुनी झन्झटै बेहोर्दै आएका छन्। पशु स्वास्थ्य ऐन २०५५ र निमावली २०५६ मा तोकिएको सर्तमा हिमाली क्षेत्रबाट मुलुकका सहरी क्षेत्रमा निर्यात गरिने खसीबोका लैजान निकै समस्या भएको छ। पशु अस्पताल तथा पशुसेवा कार्यालय कालीकोटका निमित्त प्रमुख लक्ष्मीप्रसाद अधिकारीले पुरानो पशु स्वास्थ्य ऐन नै अपूरो भएको र नयाँ ऐन अहिलेसम्म नआएकाले व्यापारीसँगै दुर्गममा काम गर्ने कर्मचारीसमेत समस्यामा रहेको बताउनुभयो।
बचत फिर्ता माग्ने बढेपछि शिवशिखर सहकारी समस्यामा
बचतकर्ताले रकम फिर्ता माग्न थालेपछि शिवशिखर बहुउद्देश्यीय सहकारी संस्था समस्यामा परेको छ । सो सहकारी संस्थाले बचतकर्ताको विश्वास गुमाउँदै गएपछि सो सहकारी संस्थाको सुर्खेत शाखाबाट आफ्नो रकम फिर्ता माग्ने बचतकर्ताको सङ्ख्या बढेको हो तर बचतकर्ताले रकम भने पाएका छैनन् ।
-original-thumb.jpg)
डाँडाफया आगलागी पीडितलाई सहयोग आउने क्रम जारी
घरविहीन भएर आफन्तका घरमा शरण पर्दै आउनुभएका पीडितलाई खाद्यान्नलगायत अत्यावश्यक सामानहरू गुड नेवर्स इन्टरनेस्नल नेपालको ( जिएनआई ) आर्थिक सहयोगमा ती सामाग्री सहयोग गरिएका हुन् ।
कालिकोटका कार्यालय प्रमुख सबै जिल्ला बाहिर
कालिकोटका अधिकांश सरकारी कार्यालयका प्रमुखहरू जिल्ला बाहिर छन् । अधिकांश कार्यालय प्रमुख जिल्ला बाहिर गएपछि जिल्लामा सेवाग्राहीले सास्ती खेप्न बाध्य भएका छन् ।
मध्यपहाडी लोकमार्ग : १२ वर्षदेखि मन्ता भिर काट्दै
जाजरकोट खण्डभित्र पर्ने मन्ता भिर काट्न ढिला हुँदा मध्यपहाडी लोकमार्गअन्तर्गतको जाजरकोट खण्ड अधुरै छ । अधिकांश ट्र्याक खोलिसकेको अवस्थामा मन्ता भिर काट्ने काम जारी छ ।
प्रदेश सुरक्षा योजनाको तयारी
कर्णाली प्रदेश सरकारले कर्णाली प्रदेश विशेष सुरक्षा योजना निर्माण तयारी थालेको छ । कर्णाली प्रदेशमा हुने अपराध अनुसन्धान र नियन्त्रण, शान्तिसुरक्षाको प्रत्याभूति हुने गरी कर्णाली प्रदेश विशेष सुरक्षा योजना निर्माण गर्न लागिएको आन्तरिक मामिला तथा कानुन मन्त्रालयले जानकारी दिएको छ ।
कुहिए पुरातात्त्विक वस्तु
हुम्ला जिल्लामा दैनिक जीवनमा प्रयोग गरिने परम्परागत सामग्री संरक्षणका लागि निर्माण गरिएको सङ्ग्रहालय भवन प्रयोगमै नआई जीर्ण बनेको छ । सङ्ग्रहालयमा राख्न गाउँगाउँबाट सङ्गृहीत सामग्रीसमेत त्यत्तिकै थुपारेर राखिएका छन् । पुरातात्त्विक महत्वका कतिपय सामग्री नस्टसमेत भइसकेका छन् ।
कर्णाली प्रवेशद्वारमा विषादी परीक्षण प्रयोगशाला सञ्चालन हुने
कर्णाली प्रदेशका प्रवेश गर्ने दुई नाकामा प्रविधिसहितको विषादी परीक्षण प्रयोगशाला सञ्चालनमा ल्याइने भएको छ।
नागरिकमैत्री प्रहरी व्यवहार लागु गरिने
जिल्ला प्रहरी कार्यालय हुम्लाले नागरिकमैत्री प्रहरी व्यवहार लागु गर्ने प्रतिबद्धता जनाएको छ । नयाँ सरुवा भएर आउनुभएका प्रहरी नायव उपरीक्षक भिमलाल भट्टराईले प्रहरी नागरिकको सुरक्षाका लागि खटिने भएको कारण व्यवहार पनि नागरिकमैत्री बनाइने बताउनुभएको हो ।
हिमपात नहुँदा जनजीवन प्रभावित
समुद्र सतहदेखि तीन हजार पाँच सय मिटरमा अवस्थित फक्ताङलुङ गाउँपालिका–६ घुन्साका पेमा शेर्पा गत मङ्सिर तोस्रो साता गाउँ छोडेर काठमाडौँतिर लाग्नुभयो । शेर्पा बसाइँसराइ भई गएको चाहिँ होइन । उहाँ हिउँ छल्न काठमाडौँ जानुभएको हो ।
जनयुद्ध दिवसमा सार्वजनिक बिदा
कर्णाली प्रदेश सरकारले जनयुद्ध दिवसका दिन सार्वजनिक बिदा दिने निर्णय गरेको छ। मन्त्रिपरिषद्को माघ २३ गते सोमबार बसेको बैठकले कर्णाली प्रदेशभर फागुन १ गते जनयुद्ध दिवसको दिन सार्वजनिक बिदा दिने निर्णय गरेको हो। आन्तरिक मामिला तथा सञ्चार मन्त्रालयले सोसम्बन्धी जानकारी सूचनामा दिएको छ।
बस्तीमै पुगेर सुरक्षा भत्ता
नलगाड नगरपालिकाले ज्येष्ठ नागरिक, अपाङ्गता, असहायलगायत सामाजिक सुरक्षा भत्ता बस्तीमै पुगेर वितरण गर्न थालेको छ। विगत केही वर्षदेखि नगरका १३ वटै वडाका ज्येष्ठ नागरिक, अपाङ्गता, एकल महिला, बालबालिकाले सामाजिक सुरक्षा भत्ता बैङ्कबाट बुझ्ने गरेका थिए। भौगोलिक विकटता र यातायातको सहज पहुँच नहुँदा भत्ता लिन सेवाग्राहीलाई असहज भएपछि सामाजिक सुरक्षा भत्ता बस्तीस्तरमै पुगेर वितरण गर्न बैङ्कसँग सहकार्य गरिएको थियो।
व्यावसायिक सुरक्षा माग
सुर्खेतका उद्योगी व्यवसायीले व्यावसायिक सुरक्षाको माग गरेका छन्। वीरेन्द्रनगर बजार क्षेत्रमा बारम्बार चोरी हुने, सीसी क्यामरा नै लैजाने घटना हुन थालेपछि व्यवसायीले प्रशासनसँग सुरक्षाको माग गरेका हुन्। सरुवा भई भर्खरै आउनुभएका प्रमुख जिल्ला अधिकारी नारायणप्रसाद सापकोटाको स्वागत गर्दै व्यवसायीले बैङ्कको चर्को ब्याजको मारमा समेत व्यवसायी परेको प्रसङ्ग उठाउँदै व्यावसायिक सुरक्षाको माग गरेका हुन्।
युवाले संस्कृति सिक्ने माने पर्व
हुम्लाको बुराउसे गाउँका लामा समुदायले मान्ने माने पर्व सकिएको छ। यस पर्वमा पुराना पुस्ताका बूढापाकाबाट युवाले आफ्नो संस्कृति, नाच, सिक्ने गर्छन्। सिमकोट गाउँपालिका–४ का राजबहादुर लामाले पुरानाबाट नयाँ पुस्ताले सिक्ने माने पर्व सम्पन्न भएको बताउनुभयो। चार दिनसम्म मनाइने यस पर्वमा बूढापाकाबाट नयाँ पुस्ताले खानपानदेखि गीत गाउने, नाच्ने, परम्परागत पहिरन लगाउनेबारे सिक्ने गर्छन्।
गाउँपालिका उपाध्यक्षद्वारा विद्यार्थीलाई कपडा र जुत्ता वितरण
कुशे गाउँपालिकाका उपाध्यक्षले बालबालिकालाई न्यानो कपडा र जुत्ता वितरण गर्नु भएको छ । कुशे गाउँपालिकाका उपाध्यक्ष देविका सिंहले कुशे ९ को जनता प्राथमिक विद्यालय, जलजला प्राथमिक विद्यालय, र महादेव प्राथमिक विद्यालयका ५३ जना विद्यार्थीलाई न्यानो कपडा र जुता वितरण गर्नु भएको हो ।
पुल मर्मत नहुँदा घण्टौँ घुम्नुपर्ने सास्ती
जिल्लाको नरहरिनाथ गाउँपालिको रहगाड झुलङ्गे पुल लामो समयसम्म मर्मत हुन सकेको छैन । झाेलुङ्गे पुल बाढीले बगाएको दुई वर्ष छ महिना पुग्दासम्म मर्मत नहुँदा गाउँपालिकाभरिका नागरिक समस्यामा छन् ।
आठ वर्षसम्म पुल अलपत्र
रुकुमपश्चिमको सानीभेरी गाउँपालिका–२ र ४ जोड्ने मेघा पुलको काम सम्झौता भएको आठ वर्ष हुँदा पनि सुरु भएको छैन । दुई वर्षमै निर्माण सम्पन्न गर्ने गरी सम्झौता गरिए पनि आठ वर्षसम्म काम सुरु नै गरिएको छैन । सडक डिभिजन कार्यालय चौरजहारीमार्फत खोलिएको मेघा पुल निर्माणको ठेक्का सपना सैलुङ जेभी काठमाडौँले पाएको छ । डिभिजन कार्यालयका इन्जिनियर सुरेशकुमार बस्यालका अनुसार उक्त निर्माण कम्पनीले २०७१ साल मङ्सिर २ गते गरिएको सम्झौतामा २०७३ पुस २ मा काम सम्पन्न गर्ने सम्झौता भएको थियो । उक्त मितिमा काम नगरेकाले २०७७ पुस १३ सम्मका लागि म्याद थप गरिएको थियो । उक्त मितियता पनि काम सुरु भएको छैन । १२० मिटर लामो आरसीसी पुल निर्माणका लागि १४ करोड ७४ लाख रुपियाँमा ठेक्का सम्झौता भएको थियो ।
