जमिन भासिँदा दुर्घटनाको जोखिम
कैलालीको घुरहा नदीमा रहेको पुल छेउको जमिन भासिएपछि दुर्घटनाको जोखिम बढेको छ । कैलारी गाउँपालिका–४ र ६ को सिमानामा रहेको उक्त पुलमा दुर्घटनाको जोखिम बढेको हो । केगाउँ र भगतपुर जोड्ने पुलको पूर्वी भागमा जमिन भासिएको छ । भासिएको क्षेत्रमा मर्मत कार्य नभएपछि दुर्घटनाको जोखिम बढेको भनाइ स्थानीयको छ । पुल भएर दैनिक कैयौँ मानिस सवारीसाधनबाट ओहोरदोहोर गर्ने गर्छन् ।
हिमपहिरोमा परेका आमाछोरासहित तीन जनाको सनाखत
दार्चुलाको व्याँस गाउँपालिका –१, भोलेनमा मंगलबार दिउँसो हिमपहिरो खस्दा वेपत्ता भएका पाँच जनामध्ये तीन जनाको शव फेला परेको छ । तीनै जनाको सनाखत भएको छ । दार्चुला दुहँ गाउँपालिका –४, का १८ वर्षीय प्रवीण कुँवर, उहाँकी आमा ३६ वर्षीय कमला कुँवर र डोटीको जोरायल गाउँपालिका –२, बुडरका ४५ वर्षीय नक्कीडोमा थापाको शव फेला परेको जिल्ला प्रहरी कार्यालय दार्चुलाका प्रहरी प्रमुख, प्रहरी नायव उपरीक्षक तर्कराज पाण्डेयले बताउनुभयो ।
दार्चुलाको हिमपहिरोमा पुरिएकामध्ये एक शवको पहिचान
दार्चुलाको व्यास गाउँपालिका –१ को भोलुम डाँडामा मंगलबार गएको हिमपहिरोमा परेर बेपत्तामध्ये मृतक एक जनाको पहिचान भएको छ ।
बलात्कार गरेको आरोपमा एक पक्राउ
कञ्चनपुरमा किशोरी बलात्कार गरेको आरोपमा एक जना पक्राउ परेका छन् । १७ वर्षीया किशोरीलाई जबरजस्ती करणी गरेको आरोपमा प्रहरीले एक किशोरलाई पक्राउ गरेको जनाएको छ ।
हिमपहिरोमा पुरिएका दुई महिलासहित तीनको शव फेला
दार्चुलाको व्यास गाउँपालिका –१ मा आज हिमपहिरोमा परी सम्पर्कविहीन रहेका पाँच जनामध्ये दुई महिला र एक पुरुषको शव फेला पारेको छ ।
मन्त्री देउवा र अमेरिकी राजदूत थम्पसनबीच भेटवार्ता
सुदूरपश्चिम प्रदेशका भौतिक पूर्वाधार विकासमन्त्री प्रकाश देउवा र नेपालस्थित अमेरिकी दूतावासका राजदूत डीन आर. थम्पसनबीच बुधबार धनगढीमा भेटवार्ता भएको छ ।
निर्माण पूरा नहुँदै भत्कियो करोडको सभाहल
छ वर्षअघि निर्माण सुरु भएको बैतडी जिल्लाको सभाहल जीर्ण बनेको छ। दशरथचन्द नगरपालिका–४, गढीस्थित जिल्ला समन्वय समितिको प्राङ्गणमा निर्माण भइरहेको सभाहल जीर्ण बनेर छत भत्किने अवस्थामा पुगेको छ।
दुनाटपरी उद्यमी बन्दै ग्रामीण महिला
कैलालीको फूलबारीका सरिता बुढामगरले सानैमा सिकेको सीपलाई उद्योगमा परिवर्तन गरेर आफू मात्र उद्यमी हुनुभएको छैन, आफ्नो सीप धेरैलाई बाँडेर अरूलाई समेत उद्यमी बनाउनुभएको छ। नवलपरासीमा जन्मे हुर्केकी सरिताले उतै छँदा सानैमा दुनाटपरी बनाउन सिक्नुभएको थियो। विवाहपछि फूलबारी पुग्नुभएकी सरिताले सुदूरपश्चिममा दुनाटपरी व्यवसायलाई उद्योगकै रूपमा अगाडि सार्नुभएको हो। २०७४ सालमा साथीहरूसँग मिलेर साँझेदारीमा उहाँले उद्योग सञ्चालन गर्नुभयो। “केही समय तीन जना मिलेर उद्योग चलाएका थियौँ पछि मलाई एक्लै गर्न मन लाग्यो, २०७५ सालदेखि न्यू फूलबारी दुनाटपरी उद्योग सञ्चालनमा ल्याएँ” सरिताले अनुभव सुनाउनुभयो।
वर्षाले चिसो बढेसँगै गहुँ पाक्न ढिलाइ
तीन दिनदेखि लगातार वर्षा भएसँगै पहाडी क्षेत्रमा चिसो बढेको छ। चिसोका कारण गहुँ पाक्न ढिलाइ भएको छ। पाकेको गहुँ बाली थन्क्याउन पनि समस्या भएको गुनासो किसानको छ। डडेल्धुरा जिल्ला सदरमुकाममा पछिल्लो २४ घण्टामा झन्डै ४५ मिलिमिटर वर्षा भएको छ। जल तथा मौसम विज्ञान विभाग हावापानी फिल्ड कार्यालयको यन्त्रमा मापन भएअनुसार पछिल्लो २४ घण्टा सोमबार बिहान ८:४५ बजेदेखि मङ्गलबार बिहान ८:४५ बजेसम्म ४४ दशमलव ८ मिलिमिटर वर्षा भएको छ। डडेलधुरामा कुहिरोसहित वर्षा भइरहेको छ।
दार्चुलाको हिम पहिरोमा हराएका पाँच जनाको परिचय खुल्यो
दार्चुलाको व्यास गाउँपालिका वडा नम्बर १ को भोलुम डाँडामा मङ्गलबार गएको हिम पहिरोमा परेर बेपत्ता पाँच जनाको परिचय खुलेको छ ।
तरकारी खेतीले फेरियो जीवन
कञ्चनपुरको बेलडाँडी गाउँपालिका–३, बैबाह बस्ने रामलाल चौधरीको दैनिकी प्रायः माटोसँगै खेलेर सुरु हुन्छ । विगत १३ वर्षदेखि उहाँ व्यावसायिक तरकारी खेती गरिराख्नुभएको छ । किसानको छोरा भए पनि जग्गा कम भएका र आर्थिक रूपमा कमजोर रामलालको अहिले गाउँमै राम्रो कमाइ हुनुका साथै जीवनस्तरमा समेत परिवर्तन आएको छ ।
हिमपहिरोमा बेपत्ता सात जना सम्पर्कमा आए, अझै पाँच बेपत्ता
दार्चुलामा हिमपहिरोमा परेर मंगलबार दिउँसो २:४५ बजेतिर यार्सागुम्वा टिप्न गएका हराएका १२ जनामध्ये सात जना सम्पर्कमा आएका छन् । अझै पाँच जना बेपत्ता रहेको प्रहरीले जनाएको छ ।
हिमपहिरोमा पुरिएर आठ बेपत्ता
दार्चुलामा हिमपहिरोमा पुरिएर आठ जना बेपत्ता भएका छन् । मंगलबार दिउँसो २:४५ बजेतिर यार्सागुम्बा टिप्न गएकाबेला हिमपहिरोमा परी ती व्यक्ति बेपत्ता भएका हुन् ।
जमिन भासिँदा पुलमा दुर्घटना जोखिम
कैलालीको घुरहा नदीमा रहेको पुल छेउको जमिन भासिएर ठूलो दुर्घटनाको जोखिम बढेको छ । कैलारी गाउँपालिका –४ र ६ को सिमानामा रहेको पुलमा दुर्घटनाको जोखिम बढेको हो ।
सार्वजनिक बिदाको दिनमा नागरिकता
जिल्ला प्रशासन कार्यालय बैतडीले चाडपर्वलगायत विभिन्न सार्वजनिक बिदाको दिन पनि नागरिकता, राहदानी र राष्ट्रिय परिचयपत्र दिने भएको छ तर शनिबार भने बिदा नै हुनेछ। प्रशासन कार्यालयले शनिबारबाहेक सार्वजनिक बिदाका दिन नागरिकता, राहदानी र राष्ट्रिय परिचयपत्रसम्बन्धी सेवा दिने जनाएको छ। नेपाल सरकारले सार्वजनिक बिदाको दिन पनि नियमित सेवा प्रवाह गर्ने विशेष व्यवस्था गरेअनुरूप बिदाको दिन सेवा प्रवाह गर्न थालेको प्रमुख जिल्ला अधिकारी सुरेश पन्थीले जानकारी दिनुभयो।
गहुँ खेती गर्नेलाई प्रतिकेजी सात रुपियाँ अनुदान
कृषि पेसामा आकर्षित गराउनका लागि कैलालीको जानकी गाउँपालिकाले नयाँ नीति ल्याएको छ । उक्त पालिकाका अध्यक्ष गणेश चौधरीका अनुसार कृषकहरूलाई प्रोत्साहित गर्नका लागि गहुँ खेतीमा अनुदान दिन थालिएको छ ।
प्रदेश सरकारले दिएको एम्बुलेन्स पालिकाहरुबाट फिर्ता
उपचार सहजताका लागि सुदूरपश्चिम प्रदेश सरकारले दिएको एम्बुलेन्स स्वास्थ्य संस्था र पालिकाहरुले प्रदेश सरकारलाई नै फिर्ता गर्न थालेका छन् । एम्बुलेन्स बिग्रेपछि खर्चिलो र पहाडी जिल्लाका लागि अनुपयुक्त भएपछि एम्बुलेन्स पाएका स्वास्थ्य संस्था र पालिकाले साढे तीन वर्षमै सरकारलाई एम्बुलेन्स फिर्ता गर्न थालेका हुन् ।
‘दैजि–छेला औद्योगिक क्षेत्रको काम अघि बढ्छ’
नेपाली कांग्रेस संसदीय दलका प्रमुख सचेतक तथा कञ्चनपुर क्षेत्र ३ बाट निर्वाचित प्रतिनिधि सभा सदस्य एवम् पूर्वमन्त्री रमेश लेखकले दैजि–छेला औद्योगिक क्षेत्रको काम अघि बढ्ने बताउनुभएको छ । नेपाल प्रेस युनियन कञ्चनपुरले सोमबार यहाँ आयोजना गरेको पत्रकार सम्मेलनमा उहाँले सो कुरा बताउनुभएको हो ।
वन क्षेत्र कब्जा गरी बनाइएका घर टहरामाथि डोजर चल्यो
कैलालीको अत्तरियामा अतिक्रमित वनक्षेत्र खाली गरिएको छ । गोदावरी नगरपालिका –३ अत्तरियास्थित चौकीडाँडामा अतिक्रमित क्षेत्र खाली गराउन वन कार्यालयले सोमबार डोजर चलाएको हो ।
सडक दुर्घटनामा दुई जनाको मृत्यु
कञ्चनपुरमा सडक दुर्घटनामा परि दुई जनाको मृत्यु भएको छ । ट्याक्टरसँग मोटरसाइकल ठोक्किँदा एक जना र साइकल र मोटरसाइकल ठोकिदा एक गरी दुई जनाको मृत्यु भएको हो ।
महिला हिंसाका घटना बढे
बैतडीमा महिला हिंसाको अवस्था विकराल बन्दै गएको छ। एक तथ्याङ्क अनुसार चालु आर्थिक वर्षको २०७९ साउनदेखि २०८० वैशाखसम्म प्रहरीमा ३० वटा उजुरी परेका छन्। हिंसामा परेका १८१ महिलाको उद्धार गरिएको छ।
पीडित महिलाले न्याय पाउनुपर्छ
राष्ट्रिय महिला आयोगका अध्यक्ष कमला पराजुलीले पीडित महिलाले सहजै न्याय पाउने वातावरण बनाउनका लागि सम्बन्धित निकायलाई निर्देशन दिनुभएको छ।
भर्नाकै दिन किताब पाएपछि विद्यार्थी हर्षित
गतवर्ष किताब नपाए पनि परीक्षा दिएका बाजुराका अधिकांश विद्यार्थीले यो वर्ष भने भर्नाकै दिन किताब पाएपछि हर्षित देखिएका छन्।
सीमा समस्या समाधान चाँडै हुन्छ : परराष्ट्रमन्त्री साउद
नेपाल सरकारका परराष्ट्रमन्त्री नारायणप्रकाश (एनपी) साउदले नेपाल भारत सीमा क्षेत्रमा देखिएको समस्या समाधान चाँडै हुने बताउनुभएको छ ।
शिक्षकलाई अन्तरविद्यालय सरुवा
दुहुँ गाउँपालिकाले एउटै विद्यालयमा पाँच वर्ष शिक्षण गरेका शिक्षकलाई सरुवा गर्ने तयारी गरेको छ । अन्तरविद्यालय सरुवाका लागि गाउँपालिका शिक्षा, युवा तथा खेलकुद शाखामा निवेदन दिन शिक्षकहरूलाई सूचित गरेको छ । सामुदायिक विद्यालयमा कार्यरत शिक्षकहरूको समयानुसार अनिवार्य सरुवा नहुँदा त्यसको असर विद्यार्थीको सिकाइमा परेकाले एउटै विद्यालयमा लामो समयसम्म पठनपाठन गराउँदा शिक्षकमा आलस्यसमेत बढेको पाइएकाले गाउँपालिकाले सो निर्णय गरेको जनाएको छ ।
