जङ्गली पशुपन्छीलाई पानी, किसानलाई सिँचाइ
जङ्गलबीचमा पोखरी बनाइएपछि जङ्गली जीव जनावरलाई पानी र किसानलाई सिँचाइको सुविधा भएको छ । डिभिजन वन कार्यालय दाङ र दाङ उपत्यका वृहत् सिँचाइ आयोजनाले उपत्यकाभित्रका चार वटा पालिकाकामा जलाशय र पोखरी बनाउँदै आएको छ ।
वर्षौँपछि हात लाग्यो पुर्जा
रसिदका भरमा दुःखले किनेको घरघडेरीको प्रमाण पुर्जा नपाउँदा ढालबहादुर मल्ललाई निकै पिरोल्थ्यो । हातमा जग्गाधनी प्रमाण पुर्जा नहुँदा किनबेच, बैङ्कबाट ऋण झिक्न नपाउँदा उहाँका धेरै योजना र इच्छा विलीन हुन पुगे ।
छात्रालाई विद्यालयमा टिकाउन दुई सय ८० वटा साइकल वितरण
माध्यमिक तह अध्ययन गर्न सहज गराउन विजय नगर गाउँपालिकाले छात्राहरूलाई साइकल वितरण गरेको छ ।
फोहोर व्यवस्थापन लुम्बिनीको चुनौती
विश्व धार्मिक पर्यटनको केन्द्र रुपन्देहीको लुम्बिनीमा फोहोरको उचित व्यवस्थापन हुन सकेको छैन। दैनिक रूपमा हुने फोहोरको उचित सङ्कलन र व्यवस्थापन नहुँदा लुम्बिनी परिसरमा भ्र्रमण गर्ने पर्यटकलाई समेत असहज हुने गरेको छ। वीरगन्जबाट लुम्बिनी भ्रमणमा आएका अजय कलवारले भन्नुभयो, “लुम्बिनीको मायादेवी मन्दिरमा मात्र सरसफाइ गरेर पुग्दैन, वरिपरिका सबै क्षेत्रमा सरसफाइ गर्नुपथ्र्यो तर त्यस्तो देखिएन। वरपरका धेरै ठाउँमा थुप्रिएको फोहोरको डङ्गुरले हामीलाई त असहज लाग्यो भने विदेशी पर्यटकलाई कस्तो हुन्छ होला।”
पर्यटकको रोजाइमा होमस्टे
ढुङ्गैढुङ्गाले बनेका झुपुक्क घर। ढुङ्गा नै बिछ्याएर बनाइएको सफा र फराकिला बाटाघाटा। स्थानीय खानपान तथा पाहुनालाई स्वागत, सत्कार र मौका मिलेको समयमा स्थानीय कला संस्कृतिसँगको साक्षात्कार। होमस्टेका लागि प्रख्यात रुकुमपूर्वको पुथाउत्तरगङ्गा गाउँपालिकास्थित गाउँबस्तीका विशेषता हुन् यी। मगर संस्कृति, वेशभूषा र मनोरञ्जनले यहाँको आकर्षण झन् बढाएको छ। गाउँपालिकाको माथिल्लो भेगमा पर्यटक तथा अन्य व्यक्तिका लागि खानेबस्ने सुविधा भनेकै होमस्टे हो। १४ वटा वडा रहेको पुथाउत्तरगङ्गाको माथिल्लो भेग पेल्मा, मैकोट, हुकाम, रन्मा, बाच्छीगाउँ, तकलगायत गाउँमा होमस्टेको सुविधा रहेको छ। उक्त होमस्टे पर्यटकको रोजाइमा पर्दै गएपछि होमस्टे व्यवसाय फस्टाउँदै गएको छ।
‘बजेट राम्रो तर कार्यान्वयनमा चुनौती’
आर्थिक वर्ष २०८०/८१ का लागि अर्थमन्त्री डा प्रकाशशरण महतले प्रस्तुत गर्नुभएको बजेटप्रति बाँकेका उद्योगी व्यवसायीले सकारात्मक प्रतिक्रिया दिँदै कार्यान्वयनमा चुनौती र शङ्का व्यक्त गरेका छन् । जिल्लाका अधिकांश उद्योगी व्यवसायीले आर्थिक सङ्कटको समयमा आएको यो बजेटले कागजमा देशको अर्थतन्त्रलाई चलायमान बनाउन प्रयास गरेको देखिए पनि कार्यान्वयन निकै चुनौतीपूर्ण रहेकाले कार्यान्वयनमा शङ्का व्यक्त गरेका हुन् ।
अवैध उत्खनन् गरेको विरोधमा पालिका घेराउ
दाङको राजपुर गाउँपालिकामा नदीजन्य पदार्थको अवैध उत्खनन् गरेको भन्दै गाउँपालिकाको कार्यालय घेराउ गरिएको छ ।
‘अखण्ड भारत’को नक्साप्रति एमाले रुपन्देहीको आपत्ति
भारतको नयाँ संसद् भवनमा राखिएको ‘अखण्ड भारत’को नक्सामा नेपालका भूभागहरू समेत समावेश गरिएको भन्दै नेकपा (एमाले) रुपन्देहीले गम्भीर ध्यानाकर्षण गराएको छ । उक्त नक्सामा नेपालको लुम्बिनी र कपिलवस्तुको नाम उल्लेख गरिएको छ ।
सिकलसेल र थालेसेमियाका बिरामी बढ्दै
पश्चिम नेपालको बाँके, बर्दिया, दाङ, कैलाली र कञ्चनपुरमा फैलिँदै गएको थालेसेमिया रोग थारु समुदायका बालबालिकामा बढी देखा परेको चिकित्सकहरूले जनाएको छ ।
सल्यानमा वृहत् पढाइ मेला
पठन संस्कृतिको विकासका लागि पहिलो पटक पालिका स्तरीय वृहत् पढाइ मेला सम्पन्न भएको छ । शारदा नगरपालिका २ स्थित त्रिभुवन जन माध्यमिक विद्यालय लुहापिङमा पढाइ मेला सम्पन्न भएको हो ।
कपास खारेजीको निर्णयले किसान अन्यौलमा
बाँकेको खजुरामा केन्द्रीय कार्यालय रहेको कपास विकास समितिले चालु आर्थिक वर्ष २०७९/८० मा तीन करोड रुपियाँको कपास विक्री गरेको छ ।
गुल्मीमा जनप्रतिनिधिलाई कांग्रेसको प्रशिक्षण
नेपाली कांग्रेस गुल्मीले जनप्रतिनिधिलाई प्रशिक्षण दिएको छ। जिल्ला पार्टी कार्यालयमा स्थानीय तहका जनप्रतिनिधिलाई बजेट निर्माण र कार्यान्वयन सम्बन्धी प्रशिक्षण दिएको हो।
बाँके निकुञ्जमा पानी सुकेपछि ८० वटा पोखरीमा पानी राखियो
जेठ महिनाको चर्को घाम र अत्यधिक गर्मीले बाँके राष्ट्रिय निकुञ्जभित्रका अधिकांश प्राकृतिक पोखरीहरू सुकिसकेका छन् ।
पूर्ण अधिकार नआउँदा चुनौती थपिएको छ : मुख्यमन्त्री चौधरी
लुम्बिनी प्रदेशले गणतन्त्र दिवसको अवसरमा कार्यक्रम आयोजना गरी १६ औ गणतन्त्र दिवस मनाएको छ । राजधानी क्षेत्र राप्ती उपत्यका दाङमा सोमबार गणतन्त्र दिवस मनाइएको हो ।
कपिलवस्तु कारागारबाट १० जना कैदी रिहा
गणतन्त्र दिवसको अवसरमा कपिलवस्तु कारागारबाट १० जना कैदीबन्दी रिहा गरिएको छ ।
तम्घास बजारको सडक पुन : कालोपत्रे
गुल्मीको तम्घास बजारमा पुनःकालोपत्रे गरिएको छ । ‘समुन्नत रेसुङ्गा हाम्रो सान, उत्कृष्ट नगर सबैको पहिचान’ भन्ने मूल नाराका साथ अगाडी बढिरहेको नगरपालिकाले सडकको मर्मत र स्तरोन्नति गर्ने कामलाई तीव्रता दिएको हो ।
लुम्बिनी केबुलकार आजदेखि सञ्चालन
लुम्बिनी केबुलकारले बुटवलमा सोमबारदेखि आफ्नो व्यावसायिक कारोबार सुरु गर्ने भएको छ। केबुलकार प्रालिका तर्फबाट आइतबार बुटवलमा आयोजित पत्रकार सम्मेलनमा सो केबुलकारका अध्यक्ष चन्द्र ढकालले सोमबारदेखि व्यावसायिक रूपमा केबुलकार सञ्चालन गर्न लागिएको बताउनुभयो।
रोकिएन नदीजन्य पदार्थको चोरी निकासी
लमही नगरपालिकाले वडा नम्बर ४ को बुट्कहावा–सेम्रहवाको नर्सरीमा अवैध रूपमा भण्डार गरेर राखेको ५९४ घनमिटर ढुङ्गा जफत गरेको छ। शनिबार लमही नगरपालिकाका उपप्रमुख लक्ष्मी योगीको नेतृत्वमा गएको अनुगमन टोलीले राजस्व नतिरी राप्ती नदीबाट अवैध तरिकाले भण्डारण गरेर राखेको नदीजन्य पदार्थ ढुङ्गा नियन्त्रणमा लिएको हो।
दलहरूको एकता र समझादारीले मात्र संविधानको रक्षाः प्रदेश प्रमुख शेरचन
लुम्बिनी प्रदेश प्रमुख अमिक शेरचनले अग्रगामी विचार राख्ने दलहरूबीचको बलियो एकता र सहकार्यले मात्र समाजवादको सपना पूरा हुने बताउनुभएको छ । उहाँले गणतन्त्रको मुख्य उद्देश्य र लक्ष्य पनि समाजवाद रहेकाले लक्ष्य हासिल गराउनेतर्फ लाग्न सबैमा अनुरोध गर्नुभएको छ ।
पाठेघरको क्यान्सरबाट बच्न नियमित स्वास्थ्य शिविर
नेपालगञ्ज उप-महानगरपालिकाले समयमै पहिचान गरी उपचार सेवा प्रभावकारी बनाउने उद्देश्यले टोलस्तरमा निःशुल्क स्वास्थ्य शिविर सञ्चालन गरेको छ ।
जमुनहामा आगलागी हुँदा ११ घर जलेर नष्ट
बाँकेको नरैनापुर गाउँपालिका वडा नं. ५ को जमुनहा गाउँमा आगलागी भएको छ । आइतबार दिउँसो १२ बजे भएको आगलागीमा ११ घरसहित एक गोठ जलेर नष्ट भएको प्रहरीले जनाएको छ ।
कोरिडोरको पर्वत खण्डमा ६५ प्रतिशत प्रगति
उत्तर–दक्षिण जोड्ने राष्ट्रिय गौरवको आयोजना कालीगण्डकी कोरिडोरअन्तर्गत पर्वत खण्डको भौतिक प्रगति ६५ प्रतिशत भएको छ ।
सामुदायिक विद्यालय : जहाँ भर्ना पाउनै मुस्किल छ
बाँकेको नेपालगञ्जस्थित धम्बोझी माध्यमिक विद्यालयमा अध्ययनका लागि विद्यार्थीले प्रवेश परीक्षामा सहभागिता जनाउनु पर्छ । विद्यार्थीको चाप थेग्न नसकेपछि यसवर्षको विद्यार्थी भर्ना कार्यक्रम बन्द गरिएको प्रधानाध्यापक वामदेव सुवेदीले जानकारी दिनुभयो ।
पुल नहुँदा सास्ती
बाँकेको राप्तीसोनारी गाउँपालिका–५ को ललही गाउँको खोलामा वर्षौंदेखि माग गरे पनि पुल नबन्दा सो क्षेत्रका बासिन्दाले आवागमनमा समस्या भागिरहेका छन्। ललही गाउँबाट बिनौना र राप्ती नदीतर्फ जाने बाटोमा रहेको खोलामा पुल नहुँदा सबैभन्दा बढी समस्या दाहसंस्कारका लागि शव लिएर राप्ती नदीमा जान समस्या हुने गरेको स्थानीयले जनाएका छन्। वडा नं. ५ का वडाध्यक्ष झगरु थारूले यस क्षेत्रका बासिन्दाले वर्षौंदेखि खोलामा पुल बनाउन माग गर्दै आए पनि सुनुवाइ हुन नसकेको बताउनुभयो।
सिद्धार्थनगरलाई सफा बनाउन डस्टबिन वितरण
रुपन्देहीको सिद्धार्थनगर नगरपालिकालाई ‘क्लिन’, ‘ग्रिन’ एण्ड ‘इको फ्रेन्डली सिटी’ को रूपमा विकसित गर्न नगरपालिकाले डस्टबिन वितरण गरेको छ ।
