गुल्मीका सबै स्थानीय तहमा शिक्षकको धर्ना
नेपाल शिक्षक महासङ्घले गुल्मीका सबै स्थानीय तहमा धर्ना दिएको छ । यस जिल्लामा रहेका दुई नगरपालिका र दस गाउँपालिका गरी १२ स्थानीय तहमा तीन घण्टा धर्ना दिएको नेपाल शिक्षक महासङ्घ गुल्मीका अध्यक्ष हिरासिंह सराङ्कोटीले जानकारी दिनुभयो ।
दोलखाको बिगुमा पहिरोमा पुरिएर बाबुछोरा बेपत्ता
पहिरोमा पुरिएर बाबुछोरा बेपत्ता भएका छन् । निगुरो टिप्न गएका गाउँपालिका वडा नम्बर ७ का अन्दाजी ३५ वर्षीय निम्दोर्जे शेर्पा र उहाँका १२ वर्षीय छोरा पासाङ शेर्पा पहिरोमा पुरिएर बेपत्ता भएका हुन् ।
नेप्से परिसूचकमा दोहोरो अङ्कको वृद्धि
यो साता कारोबारको पहिलो दिन आज नेपाल स्टक एक्सचेन्ज (नेप्से) परिसूचक दोहोरो अङ्कले बढेको छ । आइतबार नेप्से परिसूचक १४ दशमलव ८१ अङ्कले बढेर दुई हजार ८० दशमलव ८६ अङ्कमा कायम भएको हो ।
विद्यालयका शिक्षक र कर्मचारी आन्दोलित
सामुदायिक विद्यालयका शिक्षक तथा कर्मचारीहरू आफ्नो पेसागत हकहितको माग पूरा गराउन देशव्यापी रूपमा आन्दोलित भएका छन् ।
खोलाले बगाउँदा बेपत्ता भएका वृद्ध मृत फेला
दाङमा खोलाले बगाएर बेपत्ता भएका वृद्धको शव फेला परेको छ । पत्रे खोलाले बगाउँदा बेपत्ता हुनुभएका घोराही उपमहानगरपालिका–११ झमरे निवासी ६४ वर्षीय तिलकराम विकको शव फेला परेको हो ।
बबई नदीको जलसतह सतर्कताभन्दा माथि
मनसुनको न्यूनचापीय रेखा सरदर स्थानभन्दा उत्तरतिर (नेपाल नजिक) अवस्थित छ । यसका साथै भारतको उत्तर पूर्वी उत्तर–प्रदेश तथा उत्तर पश्चिम बिहार आसपासमा रहेको न्यून चापीय प्रणालीको पनि प्रभाव रहेको छ ।
स्याङ्जा क्रिकेट सङ्घमा थापा
स्याङ्जा जिल्ला क्रिकेट सङ्घको तेस्रो अधिवेशनले पुनः दिवाकर थापाको अध्यक्षतामा १५ सदस्यीय जिल्ला समिति निर्विरोध निर्वाचित गरेको छ ।
इलामको बेलासेलाई जलवायु अनुकूलन गाउँ बनाइने
इलाम नगरपालिकाको ११ नम्बर वडामा रहेको बेलासे गाउँलाई जलवायु अनुकूलन गाउँ बनाइने भएको छ ।
गण्डकी गङ्गा आरती हेर्न भक्तजनको भीड
चितवनको देवघाटस्थित धर्म दर्शन आश्रममा दैनिक साँझ हुने गरेको गण्डकी गङ्गा आरतीमा भक्तजनको घुँइचो लाग्ने गरेको छ ।
मनाङको अवस्था : ३५ किलोमिटरमा ३५ पहिरो
हिमाली जिल्ला मनाङमा आवतजावत पूर्ण रूपमा अवरुद्ध भएको छ । डुम्रे–बेसीसहर–चामे सडकअन्तर्गत लमजुङको बेसीसहर नगरपालिका–६ खरखरेमा ट्र्याक भासिएपछि आवागमन अवरुद्ध भएको हो ।
गल्याङ चेम्बरका अध्यक्षमा अर्जुन रानाभाट
चेम्बर अफ कमर्स गल्याङको अध्यक्षमा अर्जुन रानाभाट चयन हुनुभएको छ । संस्थाको साधारण सभा तथा दोस्रो अधिवेशनले रानाभाटको अध्यक्षतामा २१ सदस्यीय नयाँ कार्यसमिति सहमतिका आधारमा गठन गरिएको हो ।
सङ्घीय शिक्षा ऐन संशोधनको माग गर्दै शिक्षक धर्नामा
ट्रेड युनियन अधिकार, उन्नत विद्यालय शिक्षा र शिक्षक कर्मचारी मैत्री सङ्घीय शिक्षा ऐनको माग गर्दै आइतबार शिक्षकहरूले स्थानीय तहमा धर्ना दिएका छन् ।
नदी तटीय क्षेत्रमा उच्च सतर्कता अपनाउन अनुराेध
अविरल वर्षाले नदीमा पानीको बहाव बढ्ने भएकाले नदी तटीय क्षेत्रमा उच्च सतर्कता अपनाउन जल तथा मौसम विज्ञान विभाग, बाढी पूर्वानुमान महाशाखाले अनुरोध गरेको छ ।
अस्थायी डाइभर्सन निर्माणसँगै कालीगण्डकी करिडोर सञ्चालनमा
सात दिनदेखि बन्द कालीगण्डकी करिडोरको पूर्वी नवलपरासी खण्ड आज (आइतबार) देखि सञ्चालनमा आएको छ ।
दाङमा खोलाले बगाउँदा वृद्ध बेपत्ता
जिल्ला प्रहरी कार्यालय दाङका सूचना अधिकारी एवम् प्रहरी नायब उपरीक्षक राजनकुमार गौतमले घोराही उपमहानगरपालिका–११ झमरे निवासी ६४ वर्षीय तिलकराम विकलाई पत्रे खोलाले बगाएर बेपत्ता बनाएको जानकारी दिनुभएको छ ।
अविरल वर्षाले हवाई उडान प्रभावित
गए रातिदेखि परेको अविरल वर्षाका कारण आन्तरिक र अन्तर्राष्ट्रिय हवाई उडान प्रभावित भएको छ । त्रिभुवन अन्तर्राष्ट्रिय विमानस्थलका अनुसार अविरल वर्षाका कारण भिजिबिलिटी कम भएपछि केही उडान डाइभर्ट भएका छन् भने केही उडान रद्द भएका छन् ।
धार्मिक तथा पर्यटकीय क्षेत्रको प्रचार गर्न कोरा साइक्लिङ
रुपन्देहीको पश्चिम क्षेत्रमा रहेका धार्मिक एवं पर्यटकीय क्षेत्रको प्रचारप्रसार गर्ने उद्देश्यले शनिबार कोरा साइक्लिङ च्यालेन्ज भएको छ। साइकलबाटै १२५ देशको यात्रा गरेका विश्व साइकलयात्री अजित बरालको आतिथ्यमा भएको कोरा साइक्लिङ सैनामैना नगरपालिकाका साथै कञ्चन गाउँपालिकाका विभिन्न क्षेत्रको परिक्रमा गरिएको थियो।
कोइरालाको प्रतिबद्धता अनुकरणीय
नेपालको राजनीतिक इतिहासमा पूर्वप्रधानमन्त्री तथा नेपाली कांग्रेसका तत्कालीन सभापति स्वर्गीय सुशील कोइराला नै सुशासन र पारदर्शितामा सबैभन्दा प्रतिबद्ध तथा निष्ठावान् राजनीतिज्ञ रहेको चर्चा विज्ञहरूले गरेका छन् । स्वर्गीय कोइरालाको ८४ औँ जन्मजयन्तीका अवसरमा ‘सुशील कोइराला मेमोरियल फाउन्डेसन’ ले राजधानीमा आयोजना गरेको ‘सुशासन र मुलुकको वर्तमान अवस्था’ विषयक अन्तर्क्रियामा सहभागी वक्ताले सुशासनको पक्षमा कोइरालको अठोटको चर्चा गरे ।
भारतीय नागरिकको सर्लाहीमा हत्या, टाउको खोलामा शरीर जङ्गलमा भेटियो
हत्य गरी फालिएको अवस्थामा भेटिएको युवाको पहिचान भएको छ । खोलामा टाउको र जङ्गलमा शरीर शनिवार भेटिएपछि उहाँको पहिचान भएको हो ।
राजनीतिक दलको आयव्यय विवरण, प्रतिवेदन कार्यान्वयनमा ढिलाइ
राजनीतिक दलको लेखापरीक्षण जाँच गरेको महालेखा परीक्षकको प्रतिवेदन कार्यान्वयनमा ढिलाइ भएको छ। राजनीतिक दलको आर्थिक वर्ष २०७८/७९ को लेखापरीक्षण प्रतिवेदनमा शङ्का लागेपछि निर्वाचन आयोगले महालेखा परीक्षकको कार्यालयको विज्ञ टोलीबाट जाँच गराएको थियो। आयोगका अनुसार राजनीतिक दलले बुझाएको विवरणमा थप अध्ययन गर्नुपर्ने भएकाले प्रतिवेदन कार्यान्वयनमा ढिलाइ भएको हो। आयोगका प्रवक्ता शालिग्राम शर्मा पौडेलले भन्नुभयो, “प्रतिवेदन पूर्ण छैन। विज्ञ कर्मचारीको सुझाबबमोजिम माग गरिएको थप कागजात अझै अध्ययन नभएकाले ढिलाइ भएको हो।”
सिग्नेचर पुलको डिजाइन तयार
विस्तारको क्रममा रहेको पृथ्वी राजमार्ग अन्तर्गत मुग्लिङ–पोखराखण्डमा निर्माण गरिने सिग्नेचर पुलको डिजाइन तयार भएको छ। सो राजमार्ग अन्तर्गत मादी र सेती नदीमा यस्तो पुल निर्माण हुन लागेको हो। सडक विभागका महानिर्देशक सुशीलबाबु ढकालले सेती नदीमा निर्माण गरिने सिग्नेचर पुलको डिजाइन स्वीकृत भएको बताउँदै वर्षा सकिनेबित्तिकै पुल निर्माण सुरु हुने जानकारी दिनुभयो।
बौद्धिक वर्ग सङ्गठित हुनुपर्नेमा जोड
नेपाली कांग्रेसका महामन्त्री एवं पूर्वस्वास्थ्यमन्त्री गगन थापाले देशका समृद्धिका लागि बौद्धिक वर्ग सङ्गठित हुनुपर्नेमा जोड दिनुभएको छ । नेपाली लेखक सङ्घ काठमाडौँ जिल्ला समितिको दोस्रो अधिवेशनको उद्घाटन गर्दै उहाँले सङ्घ बौद्धिक वर्ग सङ्गठित हुने माध्यम बन्न पनि सुझाउनुभयो ।
कर्मचारीमा सरुवाको व्यग्र चाहना : माग एक थरी, निवेदन अनेक थरी
सङ्घीय मामिला तथा सामान्य प्रशासन मन्त्रालयले कर्मचारीको सरुवाका लागि माग गरिएको निवेदनमा करिब ५० प्रतिशत कर्मचारी माग बाहिरका सेवाका रहेको पाइएको छ । मन्त्रालयले प्रशासन, तथ्याङ्क र विविध सेवाका कर्मचारीको मात्र सरुवाका लागि निवेदन माग गरेको थियो ।
विद्यालय व्यवस्थापन समिति विघटनको निर्णय प्रमाणीकरण
सबै सामुदायिक विद्यालयका व्यवस्थापन समिति (विव्यस) विघटन गरेर सम्बन्धित वडाध्यक्षको संयोजकत्वमा नयाँ समिति गठन गर्ने गरी काठमाडौँ महानगरपालिकाको नगर सभाले गरेको निर्णय प्रमाणीकरण भएको छ ।
नैतिकवान व्यक्तिले मुलुकमा सुशासन कायम गर्न सक्छ : नेता डा कोइराला
नेपाली कांग्रेसका नेता डा शशाङ्क कोइरालाले नैतिकवान व्यक्तिले मुलुकमा सुशासन कायम गर्न सक्ने बताउनुभएको छ ।
