मुन्धुम पदमार्ग शिलान्यास
पदमार्गका आधारित पर्यटन विकास आयोजना अन्तर्गत छिन्नमस्ता मन्दिरलाई सुरुवातीविन्दुु मानेर पदमार्गको शिलान्यास गरिएको छ । दिगो पर्यटन प्रवर्धन गरी स्थानीयस्तरमा आर्थिक विकास गर्न पदमार्गको शिलान्यास गरिएको हो ।
उकालो लागे भेडीगोठ
हिमाली क्षेत्रबाट चरनका लागि पहाडमा झारिएका भेडीगोठ हिमाली भेगतिरै फर्किन थालेका छन् । पूर्वी नेपालको भित्री मधेश र महाभारत शृङ्खलामा अवस्थित उदयपुरमा
ट्याक्टरको ठक्करले जन्ती हिडेका एकको मृत्यु, एक घाइते
चौदण्डीगढी नगरपालिका –४ स्थित मदन भण्डारी मार्गको बर्खेडाँडामा आज बेलुकी ट्याक्टरले ठक्कर दिँदा एक जनाको मृत्यु भएको छ । अर्का एक घाइते भएका छन् । जन्ती गएका दुवै जनालाई ठक्कर दिँदा एक महिलाको घटनास्थलमा मृत्यु भएको र अर्का एक युवा घाइते भएका प्रहरीले जनाएको छ ।
निर्माण व्यवसायीलाई तालिम प्रदान
ताप्लेजुङमा निर्माण व्यवसायीलाई तालिम प्रदान गरिएको छ।ताप्लेजुङमा कार्यरत निर्माण व्यवसायीलाई नेपाल निर्माण व्यवसायी महासङ्घले आइतबार र सोमबार दुई दिन तालिम प्रदान गरेको हो ।
प्रहरीद्वारा हवाइ फायर : २०४ ग्राम ब्राउन सुगर बरामद
खुला सीमा भारतबाट नेपालतर्फ ठुलो परिमाणको लागु औषध ब्राउन सुगर ल्याउँदै गरेको अवस्थामा प्रहरीले दुई राउन्ड हवाइ फायर गरी २०४ ग्राम ब्राउनसुगर बरामद गरेको छ ।
करेन्ट लागेर युवकको मृत्यु
ओखलढुङ्गाको खिजीदेम्बा गाउँपालिका–८ भुसिङ्गामा करेन्ट लागेर युवकको ज्यान गएको छ । रावा टोलमा ट्रान्सफर्मर चार्ज गर्ने क्रममा कैलाली जिल्लाको साबिक हसुलिया गाविसका ३० वर्षिय बिन्दु चौधरीको करेन्ट लागेर ज्यान गएको हो ।
धनकुटामा बस दुर्घटना : एकको मुत्यु, १४ जना घाइते
धरानबाट धनकुटा आउँदै गरेको १ ख. २१७७ नम्बरको बस धनकुटाको गोठगाउँमा दुर्घटना भएको छ । दुर्घटनामा परी १४ जना घाइते भएका छन् । घाइतेमध्ये एक जनाको मृत्यु भएको छ भने तीन जनाको अवस्था जटिल रहेको जिल्ला प्रहरी कार्यालय धनकुटाले जनाएको छ ।
निर्माण व्यवसायी सङ्घ ताप्लेजुङको भवन शिलान्यास
निर्माण व्यवसायी सङ्घ ताप्लेजुङको भवन शिलान्यास गरिएको छ । फुङलिङ नगरपालिका ४ स्थित तमू फर्निचर अगाडि रहेको झण्डै साढे ७ आना जग्गामा भवन निर्माण हुनेगरि शिलान्यास गरिएको हो ।
नमूना बन्यो गौरादहको ‘सहकारी खेती’ र ‘कृषि घरबास’
महारानीझोडा साना किसान कृषि सहकारी संस्थाले प्रवर्धन गरेको ‘सहकारी खेती’ र ‘कृषि घरबास’ ग्रामीण कृषि पर्यटनको नमूना बनेको छ । झापाको गौरादह नगरपालिका–५ मा रहेको सहकारी २०५९ पुस १७ गते स्थापना भएको हो ।
२६ करोडमा अन्तु–समालबुङ खानेपानी आयोजना, ११ हजार नागरिक लाभान्वित
सूर्योदय नगरपालिका वडा नं.४ अन्तु र वडा नं.५ समालबुङमा २६ करोड रुपियाँको लागतमा निर्माण गरिएको खानेपानी आयोजनाको उद्घाटन गरिएको छ । सोमबार एक विशेष समारोहकाबिच खानेपानी मन्त्री प्रदीप यादवले उक्त आयोजनाको उद्घाटन गर्नुभएको हो ।
टुर–द–खिजिदेम्बा पिके साहसिक पर्यटनको सुरुवात
काठमाडौँ, वैशाख २२ गते । काठमाडौँबाट दूरीले नजिक रहेको ओखलढुङ्गाको खिजिदेम्वामा रहेको पिके क्षेत्र रमणीय मात्र नभएर साहसिक पर्यटनका लागि उपयुक्त क्षेत्र मानिन्छ । पर्यटन व्यवसायीहरूले यस क्षेत्रको प्रवर्धनका लागि टुर द खिजिदेम्वा पिके साहसिक पर्यटन कार्यक्रमको सुरुवात गरेको छ । नयाँ वर्ष २०८२ सँगै टुर–द–खिजिदेम्बा पिके २०२५ प्रतियोगिता १ मे देखि ४ मे सम्म सफलतापूर्वक सम्पन्न भएको छ। यस ऐतिहासिक कार्यक्रमले खिजिदेम्बा र पिके–थोलेदेम्बा क्षेत्रलाई नेपालका प्रमुख साहसिक पर्यटन गन्तव्यहरूको सूचीमा उभ्याएको छ। यस कार्यक्रमले अल्ट्रा ट्रेल रेस म्याराथनको अवधारणा पुनः परिभाषित गर्दै, माउन्टेन बाइकीङ र साहसिक खेलहरूको माध्यमबाट यस क्षेत्रको पहिचानलाई नयाँ आयाम दिएको छ।खिजिदेम्बाले पाँच संस्करणसम्म अल्ट्रा ट्रेल रेस म्याराथन आयोजना गरिसकेको छ, जसले यस क्षेत्रलाई विश्वभरका साहसिक खेल प्रेमीहरूको ध्यान आकर्षित गराएको छ। यस कार्यक्रमको अनुभवले खिजिदेम्बा क्षेत्रलाई माउन्टेन बाइकिङ र साहसिक खेलका लागि पनि एक प्रमुख गन्तव्यको रूपमा स्थापित गरेको छ।साथै, केही दिन पहिले खिजिदेम्बा गाउँपालिकाले एक गल्फ प्रतियोगिता पनि आयोजना गरेको थियो, जसले क्षेत्रको विविधता र साहसिक पर्यटनका अवसरहरूलाई अझ बलियो बनाएको छ। यसले खिजिदेम्बाको पर्यटन क्षमतामा नयाँ अवसरहरूको प्रस्तुति गरेको छ र यस क्षेत्रको विशिष्टता र नयाँ पहलहरूलाई ध्यानमा राखेर यो कदम उठाइएको पर्यटन व्यवसायी एवं नेपाल पर्यटन बोर्डका पूर्व सदस्य ङावाङिमा शेर्पाले बताउनुभयो । खिजिदेम्बा पर्यटनको नयाँ दिशाटुर–द–खिजिदेम्बा पिके २०२५ को सफलता खिजिदेम्बाको पर्यटनको नयाँ युगको सुरुवात हो। यसअघि, खिजिदेम्बा अल्ट्रा ट्रेल रेस म्याराथनका लागि प्रसिद्ध थियो, जहाँ धावकहरूले उच्च हिमाली क्षेत्रमा ५० किलोमिटरभन्दा बढीको ट्रेल पार गर्थे। यस प्रतियोगिता को माध्यमबाट खिजिदेम्बाको पहिचान अब माउन्टेन बाइकिङ र साहसिक खेलका लागि पनि एक प्रमुख गन्तव्यको रूपमा स्थापित भएको छ।६७ किलोमिटर लामो ट्रेल, जो घना जङ्गल, सांस्कृतिक गाउँ र बौद्ध धरोहर स्थलहरूबाट गुज्रन्छ, यस क्षेत्रको समृद्ध सांस्कृतिक र प्राकृतिक सौन्दर्यलाई प्रस्तुत गरेको छ। खास गरी, पिके पिक (४,०६५ मिटर) मा रहेको सूर्योदय अवलोकन स्थलले सहभागीहरूलाई सगरमाथा र अन्य हिमालयन शृङ्खलाहरूको अनुपम दृश्य प्रदान गरेको थियो।अल्ट्रा ट्रेल रेस म्याराथनको कडा चुनौती र अब धावकहरूको लागि माउन्टेन बाइकिङको चुनौतीले एक नयाँ साहसिक अध्याय थपेको छ। यस प्रतिस्पर्धाले खिजिदेम्बा क्षेत्रको प्रकृति र साहसिक अवसरलाई नवीनतम पद्धतिमा प्रस्तुत गरेको छ।समुदायको सहभागिता र प्रभावयस प्रतियोगिताले स्थानीय समुदायलाई सक्रिय रूपमा समावेश गर्नमा सफलता प्राप्त गर्यो। खिजिदेम्बा गाउँपालिका र स्थानीय पर्यटन समितिले सहयोग गरेर, स्थानीय होमस्टे, गेस्ट हाउस, युवा स्वयंसेवकहरू र सांस्कृतिक प्रस्तुतिकर्ताहरूलाई एकीकृत गरी यस कार्यक्रमको सफलतामा महत्त्वपूर्ण भूमिका निभाएको थियो। स्थानीय व्यवसाय र रोजगारीमा प्रत्यक्ष योगदानले यस कार्यक्रमलाई एक दिगो र समावेशी गतिविधिका रूपमा स्थापित गर्यो।कार्यक्रम संयोजक ङावा ङीमा शेर्पा ले भन्नुभयो, “यहाँ हामी केवल एक साहसिक प्रतियोगिता मात्र आयोजना गर्दैछौं भन्ने कुरा होइन। यो हाम्रो समुदायको पहिचान, गर्व र दिगो पर्यटनको हाम्रो भविष्यको प्रतिबद्धता हो।”दिगो पर्यटन र सशक्तीकरणको प्रतिबद्धताखिजिदेम्बा गाउँपालिकाका अध्यक्ष गम्बु शेर्पाले यस कार्यक्रमको सफलता र भविष्यमा खिजिदेम्बालाई पर्यटनको दिगो गन्तव्य बनाउनका लागि थप योजनाहरू साझा गरे। उनले भने, “हाम्रो गाउँपालिकामा अपार सम्भावना छ। हामीले खिजिदेम्बालाई एक उत्कृष्ट पर्यटन गन्तव्यका रूपमा प्रस्तुत गर्न चाहन्छौं, जसले केवल हाम्रो पहिचानलाई बलियो बनाउँछ, तर स्थानीय रोजगारी र आर्थिक समृद्धिको नयाँ ढोका पनि खोल्ने छ।”उनको नेतृत्वमा, खिजिदेम्बा गाउँपालिका दिगो, पर्यावरणमैत्री र समावेशी पर्यटनको विकासमा कटिबद्ध छ। आगामी वर्षहरूमा ट्रेल संरक्षण र क्षेत्रीय विकासका लागि कदम उठाइनेछ, जसमा अल्ट्रा ट्रेल रेस म्याराथन र माउन्टेन बाइकिङ गल्फ लाई जोड दिइनेछ।खिजिदेम्बाले पछिल्लो समय गल्फ प्रतियोगिता पनि आयोजना गरी क्षेत्रको पर्यटन र खेलकुदको सम्भावनालाई थप व्यापक बनाएको छ। यसले खिजिदेम्बालाई एउटा विविध खेल गन्तव्यको रूपमा प्रस्तुत गरेको छ, जहाँ साहसिक खेलहरू, सांस्कृतिक गतिविधिहरू र खेलकुदका अवसरहरू मिलेर एक नयाँ पर्यटन मोडेलको सुरुवात भएको छ। वैश्विक सहभागिता र समृद्धिको यात्राटुर–द–खिजिदेम्बा पिके २०२५ मा ६२ जना अन्तर्राष्ट्रिय र राष्ट्रिय साइक्लिस्टहरूको सहभागिता भएको थियो, जसमा श्री किम यङ सिक, चुङ्गबुक पर्वतारोहण सङ्घका अध्यक्ष (दक्षिण कोरिया) र एक पेशेवर माउन्टेन बाइक सवार पनि सहभागी थिए। यस प्रतियोगिताले खिजिदेम्बालाई एक अन्तर्राष्ट्रिय स्तरको साहसिक पर्यटन गन्तव्यको रूपमा प्रस्तुत गर्यो, जसले वैश्विक ध्यान आकर्षित गर्न सफल भएको छ।अन्तर्राष्ट्रिय खेलाडीहरूको उपस्थितिले खिजिदेम्बाको पर्यटन क्षेत्रमा नवीनतम ज्ञान आदानप्रदान र सहकार्यको अवसर प्रदान गर्यो, जसले क्षेत्रीय विकास र स्थिर पर्यटनको सम्भावना थप प्रवर्धन गर्यो।टुर–द–खिजिदेम पिके २०२५ को समापन समारोहमा, खिजिदेम्बा गाउँपालिकाका अध्यक्ष गम्बु शेर्पा र प्रदेश सदस्यले प्रतिस्पर्धामा सहभागी ६२ जना विजेताहरूलाई गोल्ड मेडल र प्रमाणपत्र प्रदान गरे। यस पुरस्कार वितरण कार्यक्रमले प्रतियोगितामा भाग लिएका साइक्लिस्टहरूको कडा परिश्रम र सफलता सम्मानित गर्न एक ऐतिहासिक क्षण प्रदान गरेको थियो।यो पुरस्कार वितरण केवल विजेताहरूका लागि सम्मान मात्र थिएन, यसले स्थानीय समुदाय र साहसिक पर्यटनमा थप उत्साह र प्रेरणा थपेको छ। खिजिदेम्बाका लागि यस कार्यक्रमले पर्यटनको नयाँ युगको सुरुवात गरेको छ, जसले न केवल प्रतिबद्धता र साहसिक उत्साहीहरूको मनोबल बढाएको छ, तर स्थानीय समुदाय र युवा प्रतिभाहरूको प्रोत्साहन पनि बढाएको छ।
बिरामीको मृत्युसम्बन्धी मुद्दाको पेसी तोकियो : मोर्फिनको अधिक प्रयोग जोखिमपूर्ण
फोक्सोको दीर्घरोग भएकी सुनसरी इनरुवाकी बिरामीलाई दुखाइ कम गर्ने मोर्फिन सेवन गराउँदा मृत्यु भएको भन्दै मोरङ जिल्ला अदालतमा दायर भएको मुद्दाको पेसी जेठ ६ गतेका लागि तोकिएको छ ।
भारतीय एम्बुलेन्स र चालक नियन्त्रणमा
पछिल्लो समय तराईका जिल्लाबाट गाँजा तस्करीमा कतिपय अवस्थामा बिरामी बोक्ने एम्बुलेन्सको समेत प्रयोग हँुदै आएको छ । शनिबार प्रहरीले रामधुनी नगरपालिका–६ स्थित पिडारी क्षेत्रबाट प्रतिबन्धित लागुऔषध गाँजा
ताप्लेजुङमा पहिचानवादी मोर्चा गठन
चन्द्र पन्दाकताप्लेजुङ, वैशाख २२ गते । ताप्लेजुङमा संयुक्त पहिचानवादी मोर्चा गठन भएको छ । सदरमुकाम फुङ्लिङमा आइतबार अबेर सम्पन्न भएको जिल्ला भेलाले प्रदीप मादेन (नानी) संयोजक रहेको ४७ सदस्यीय पहिचानवादी मोर्चा गठन भएको हो ।मोर्चाको सह–संयोजकमा इन्द्र थलङ, श्री लिङ्खिम, पूर्ण पालुङ्वा, अशोक मादेन र डम्बर लाबुङ चयन हुनुभएको छ । सदस्य–सचिवमा धनकुमार येङ्देन, प्रवक्ता सरोज कङ्लिवा, सहसचिवमा चतुरमती थाङ्देन र आर्थिक विभाग प्रमुखमा कमला पालुङ्वा चयन हुनुभएको छ । मोर्चाको सल्लाहकारमा मोती पालुङ्वा, कर्णबहादुर पालुङ्वा, खड्ग गुरुङ, रत्न नुगो, मोती तुम्बाहाम्फे, कीर्तिमान मादेन, अशिम पालुङवा, चन्द्र मादेन र हर्कहाङ तुम्बाहाम्फे रहनुभएको छ । यसै गरी बिरेन तबेबुङ संयोजक रहेको संयुक्त पहिचानवादी युवा मोर्चाको जिल्ला समिति पनि गठन गरिएको छ । युवा मोर्चाको सहसंयोजकमा जनम इधिङ्गो चयन हुनुभएको छ ।जिल्ला भेला मोर्चाका संयोजक डकेन्द्रसिंह थेगिम, पहिचानवादी नेताहरु ज्ञानबहादुर गुरुङ, भक्त खेवाङ, अशिम पालुङवा, चन्द्र मादेन लगायतको उपस्थितिमा गठन गरिएको प्रवक्ता सरोज कङ्लिवाले जानकारी दिनुभयो । मोर्चाको भेलाको अवसरमा गत फागुन १० गते नो केबलकार सङ्घर्षका क्रममा पक्राउ परी प्रहरी हिरासतमा २७ दिन बसेका र पक्राउपुर्जी जारी भएका नौ जनालाई सम्मानसमेत गरिएको कङ्लिवाले जानकारी दिनुभयो ।त्यस्तै पाथीभरा (मुक्कुमलुङ) केबलकारविरुद्ध आन्दोलनका क्रममा घाइते भएकालाई उपचार सहयोगबापत ताप्लेजुङ युके समाज, फुरुम्बो पालुङ्वा बंश प्रतिस्ठान र पहिचानवादी मोर्चा ताप्लेजुङ–काठमाडौँ सम्पर्क समितिले आर्थिक सहायता उपलब्ध गराएको छ । पहिचानवादी आन्दोलनमा महत्त्वपूर्ण भूमिका निर्वाह गर्ने अग्रजलाई समेत विशेष सम्मान गरिएको मोर्चाले जनाएको छ ।
मोबाइलबाट प्रश्न पत्र बाहिर पठाउने विद्यार्थी कारबाहीमा
राधा लुइँटेलफिदिम, वैशाख २२ गते । पाँचथरको याङवरक गाउँपालिका–४ को थर्पु माध्यमिक विद्यालय परीक्षा केन्द्रबाट अङ्ग्रेजी विषयको नियमित परीक्षा दिइरहेका एक परीक्षार्थी कारबाहीमा परेका छन् ।उनले प्रश्न पत्रको गोपनीयता भङ्ग गरेकाले पक्राउ गरी कार्वाहि प्रक्रिया अगाडी बढाइएको जिल्ला प्रहरी कार्यालय पाँचथरले जनाएको छ ।आइतबार सुरु भएको कक्षा १२ को अङ्ग्रेजी विषयको नियमित परीक्षा सञ्चालनको क्रममा मोबाइलबाट प्रश्न पत्र बाहिर पठाएको पाइएपछि श्रीजंग मावि गोपेटारबाट परीक्षामा सहभागी छात्र निशेक काम्वाङलाई कारवाही गर्न केन्द्राध्यक्षको निवेदन आएसँगै छात्र पक्राउ गरी अनुसन्धान सुरु गरिएको जिल्ला प्रहरी कार्यालय पाँचथरले जनाएको छ । पक्राउ परेका परीक्षार्थीबाट मोबाइलसमेत बरामद गरिएको जिल्ला प्रहरी कार्यालयले जनाएको छ ।जिल्ला प्रहरी कार्यालय पाँचथरका प्रवक्ता तथा सूचना अधिकारी प्रहरी निरीक्षक रुपेश तामाङले परीक्षाको मर्यादा र गोपनीयतालाई भङ्ग गर्ने कार्यलाई गम्भीर रूपमा लिइएको जनाउँदै दोषी उपर कानुनबमोजिम कारबाही गरिने जानकारी दिनुभयो ।
सडकको चट्टान फोर्न ‘केमिकल’ प्रयोग गरिने
यहाँको मोलुङ करिडोर सडक निर्माणमा हरिबोले भीरको चट्टान फोर्न केमिकलको प्रयोग गरिने भएको छ । लामो समयसम्म चट्टान फोर्न नसकेपछि, केमीकलको प्रयोग गर्नुपर्ने अवस्था भएको हो ।
कक्षा १२ : सिरिजङ्गामा ४५ मिनेट र गढीमा २५ मिनेट ढिला परीक्षा सुरु
पाँचथरको सिरिजङ्गा मा.वि गोपेटारमा प्रश्नपत्र पिन्ट गर्न कठिनाइ हुँदा कक्षा १२ को परीक्षा सुरु गर्न ४५ मिनेट ढिला भएको छ।आइतबार सुरु भएको परीक्षाको पहिलो दिन परीक्षा नियन्त्रण कार्यालयबाट आएको प्रश्नपत्र प्रिन्ट गर्न ढिलाई हुँदा परीक्षा ४५ मिनेट ढिलो मात्रै सुरु भएको परीक्षार्थीले जनाएका छन् ।
-original-thumb.jpg)
युवा सङ्घ ताप्लेजुङको अध्यक्षमा तुम्बाहाङफे
नेकपा (एमाले)को भातृ सङ्गठन युवा सङ्घ नेपाल ताप्लेजुङको अध्यक्षमा मानिक तुम्बाहाङफे चयन हुनुभएको छ। सङ्घको १० औँ अधिवेशनले तुम्बाहाङफेको अध्यक्षतामा ४१ सदस्यीय जिल्ला कमिटी चयन भएको हो।
किसानको दुःख : खेतमा तरकारी, बजारमा छैन मूल्य
सुनसरीको दक्षिणी क्षेत्रमा पर्ने देवानगञ्ज गाउँपालिकाको खेतीयोग्य जमिन यतिबेला हराभरा छ । गहुँ काटेर भर्खरै खाली भएको बाहेक कुनै जमिन बाँझो छैन । देवानगंजका खेतमा लहलह भएको अनेकथरी बालीले त्यहाँ पुग्ने सबैको ध्यान खिच्ने गरेको छ ।
आधुनिक कृषि उपकरण सहयोगको अपेक्षामा किसान
कोशी प्रदेशका उद्योग, कृषि तथा सहकारी मन्त्री खगेनसिं हाङगामले किसानहरूको एकताबाट मात्र बजारमा बिचौलियाको प्रभाव नियन्त्रण गर्न सकिने बताउनुभएको छ।
दुई करोड ठगि गर्ने तत्कालिन सहकारीका अध्यक्ष पक्राउ
दुई करोडभन्दा बढी रकम हिनामिना गरी दुई वर्षदेखि फरार रहेका पताल गङ्गा बचत तथा ऋण सहकारी संस्था बिर्तामोडका तत्कालीन अध्यक्ष रेवती खनाललाई प्रहरी पक्राउ गरेको छ ।
करोडौ राजस्व छल्ने चार व्यवसायविरुद्ध मुद्दा दायर
भारतीय सिमावर्ती बजारबाट कपडाजन्य सामग्रीलगायत दैनिक उपभोग्य वस्तुहरू चोरी पैठारी गरी राजस्व छल्ने प्रवृत्तिमा तीव्र वृद्धि भएपछि राजस्व चुहावट नियन्त्रणका लागि इटहरीस्थित राजस्व अनुसन्धान कार्यालयले अनुगमन र छापाको गतिविधिमा तीव्रता दिएको छ ।
इनरुवामा सुशासनका लागि प्रत्येक वडामा सार्वजनिक सुनुवाइ
सुनसरीको सदरमुकाम समेत रहेको इनरुवा नगरपालिकाले आफ्नो नगर क्षेत्रमा भएको विकास, सञ्चालन भएका योजनाहरुको बारेमा जनतालाई जानकारी दिन र सुझाव लिनका लागि प्रत्येक वडामा सार्वजनिक सुनुवाइ कार्यक्रम गर्ने भएको छ ।
अस्पताल स्थापनाकाे एक सय ११ वर्षपछि हेमोडायलाइसिस सेवा
धनकुटा जिल्ला अस्पतालमा हेमोडायलाइसिस सेवा औपचारिक रूपमा सुरु गरिएको छ । वि.स. १९७० सालमा स्थापना गरिएको जिल्ला अस्पताल धनकुटामा अस्पताल स्थापना भएको एक सय ११ वर्षपछि हेमोडायलाइसिस सेवा सुरु भएको हो ।
बच्चा जन्माई फालेको आरोपमा युवती पक्राउ
ओखलढुङ्गामा बच्चा जन्माएर फालेको आरोपमा १९ वर्षीया युवतीलाई प्रहरीले पक्राउ गरेको छ । आफैँले जन्माएको नवजात शिशु फालेको आरोपमा जिल्लाको चम्पादेवी गाउँपालिका–९ की युवतीलाई प्रहरीले पक्राउ गरेको हो ।
