पाकिस्तानको जेलबाट १३० जना अफगानी कैदी मुक्त
गत हप्ता पाकिस्तानी जेलबाट कुल एक सय ३१ जना अफगान कैदी रिहा भएका र सुरक्षित रूपमा अफगानिस्तान फर्केका शरणार्थी तथा स्वदेश फिर्ती मन्त्रालयले बिहीबार घोषणा गरेको छ ।
इयुको भिटोमाथि हङ्गेरीलाई दबाब दिन ट्रम्पलाई जेलेन्स्कीको आग्रह
युक्रेनी राष्ट्रपति भोलोदिमर जेलेन्स्कीले सोमबार डोनाल्ड ट्रम्पसँगको भेटमा अमेरिकी नेतालाई युरोपेली सङ्घ (इयु)मा सामेल हुन किएभको प्रयासमा हङ्गेरीलाई भिटो हटाउन दबाब दिन आग्रह गरेको बताउनुभयो ।
सोमालिल्यान्डमा चितुवाका बच्चाको उद्धार
सोमालियाको विभाजित क्षेत्र सोमालिल्यान्डमा जन्मदेखि नै कैद गरिएका र अन्तर्राष्ट्रिय वन्यजन्तु व्यापार बजारमा बेच्ने योजना गरिएका चितुवाका १० वटा बच्चाको उद्धार गरिएको छ ।
ट्रम्पको कर दबाब : जयशङ्करद्वारा रूसी कम्पनीलाई भारतसँग ‘अझ गहन’ संलग्न हुन आग्रह
अमेरिकाले भारतमा ५० प्रतिशत कर लगाएको परिस्थितिमा भारतीय विदेशमन्त्री एस जयशङ्करले रूसी कम्पनीलाई आफ्ना भारतीय साझेदारसँग अझ गहनरूपमा संलग्न हुन आग्रह गर्दै भारत-रुस व्यापार विस्तारमा जोड दिनुभएको छ ।
अदालती करुणाका लागि प्रसिद्ध ‘सबैभन्दा राम्रो’ न्यायाधीशको ८८ वर्षको उमेरमा निधन
अदालतमा आफ्नो सहानुभूति र विनम्र व्यवहारका कारण इन्टरनेटमा चर्चित भएका अमेरिकी न्यायाधीश फ्रान्क क्याप्रियोको ८८ वर्षको उमेरमा निधन भएको उहाँको परिवारले सामाजिक सञ्जालमार्फत घोषणा गरेको छ ।
सीमा विवादका कारण पदबाट निलम्बित थाई प्रधानमन्त्री अदालतमा
थाइल्यान्डकी निलम्बित प्रधानमन्त्री पेटोङटार्न सिनावात्राले कम्बोडियासँगको सीमा विवाद व्यवस्थापन गर्ने क्रममा पदबाट हटाउन माग गरिएको मुद्दामा बिहीबार अदालतमा बयान दिनुभएको छ ।
गाजामा इजरायली सैन्य आक्रमण, बस्ती योजनाको विश्व नेताद्वारा निन्दा
इजरायलले गाजा सहरमा आफ्नो सैन्य आक्रमणलाई अझ बढाउने र पश्चिम किनारको ई-१ क्षेत्रमा अवैध बस्ती विस्तार गर्ने योजना बनाएपछि विश्वभरका नेताहरूले यस कदमको कडा विरोध गरेका छन् ।
भारतीय सम्पदा पुनःस्थापनाकर्ताले राजधानीको इतिहास जोड्दै
भारतको राजधानीस्थित जलवायु-नियन्त्रित कोठामा पुनःस्थापनाकर्ताले नयाँदिल्लीको अतीतलाई बुझ्न अनमोल झ्याल प्रदान गर्ने दुर्लभ ऐतिहासिक कागजात र कलाकृति सावधानीपूर्वक मिलाउँदै छन् ।
नेदरल्यान्ड्सले पोल्यान्डमा ३०० सैनिक र हवाई रक्षा प्रणाली तैनाथ गर्ने
नेदरल्यान्ड्सले डिसेम्बर १ देखि पोल्यान्डमा करिब तीन सय सैनिकसहित दुई प्याट्रियट प्रणाली, एक नासामस प्रणाली र एन्टी–ड्रोन क्षमता भएको उन्नत हवाई रक्षा प्रणाली तैनाथ गर्ने घोषणा गरेको छ ।
‘अरेन्ज बेल्जियम’का साढे आठ लाख ग्राहकको तथ्याङ्क ह्याकरद्वारा चोरी
बेल्जियमको दूरसञ्चार सेवा प्रदायक कम्पनी ‘ओरेन्ज बेल्जियम’ को आठ लाख ५० हजार ग्राहकको तथ्याङ्क ह्याकरले चोरी गरेको कम्पनीले बुधबार जानकारी गराएको छ ।
इजरायली रक्षामन्त्रीद्वारा गाजा सहर कब्जा गर्ने योजना अनुमोदन
इजरायलका रक्षामन्त्री इजरायल काट्जले गाजा सहरको विजय योजनालाई स्वीकृति दिनु भएको उहाँको मन्त्रालयले बुधबार पुष्टि गरेको छ ।
भारतको स्वच्छ ऊर्जा कोसेढुङ्गा तर कोइलामै निर्भरता
भारतले आफ्नो स्थापित ऊर्जा क्षमताको आधा हिस्सा गैर-जीवाश्म इन्धनबाट हासिल गरेर निर्धारित लक्ष्यभन्दा वर्षौअघि महत्त्वपूर्ण कोसेढुङ्गा पूरा गरेको छ ।
पाकिस्तानमा मनसुनी वर्षाका कारण २० जनाको मृत्यु
पाकिस्तानमा मनसुनी वर्षाका कारण बुधबार २० जनाभन्दा बढीको मृत्यु भएको जनाइएको छ । जहाँ गत हप्ता मात्र वर्षाले सिङ्गो गाउँ बगाउँदा चार सयभन्दा बढीको मृत्यु भएको थियो ।
अफगानिस्तान सबैभन्दा जोखिमपूर्ण मुलुक : अमेरिकी सरकार
अमेरिकाले आफ्ना नागरिकलाई अफगानिस्तान यात्रा नगर्न पुनः आग्रह गर्दै गम्भीर सुरक्षा खतरा र अनुचित रूपमा पक्राउ पर्ने सम्भावना रहेको स्पष्ट पारेको छ ।
भारत-चीन द्विपक्षीय सम्बन्ध सुदृढ बनाउने विषयमा छलफल
भारतीय प्रधानमन्त्री नरेन्द्र मोदी र चीनका विदेशमन्त्री वाङ यीबिच आज नयाँ दिल्लीमा सौहार्दपूर्ण भेटवार्ता सम्पन्न भएको छ ।
डढेलोबाट युरोपमा कार्बन उत्सर्जन तीन गुणा बढी, आठ लाख हेक्टरभन्दा बढी जमिन नष्ट
युरोपेली आयोग अन्तर्गतको संयुक्त अनुसन्धान केन्द्रका अनुसार, यस वर्ष युरोपेली सङ्घका विभिन्न देशहरूमा हालसम्म करिब आठ लाख ९५ हजार हेक्टर जमिन डढेलोबाट नष्ट भएको छ ।
इजरायल आक्रमण गरे नयाँ मिसाइल तैनाथ गर्ने इरानको घोषणा
हालैको १२ दिने युद्धमा प्रयोग गरिएका भन्दा बढी क्षमताका मिसाइल विकास गरेको घोषणा गर्दै इरानले बुधबार कुनै पनि नयाँ इजरायली आक्रमणका लागि तयार रहेको बताएको छ ।
दिल्लीकी मुख्यमन्त्रीमाथि आक्रमण, एक जना पक्राउ
दिल्ली प्रहरीले बुधबार बिहान दिल्लीकी मुख्यमन्त्री रेखा गुप्तामाथि सार्वजनिक गुनासो सुन्दै गर्दा शारीरिक दुव्र्यवहार गरेको आरोपमा ४१ वर्षीय एक व्यक्तिलाई पक्राउ गरेको छ ।
जापानको निर्यात सङ्कट गहिरिँदै, गाडी आपूर्ति २८ प्रतिशत घट्यो
जापानको वित्त मन्त्रालयले बुधबार सार्वजनिक गरेको तथ्याङ्कअनुसार, जुलाई महिनामा जापानको अमेरिका तर्फको निर्यात गत वर्षको सोही अवधिको तुलनामा १०.१ प्रतिशतले घटेको छ ।
स्टिल-एलुमिनियम आयातमा अमेरिकाको कडाइ, नयाँ वस्तुमा उच्च शुल्क
अमेरिकी वाणिज्य विभागले मङ्गलबार जानकारी दिएअनुसार, एलुमिनियम वा स्टिल समावेश भएका थप ४०७ प्रकारका वस्तुमा ५० प्रतिशत आयात शुल्क लागू गरिएको छ ।
ह्वाइट हाउसद्वारा आधिकारिक टिकटक खाता सुरु
ह्वाइट हाउसले मङ्गलबार अमेरिकी राष्ट्रपति डोनाल्ड ट्रम्पको सामाजिक सञ्जाल एपका लागि नयाँ मालिक फेला पार्न वा संयुक्त राज्य अमेरिकामा प्रतिबन्धको सामना गर्नुपर्ने समयसीमा भन्दा एक महिना कम रहँदै आधिकारिक टिकटक खाता सुरु गरेको छ ।
युक्रेनको रक्षा गर्न अमेरिकी सेना नपठाउने : ट्रम्प
अमेरिकी राष्ट्रपति डोनाल्ड ट्रम्पले मङ्गलबार युक्रेनलाई रुसबाट जोगाउन अमेरिकी सेना नपठाउने आश्वासन दिनुभएको छ । यद्यपि उहाँले एक दिनअघि यस्तो सम्भावनालाई खुला छाड्नुभएको थियो ।
गाजाको अवस्था ‘अत्यन्तै चिन्ताजनक’, खाद्यान्न अभाव चरममा
संयुक्त राष्ट्र, भदौ ३ गते । संयुक्त राष्ट्रसंघसँग आबद्ध मानवीय संस्थाहरूले गाजा क्षेत्रमा इजरायलले शरण निषेध हटाउने निर्णयलाई सकारात्मक कदमका रूपमा स्वागत गरेका छन् । यद्यपि, उनीहरूले भावी सैन्य कारबाहीको तयारीले पहिले नै कठिन परिस्थितिमा जीवनयापन गरिरहेका जनताको स्थिति झनै संकटपूर्ण बन्न सक्ने गम्भीर चिन्ता पनि व्यक्त गरेका छन् ।मानवीय मामिलाको समन्वय गर्ने कार्यालय (ओसीएचए) ले गाजा सहरमा सैन्य गतिविधि तीव्र पार्ने योजनाले हजारौँ व्यक्तिलाई पुनः विस्थापित गराउने जानकारी दिएको छ । ती विस्थापित गाजाको दक्षिण भागमा जान बाध्य हुने छन्, जहाँ अहिले पर्याप्त खानेपानी, स्वास्थ्य सेवा र खाद्यान्न जस्ता अत्यावश्यक सुविधा अत्यन्तै सीमित छन् । गत मे देखि लागू गरिएको शरण निषेधका कारण करिब सात लाख ८० हजारभन्दा बढी व्यक्तिहरू पटक-पटक घरबाट विस्थापित हुनु परेको बताइएको छ । मानवतावादी संस्थाको अनुमानअनुसार करिब १३ लाख ५० हजार मानिसलाई आपतकालीन आवास आवश्यक छ, भने झण्डै १४ लाख व्यक्तिलाई अत्यावश्यक घरायसी सामग्री आवश्यक रहेका छन् । ओसीएचएले भनेको छ, “गाजाको मानवीय अवस्था अत्यन्तै चिन्ता जनक बनि सकेको छ । जारी द्वन्द्वका बिच चरम खाद्य अभाव छ र प्रत्येक दिन दुःखदरूपमा थप मृत्यु भइरहेका छन् ।”विश्व खाद्य कार्यक्रमले सम्भव भएसम्मको प्रयास गरी खाद्य सामग्री पुर्याउने कार्य भइरहेको जानकारी गराएको छ । तथापि, वर्तमान आपूर्ति आवश्यकता अनुसारको मात्रामा पुग्न सकेको छैन । ओसीएचएका अनुसार गाजाका स्वास्थ्य निकायहरूले पछिल्लो २४ घण्टामा कुपोषण र भोकका कारण दुई बालबालिका सहित पाँच जनाको ज्यान गएको जानकारी दिएका छन् । यस्ता दुःखद घटनाहरू रोक्नका लागि समयमै, सुरक्षित र निरन्तर रूपमा ठूला मात्रामा सहायता सामग्री वितरण गर्न सक्ने वातावरण आवश्यक छ ।मानविय निकायले भनेका छन्, “हामीले सबै जनतासम्म सहायता पुर्याउन प्रतिबद्धता लिएका छौं । नागरिकले चाहे जहाँ रहने निर्णय लिए पनि-उनीहरूको जीवन रक्षा र अधिकारको सुनिश्चितता गरिनु आवश्यक छ । सर्न चाहने व्यक्तिलाई आधारभूत सेवा उपलब्ध गराइनुपर्छ र उनीहरूलाई आफ्नै इच्छाले फर्कन सक्ने व्यवस्था मिलाइनुपर्छ ।”ओसीएचएले पुनः जोड दिँदै भनेको छ, “गाजाको सबै क्षेत्रलाई समेट्ने गरी सहजरूपमा मानवीय सहायता वितरण गर्न सक्ने वातावरण हुनु अति आवश्यक छ । त्यसका लागि समुदायमा आधारित वितरण प्रणालीसहित, सबै सम्भव नाका र सडक मार्गबाट ठूलो परिमाणमा सामग्री गाजामा प्रवेश गर्न दिनु अत्यावश्यक छ ।” रासस/सिन्ह्वा
बेलायतको सङ्गीत महोत्सवमा प्रदर्शन हुँदै ३०० वर्ष पुरानो भायलिन
संसारकै सबैभन्दा मूल्यवान भायलिनमध्ये एक, तीन शताब्दीअघि बनेको र एक समय सङ्गीतकार निकोलो पागानिनीको स्वामित्वमा रहेको, बेलायतको शीर्ष शास्त्रीय सङ्गीत महोत्सवमा बजाइने भएको छ ।
जेनेभालाई पुटिन/जेलेन्स्की शिखर सम्मेलन आयोजना गर्न म्याक्रोनको सुझाव
फ्रान्सका राष्ट्रपति इम्मानुएल म्याक्रोनले जेनेभाले रुसी राष्ट्रपति भ्लादिमिर पुटिन र युक्रेनी राष्ट्रपति भोलोदिमर जेलेन्स्कीबिचको शान्ति शिखर सम्मेलन आयोजना गर्नसक्ने सुझाव दिनुभएको छ ।
