मिटरब्याज पीडितलाई उजुरी दिन सरकारको आग्रह
सरकारले देशभर रहेका सबै मिटरव्याज पीडितलाई एक हप्ताभित्र जिल्ला प्रशासन कार्यालयमा उजुरी दिन आग्रह गरेको छ ।
गृहमन्त्री खाणद्वारा मिटरब्याजी अपराध नियन्त्रणका लागि कार्यदल गठन
सरकारले मिटरब्याजी अपराध नियन्त्रणका लागि कार्यदल गठन भएको छ ।
टेम्पु चालकको हत्या आरोपित पाँच जना पक्राउ
महेशकुमार दास जलेश्वर, साउन २६ गते। टेम्पु चालक अर्जुन साहको हत्या आरोपमा महोत्तरी प्रहरीले पाँच जनालाई पक्राउ गरेको छ। साउन २० गते महोत्तरी लोहारपट्टी नगरपालिका -८ भगवानपुर चौरस्थित भ्रमरपुराबाट लोहारपट्टी जाने भित्री सडकमा अर्जुन साहको शव भेटिएको थियो।हत्या घटनाको अनुसन्धान गरिरहेको प्रहरीले शुक्रबार पाँच जनालाई सार्वजनिक गरेको हो।महोत्तरी प्रहरीले लोहारपट्टी नगरपालिका -४ घर भएर जनकपुर -७ मा बस्ने ३२ वर्षीय जितकुमार यादव, लोहारपट्टी नगरपालिका -४ घर भएर जनकपुर डेरा गरेर बस्ने २१ वर्षीय कृष्ण यादव, जनकपुर - १८ घर भएका २५ वर्षीय सन्तोष कुमार, धनुषा औरही गाउँपालिका -२ पौडेश्वर घर भएर क्षिरेश्वरनाथ नगरपालिका - २ महेन्द्रनगर डेरा गरेर बस्ने २१ वर्षीया प्रमिला महरा र औरही नगरपालिका -२ पौडेश्वर घर भएर क्षिरेश्वरनाथ नगरपालिका -३ महेन्द्रनगरमा बस्ने बिगुल मुखिया विनलाई पक्राउ गरिएको जिल्ला प्रहरी कार्यालय महोत्तरीका प्रहरी उपरीक्षक कृष्णप्रसाद पंगेनीले जानकारी दिनुभयो।जितकुमार यादवका भाइ कृष्ण यादव र बिगुल मुखियाकी श्रीमती २१ वर्षीया प्रमिला महराको पूर्व योजना अनुसार जितकुमार यादव र सन्तोष साहले अर्जुन साहलाई रिजर्भमा जाने भनेर टेम्पोमा भित्री सडकमा लगेर हत्या गरेको प्रहरी अनुसन्धानबाट खुलेको छ। महोत्तरीको लोहारपटी नगरपालिका -८ भगवानपुर चौरस्थित भ्रमरपुराको भित्री सडकमा दुवै जना मिलेर गम्छाले घाँटीमा पछाडिबाट पासो लगाएर हत्या गरेपछि शव नहरमा फालेको प्रहरी बयानबाट खुलेको छ।करिव एक वर्ष पहिले प्रमिला महरा र उनका श्रीमान् विगुल मुखिया र कृष्ण यादवले अर्जुनको घरबाट एक लाख नगद र सुनको गरगहना चोरी गरेको थियो।घटना भएको ६ महिना पश्चात मृतक अर्जुनको आमाले प्रमिला महरा र कृष्ण यादवले चोरी गरेको भन्दै प्रहरी कार्यालयमा उजुरी गर्छु भनेपछि आपसी छलफलपछि उक्त रकम तिर्न विगुल मुखियाले एक लाख १७ हजार र कृष्ण यादवले दुई लाख ४६ हजारको कागज (तमसुक) बनाएर उनीहरु बेपत्ता भएका थिए।केही साता अगाडि मात्र उनीहरुलाई अर्जुनकी आमाले जनकपुरमा फेला पारेर तमसुक बमोजिमको पैसा नतिरे प्रहरीमा उजुरी गर्छु भनेर डर देखाएकी थिइन्।सोही रिसले प्रमिला, उनका श्रीमान बिगुल र कृष्ण यादवले मृतक अर्जुन साह र उनको आमालाई मारेर सुनको गरगहना, घरमा रहेको नगदसहित तमसुक समेत लुटने योजना बनाएका थिए।कृष्ण यादवले पूर्व योजना अनुसार जितकुमार यादव र सन्तोष कुमारलाई अर्जुनलाई हत्या गरे ३० हजार दिने प्रलोभन देखाएको र सोही योजना अनुसार साउन २० गते जितकुमार यादवले अर्जुन साहलाई फोन गरेर टेम्पो भाडामा लाने बताएका थिए।सोहि दिन साँझ उनीहरुले योजनावद्ध ढंगले हत्या गरेको खुलेको प्रहरी उपरीक्षक पंगेनीले बताउनुभयो। शव फालेर आरोपी फरार हुन खोजे पनि टेम्पो जनकपुर -७ मुसहरी टोलमा टेम्पो फसेपछि त्यही छोडेर भागेका थिए।पाँचै जनालाई क्षिरेश्वरनाथ नगरपालिका-३ महेन्द्रनगरबाट लुकिछपी बसेको अवस्थामा प्रहरीले नियन्त्रणमा लिएको हो।घटनाको विभिन्न पक्षबाट अनुसन्धान भइरहेको पंगेनीको भनाइ छ।
-original-thumb.jpg)
ब्राउनसुगरसहित दुईजना पक्राउ
प्रतिबन्धित लागूऔषध ब्राउनसुगरसहित प्रहरीले दुई जनालाई पक्राउ गरेको छ । पक्राउ पर्नेमा झापा गौरादह नगरपालिका–१ बस्ने ३३ वर्षीय भीमबहाुर श्रेष्ठ र ३२ वर्षीय मोहन सिलवाल रहेका छन् ।
बैंकिङ कसुर मुद्दामा थापालाई जेल चलान
जिल्ला अदालत भक्तपुरको आदेशमा बैंकिङ कसुर मुद्दाका फरार प्रतिबादीलाई जेल चलान गरिएको छ । जेल चलान हुनेमा भक्तपुरको चाँगुनारायण नगरपालिका–३ झौखेल बस्ने ४४ वर्षीय शिवराज थापा छन् ।
एकै परिवारका तीन जनाको शंकास्पद मृत्यु
बझाङको बुंगल नगरपालिका –९ रारुमा एकै परिवारका तीन जनाको गएराति शंकास्पद मृत्यु भएको छ । एकै परिवारका २३ बर्षीय गीता पार्की, छोरी ५ बर्षीया भुमिका पार्की र छोरा ३ बर्षे महेश पार्कीको मृत्यु भएको जिल्ला प्रहरी कार्यालयका प्रहरी निरीक्षक रमेश अबस्थीले बताउनुभयो ।
महिला हिंसाको उजुरी प्रहरीमा दर्ता गराउन सकस
दुइटै मिर्गौला फेल भई दुई महिना अघि डाकनेश्वरी –१ का २४ वर्षिय अनवरको मृत्यु भयो । उहाँको मृत्युपछि २२ वर्षको कलिलो उमेरमै एकल हुन पुग्नुभएकी रुपनी –५ कि ऐसा खातुन अनवरको परिवारका सदस्यबाटै कुटपिटपछि घर निकालामा पर्नुभयो ।
छोरीसँग प्रेम गर्नेलाई शिक्षकले कुटे
दाङमा छोरीको प्रेमीलाई घरमा बोलाएर एक जना शिक्षकले निर्घात कुटपिट गरेका छन् । विद्यार्थी कुट्ने छोरीका बुवा पाटेश्वर यादव लगायत तीन जनालाई प्रहरीले पक्राउ गरेको छ ।
साढे १४३ किलोग्राम गाँजासहित भारतीय ट्रक नियन्त्रणमा
परवानीपुर–सुख्खा बन्दरगाह सडकखण्ड अन्तर्गत वीरगञ्ज महानगरपालिका वडा नम्बर २४ बहुअरी चोकमा रोकिराखेको एक भारतीय नम्बरको मालवाहक ट्रकबाट सशस्त्र प्रहरी बल १३ नम्बर गणको प्रहरी टोलीले १४३ किलो पाँच सय ग्राम लागूऔषध गाँजा बरामद गरेको छ ।
सशस्त्र प्रहरीद्वारा एकै पटक ६० लाखको अवैध सामान नियन्त्रणमा
नेपालगञ्ज, साउन २५ गते । सीमा पारीबाट हुँदै आएको तस्करी र अवैध आयात रोक्न कडा रुपमा प्रस्तुत भइरहेको सशस्त्र प्र्रहरीले एकै पटकमा ६० लाख रुपियाँको अवैध सामान बरामद गर्न सफल भएको छ । गत केही समयदेखि सशस्त्र प्रहरीले जिल्लाको ६५ किलोमिटरको खुला नाकामा तस्करी र अवैध आयात रोक्न कडा अभियान चलाएको थियो । सोही अभियान अन्तर्गत सशस्त्र प्रंहरी बल नेपाल नं. ३० गण हेडक्वार्टर बागेश्वरी बाँकेका गणपति एवं सशस्त्र प्रहरी उपरीक्षक जनकराज बस्नेतको नेतृत्वमा खटिएको सात जनाको टोलीले बाँकेको बैजनाथ गाउँपालिका वडा नं. १ हात्तिसारबाट उक्त अवैध सामान बरामद गरेको हो ।भे १ ख ३५८८ नम्बर को ट्रकलाई शंका लागेर जाँच गर्दा बिल विजक नभएको ५९ लाख ४० हजार मूल्य बराबरको अवैध सामान बरामद भएको सशस्त्र प्रहरीका एसपी जनक बस्नेतले बताउनुभयो । सीमा पारी भारतबाट ल्याएर भन्सार राजस्व छलेर सुर्खेत लैजाँदै गरेको अवस्थामा उक्त ट्रकलाई खानतलासी गर्दा चिनी १०० बोरा, चामल ३०० बोरा, सुपर पावर सुर्ती २९ बोरा र लेडिज सुट १०० थान फेला परेको एसपी बस्नेतले बताउनुभयो । ट्रकसँगै चालक दैलेखको गुराँसे गाउँपालिका वडा नं. ४ बस्ने २७ वर्षीय गौरव गिरी र सहचालक दैलेखको दुल्लु नगरपालिका वडा नं. १२ बस्ने २१ वर्षीय अर्जुन रावतलाई पनि नियन्त्रणमा लिई आवश्यक कारबाहीका लागि नेपालगञ्ज भन्सार कार्यालयमा बुझाइएको सशस्त्र प्रंहरी बल नेपाल नं. ३० गण हेडक्वार्टर बागेश्वरी बाँकेले जनाएको छ । पछिल्लो समयमा आएर सीमा पारीबाट तस्करी र अवैध सामानको आयात बढ्दै गएकाले एकातिर राजस्व संकलनमा समेत प्रभाव परेको छ भने अर्कोतिर अवैध गतिविधि बढ्दै गएको पाइएको छ ।
अवैध काठ बरामद
अस्थायी प्रहरी चौकी माइधार र रतुवामाई वृक्षारोपण आयोजनाको प्रहरी गस्ती टोलीले अवैध रुपमा लुकाईराखिएको अवस्थाको ५८ क्युफिट टिक जातको काठ बरामद गरेको छ ।
‘करेन्ट’ पीडित र प्राधिकरणबीच ७ बुँदे सहमती
पर्वतको जलजला गाउँपालिका–७ धाइरिङमा ‘हाइ भोल्टेज’को विद्युत् प्रवाह हुँदा भएको घटनाका पीडित र प्राधिकरणका बीच सात बुँदे सहमति भएको छ । सोमबार बिहान भएको घटनामा परि १ जनाको मृत्यू र १२ जना घाईते भएका थिए ।
मिलापत्रका कारण अपराध वृद्धि
घरेलु हिंसाका विषयमा प्रहरीमा पुगेका अधिकांश उजुरी मिलापत्रमा टुङ्गो लाग्ने गरेको पाइएको छ। लामो समयदेखि हुने घरेलु हिंसाका घटनालाई छलफलको माध्यमबाट मिलापत्र गराएर टुङ्गो लगाउँदा पछि जघन्य अपराघ हुने गरेको महिला अधिकारकर्मीले बताएका छन्। जिल्ला प्रहरी कार्यालय चितवनको महिला सेलमा दर्ता भएका घटना धेरै मिलापत्रमा समाधन हुने गरेको प्रवक्ता नरहरि अधिकारीले जानकारी दिनुभयो। “घरेलु हिंसा भनेर दर्ता गर्न आएका हुन्छन्, दुई पक्षबीच छलफल गरेपछि मिल्ने भएमा त्यहीँबाट मिलाएर पठाउने गरिएको छ,” उहाँले भन्नुभयो, “अदालती प्रक्रियामा जाँदा लामो समय लाग्ने र झन्झटिलो मान्ने हुँदा त्यहीँबाट टुङ्गो लाग्ने गरेको हो।” “श्रीमान्÷श्रीमतीको झगडाका विषय, खान लगाउन नदिएको विषय, अन्य घरायसी विवादको कुरा मिलापत्र गरिएको हुन्छ,” उहाँले भन्नुभयो।
ठूला अपराध आफन्तबाटै : प्रहरी
नेपालमा अपराधको स्वरूप परिवर्तन हुँदै गएकोमा चिन्ता व्यक्त गर्दै भरतपुरमा आयोजित कार्यक्रमका वक्ताहरूले यसको नियन्त्रण गर्न नसकिए भयावह स्थिति आउने बताएका छन्। नेपाल प्रहरी प्रधान कार्यालय अनुसन्धान विभाग र बागमती प्रदेश प्रहरी कार्यालयको संयुक्त आयोजनामा मङ्गलबार भएको प्रदेशस्तरीय अपराध अनुसन्धान समीक्षा गोष्ठीमा बोल्दै वक्ताहरूले हत्या, बलात्कार, ठगीजस्ता जघन्य अपराधको स्वरूप परिवर्तन भएको बताए।
वन अधिकृतसहित १३ कर्मचारीविरुद्ध ३२ लाखको भ्रष्टाचार मुद्दा
मुगुका डिभिजन वन अधिकृत भरतबहादुर बुढथापासहित अन्य १३ कर्मचारीमाथि ३२ लाख ४९ हजार १९० रुपियाँ भ्रष्टाचार गरेको आरोपमा मुद्दा दायर भएको छ। अख्तियार दुरुपयोग अनुसन्धान आयोगका प्रवक्ता श्यामप्रसाद भण्डारीका अनुसार मंगलबार उनीहरुविरुद्ध विशेष अदालत, काठमाडौंमा मुद्दा दायर भएको हो।
आलेको हत्यामा संलग्न सात जना पुर्पक्षका लागि कारागार चलान
गोरखा नगरपालिका–८ स्थित नयाँबस्तीका २० वर्षीय अनिल आलेको हत्याका आरोपी सात प्रतिवादीलाई पुर्पक्षका लागि कारागार चलान गरिएको छ । जिल्ला अदालतले आले हत्या आरोपका प्रतिवादीलाई कारागार चलान गर्न आदेश दिएपछि उनीहरूलाई कारागार पठाइएको जिल्ला प्रहरी कार्यालयका प्रहरी निरीक्षक सोमदास ढकालले जानकारी दिनुभयो ।
चक्कु प्रहारबाट इरानमा १० जनाको मृत्यु
दक्षिणपूर्वी इरानमा भएको झडपमा एक अफगान नागरिकले चक्कु प्रहार गरी १० जनाको हत्या गरेको स्थानीय सञ्चारमाध्यमले सोमबार जानकारी दिएका छन् ।
बैंकिङ कसूर मुद्दाका फरार प्रतिवादी गुप्ता पक्राउ
बैंकिङ कसूर मुद्दाका फरार प्रतिवादीलाई प्रहरीले पक्राउ गरेको छ । पक्राउ पर्नेमा बुढानिलकण्ठ नगरपालिका–१० ज्योतिनगर एकतावस्ती कपन बस्ने सर्लाही ब्रम्हपुरी गाउँपालिका–२ घर भएका ३४ वर्षीय रोशन कुमार गुप्तालाई सोमबार प्रहरीले पक्राउ गरेको हो ।
गाडीका नम्बर प्लेट देखिने सिसि क्यामरा जडान
ट्राफिक कार्यालय स्याङ्जाले राजमार्गमा गुड्ने सवारी साधनका नम्बर प्लेट देखिनेगरी सिसि क्यामरा जडान गरेको छ । कार्यालय भित्रको एउटा कक्षमा बसेर वीपी चोक, सहिदचोक, बाडखोला चोक र ट्राफिक चोकका गतिबिधि सजिलै नियाल्न सकिएको ट्राफिक प्रमुख मिनबहादुर कुवँरले बताउनुभयो ।
यातायात दुर्घटनामा परेर झापामा दुईकाे मृत्यु
झापामा छुट्टाछुट्टै भएका दुई वटा दुर्घटनामा परेर दुई जनाको ज्यान गएको छ । एकजना मोटरसाइकलबाट झर्ने क्रममा र अर्को एक जनाको साइकलबाट लडेर ज्यान गएको जिल्ला प्रहरी कार्यालय, झापाले जानकारी दिएको छ ।
विभिन्न देशका मुद्रासहित भारतीय नागरिक पक्राउ
विभिन्न देशका अबैध मुद्रासहित एक भारतीय नागरिकलाई प्रहरीले पक्राउ गरेको छ । ती मुद्रासहित भारतीय नागरिक राहदानी नम्बर जेड ५५६५७१५ बाहक ४३ वर्षीय अंकुर घनसे पटेललाई शनिबार दिउँसो प्रहरीले पक्राउ गरेको हो ।
दश कर्मचारीविरुद्ध २८ लाखभन्दा बढी भ्रष्टाचारको आरोप
विभिन्न गाउँपालिकाका कर्मचारीले आर्थिक हिनामिना गरी भ्रष्टाचार गरेको आरोपमा अख्तियार दुरुपयोग अनुसन्धान आयोगले कारबाहीको प्रक्रिया अगाडि बढाएको छ ।
लागूऔषधमा १४१ जना पक्राउ
सप्तरीमा एक वर्षको अवधिमा १४१ जना लागूऔषध कारोबार तथा सेवन गर्ने पक्राउ परेका छन् । जिल्ला प्रहरी कार्यालय, सप्तरीको एक तथ्याङ्कअनुसार आर्थिक वर्ष २०७८÷०७९ मा जिल्लाका विभिन्न ठाउँबाट २४० ग्राम ब्राउन सुगरसहित छ हजार २५७ नाइट्रोभेट, ६६३ नाइट्रोजन र १२ नाइट्राजेफान ट्याबलेट बरामद गरिएको हो ।
जिप र अटो ठोक्किँदा एक जनाको मृत्यु, तीन घाइते
जिल्लाको रामपुरमा अटो र जिप ठोक्किँदा एक जनाको मृत्यु भएको छ । शुक्रबार बेलुका ७ बजेतिर रामपुर–५, स्थित कालीगण्डकी कोरिडोर अमराइमा लु १ ज ४१३३ नम्बरको जिप र लु १ ह ४१३८ नम्बरको अटो ठोक्किँदा एक जनाको मृत्यु भएको हो । दुर्घटनामा परी तीन जना घाइते भएका छन् ।
सुनको औंठीसहित दुई पक्राउ
सुनको औठीं र आइफोनसहित दुई जनालाई प्रहरीले पक्राउ गरेको छ । पक्राउ पर्नेमा सल्यानको कालिमाटी गाउँपालिका–३ स्थायी घर भएका भुपेन्द्र घर्ती मगर र सिन्धुपाल्चोक ठूलोपाखर गाउँपालिका–८ स्थायी घर भएका भिमबहादुर तामाङ रहेका छन् ।
