गोरखापत्र अनलाइन
टिप्परको ठक्करबाट एकको मृत्यु
जिल्लाको रिब्दीकोट –२ मसाहरमा टिप्परको ठक्करबाट एक जनाको ज्यान गएको छ । आइतबार दिउँसो रैनदेवी छहरा –१, स्थित सिद्धेश्वर खानीबाट चुनढुङ्गा लिएर बुटवलतर्फ जाँदैगरेको लु २ ख २४४६ नम्बरको टिप्परले एक पैदलयात्रीलाई ठक्कर दिएको थियो ।
प्रतिनिधि सभामा संवैधानिक परिषद्सम्बन्धी विधेयक पेस
प्रतिनिधि सभा बैठकमा संवैधानिक परिषद् (काम, कर्तव्य, अधिकार र कार्यविधि, सम्बन्धी पहिलो संशोधन) विधेयक, २०७९ पेस गरिएको छ।
प्रधानमन्त्रीले विश्वासको मत लिनेबारे सांसदलाई जानकारी
प्रतिनिधि सभाको आइतबारको बैठकमा प्रधानमन्त्री पुष्पकमल दाहाल‘प्रचण्ड’ ले सोमबार विश्वासको मत लिने बारेमा जानकारी गराइएको छ।
उसु महासङ्घको अध्यक्षमा बर्तौला निर्विरोध निर्वाचित
नेपाल उसु महासङ्घको अध्यक्षमा पूर्व खेलाडी जनकप्रसाद बर्तौला निर्विरोध निर्वाचित हुनुभएको छ ।
कांग्रेसले योगदान र योग्यताको आधारमा मन्त्री चयन गर्ने
काठमाडौं, चैत ५ गते। नेपाली कांग्रेसले योगदान र योग्यताको आधारमा मन्त्री चयन गर्ने भएको छ। आइतबार बसेको कांग्रेस केन्द्रीय कार्यसम्पादन समिति बैठकले पार्टीको तर्फबाट सरकारमा सहभागी हुने मन्त्री चयन गर्दा योगदान र योग्यताको आधारलाई प्राथमिकता दिने भएको हो। योसँगै समावेशिता र प्रादेशिक सन्तुलनलाई दृष्टिगत गरेर मन्त्री चयन गर्ने भएको छ।कांग्रेस मुख्य सचिव कृष्णप्रसाद पौडेलले बैठकपछि विज्ञप्तिमार्फत निर्णय सार्वजनिक गर्नुभएको हो। कांग्रेस बैठकले महत्त्वपूर्ण पाँच निर्णय गरेको छ। नेकपा (माओवादी केन्द्र)का अध्यक्ष एवम् प्रधानमन्त्री पुष्पकमल दाहाल ‘प्रचण्ड’लाई विश्वासको मत दिने निर्णय गर्दै सरकारमा सहभागी हुने मन्त्रीको चयन योगदान र योग्यताको आधारमा गर्ने भएको हो।पार्टी सभापति शेरबहादुर देउवाको सभापतित्वमा बसेको बैठकमा महामन्त्री विश्वप्रकाश शर्माले निर्णयार्थ प्रस्ताव प्रस्तुत गर्नु एको हो। कांग्रेस बैठकका पाँच निर्णय जस्ताको तस्तै :– चैत्र ३ गते सम्पन्न उपराष्ट्रपति पदको निर्वाचनबाट संङ्य लोकतान्त्रिक गणतन्त्र नेपालको उपराष्ट्रपति पदमा निर्वाचित उपराष्ट्रपति श्री रामसहाय यादवलाई कार्यकाल सफलताको कामना सहित यो बैठक हार्दिक बधाई ज्ञापन गर्दछ।– एकदिवसीय विश्वकप क्रिकेट प्रतियोगिताको छनोट चरणमा नेपाललाई पुर्याउन ऐतिहासिक सफलता हासिल गर्न सफल खेलाडीहरु, नेपाल क्रिकेट सङ्घ र समस्त नेपालीमा यो बैठक हार्दिक बधाई ज्ञापन गर्दछ। यो विजयलाई दिगो बनाउँदै आगामी दिनमा नेपाली क्रिकेटको अझ स्तरोन्नतिका लागि विशेष कार्ययोजना निर्माण गर्न यो बैठक सरकारको ध्यानाकर्षण गराउने निर्णय गर्दछ।– संविधान रक्षा, संघीय लोकतान्त्रिक गणतन्त्रको सुदृढीकरण र मुलुकको समुन्नतिका लागि सहकार्यको संकल्प सहित गत निर्वाचनमा नेपाली जनता समक्ष गरेको वचनबद्धता अनुरुप नेपाली कांग्रेस सहितका राजनीतिक दलहरु बीचको आपसी एकता र समझदारीलाई अझ सुदृढ गर्नु आवश्यक छ। हालै सम्पन्न सङ्घीय गणतन्त्र नेपालको राष्ट्रपति र उपराष्ट्रपतिको निर्वाचनमा गठबन्धनले प्राप्त गरेको विश्वासप्रति सबैलाई आभार प्रकट गर्दै यो बैठक गठबन्धन दलहरू बिचको समझदारी र एकतालाई अझ बलियो बनाउँदै अघि बढ्ने क्रममा नेपालको संविधानको धारा ७६९२० बमोजिम गठित श्री पुष्पकमल दाहाल ‘प्रचण्ड’ को नेतृत्वमा रहेको वर्तमान सरकारलाई नेपाली कांग्रेसको विधानको धारा २२ ९११० बमोजिम समर्थन गर्ने र २०७९ चैत ६ गते प्रतिनिधि सभाको बैठकमा प्रधानमन्त्रीले राख्नुहुने विश्वासको मतको प्रस्तावको पक्षमा मतदान गर्नका लागि पार्टीको संसदीय दललाई निर्देश गर्ने निर्णय गर्दछ।– संसद्को सबैभन्दा ठूलो दलका रूपमा प्रधानमन्त्री पुष्पकमल दाहाल ‘प्रचण्ड’ नेतृत्वको वर्तमान सरकारमा नेपाली कांग्रेस सहभागी हुने निर्णय यो बैठक गर्दछ। संविधान रक्षा, सङ्घीय लोकतान्त्रिक गणतन्त्रको सुदृढीकरण र शान्ति प्रक्रियाका बाँकी कामलाई पूर्णता दिँदै मुलुकको चौतर्फी विकासमार्फत मुलुकको समुन्नति हासिल गर्ने साझा कार्यभारप्रति यो बैठक दृढ प्रतिबद्धता व्यक्त गर्दछ।– नेपाली कांग्रेसका तर्फबाट सरकारमा सहभागी हुने मन्त्रीहरु चयन गर्दा योगदान र योग्यताको मुख्य दुई आधारमा समावेशिता र प्रादेशिक सन्तुलन दृष्टिगत गरेर चयन गर्ने यो बैठक निर्णय गर्दछ।
रासायनिक मलको मूल्यवृद्धि फिर्ता लिन एमालेको माग
नेकपा (एमाले) ले रासायनिक मलमा भएको मूल्यवृद्धिको फिर्ता लिन माग गरेको छ । एमाले कृषि तथा पशुपन्छी विकास विभागले आइतबार प्रेस विज्ञप्ति जारी गर्दै रासायनिक मलमा दिँदैआएको अनुदान भारी मात्रामा कटौती गर्ने निर्णयप्रति ध्यानाकर्षण गराएको हो ।
सभामुखको अभिव्यक्तिप्रति संसद् बैठकमा विरोध
सभामुख देवराज घिमिरेले ‘पत्रकार बिक्रीमा छन्’ भनेर दिएको अभिव्यक्तिप्रति संसद् बैठकमा विरोध जनाइएको छ।
कृषि क्षेत्रको अनुदान कटौतीप्रति सांसदले गराए ध्यानाकर्षण
कृषि क्षेत्रमा दिइएको अनुदान कटौती गरी रासायनिक मल र दूधको मूल्यवृद्धि गरिएकोमा सांसदहरूले सरकारको ध्यानाकर्षण गराउनुभएको छ ।
विद्यार्थीलाई सवारी (लिण्डे) साग टिप्न चटारो
हिमाली जिल्ला डोल्पाको त्रिपुराकोटका खेतका गडाहरुमा शनिबारको दिन बालबालिकाहरू साग टिप्न व्यस्त देखिए ।
सुनको मूल्य हालसम्मकै उच्च
सुनचाँदी बजारमा सुनको मूल्य हालसम्मकै उच्च कायम भएको छ । नेपाली बजारमा आज छापावाल सुनको मूल्य रू एक लाख १० हजार तोकिएको छ । अघिल्लो दिन प्रतितोला रू एक लाख सात हजार एक सयमा कारोबार भएको सुनको मूल्य आज प्रतितोला रू दुई हजार नौ सयले बढेको हो ।
चलचित्र कलाकार सङ्घको अध्यक्षमा मोहन निरौला निर्वाचित
चलचित्र कलाकार सङ्घको अध्यक्षमा मोहन निरौला निर्वाचित हुनुभएको छ ।
सिटी एफए कपको सेमिफाइनलमा
म्यानचेस्टर सिटी एफए कप फुटबलको सेमिफाइनलमा प्रवेश गरेको छ । घरेलु मैदानमा शनिबार राति भएको खेलमा म्यानचेस्टर सिटीले बर्नलीलाई ६–० गोलले हराउँदै अन्तिम चारमा स्थान बनाएको हो ।
प्रतिनिधि सभा बैठक
प्रतिनिधि सभा बैठक
उपराष्ट्रपतिको शपथ भोलि
नवनिर्वाचित उपराष्ट्रपति रामसहाय प्रसाद यादवले भोलि (सोमबार) पद तथा गोपनीयताको शपथ लिनुहुनेभएको छ ।
सरकारमा सहभागी हुने कांग्रेसको निर्णय
नेपाली कांग्रेस केन्द्रीय कार्यसम्पादन समितिको आज बसेको बैठकले पार्टी सरकारमा जाने निर्णय गरेको छ ।
