गोरखापत्र अनलाइन
'प्रकाश'को 'जोर मैना' गीत सार्वजनिक
काठमाडौं, असार १६ गते । दिनेश राउतले निर्देशन गर्नुभएको फिल्म 'प्रकाश'को 'जोर मैना' बाेलकाे गीत सार्वजनिक गरिएको छ । बिहीबार सार्वजनिक गरिएको गीतमा दीपक शर्माको शब्द तथा सङ्गीत र ध्रुव बिस्कोको स्वर छ । महेन्द्र अधिकारीले निमार्ण गर्नुभएको फिल्म जुम्लाको परिवेशमा छायाङ्कन भएको हो । फिल्मको गीतमा प्रदीप खड्का र रेणु योगी जुम्लेली पात्रमा देखिएका छन् । फिल्ममा दिया मास्के, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दीपेन्द्र शाहीलगायतका कलाकारको अभिनय छ । बिनिस इन्टरटेनमेन्टकाे ब्यानरमा निर्माण भएको फिल्ममा विकास सुवेदीको लेखन, राजेश श्रेष्ठको छायाङ्कन, जीवन थापाको सम्पादन, सुवास भुषाल, दीपक शर्मा, तारा प्रकाश लिम्बू र एलिस कार्कीको सङ्गीत, उत्तम न्यौपानेको साउण्ड डिजाइन र शैलेश श्रेष्ठको पार्श्व सङ्गीत छ ।
गुल्मीको खोला किनारमा बेवारिसे शव फेला
गुल्मीको बढीगाड खोला किनारमा सडेको अवस्थामा बेवारिसे शव फेला परेको छ । जिल्लाको सत्यवती गाउँपालिका वडा नम्वर ४ साहाघाटस्थित बढीगाड खोलामा सडेको अवस्थामा शव फेला परेको जिल्ला प्रहरी कार्यालय, गुल्मीले जनाएको छ ।
सिद्धबाबा सडकखण्डको वैकल्पिक मार्ग अलपत्र
सिद्धबाबा सडकखण्डको विकल्पको रुपमा निर्माण थालिएको झुम्सा–चरङ्गे सडक खण्ड पाँच वर्षदेखि अलपत्र बनेको छ । निर्माण कार्य सुरु गरेको पाँच वर्षसम्म पनि २० किलोमिटर सडकले पूर्णता पाएको छैन । सिद्धार्थ राजमार्ग अन्तर्गत सिद्धबाबा क्षेत्रको वैकल्पिक सडक निर्माण गर्ने उद्देश्यका साथ लुम्बिनी प्रदेश सरकारले पाँच वर्षअघिदेखि नै बजेट विनियोजन गरेर काम सुरु गरेको थियो । हरेक वर्ष यो सडकका लागि बजेट विनियोजन हुँदै आएको छ । यद्यपि काम भने कछुवा गतिमा हुँदा सडक पाँच वर्ष बितिसक्दा समेत पूरा हुन सकेको छैन ।
बैंकिङ कसुर मुद्दामा फरार प्रतिवादी पक्राउ
प्रहरीको केन्द्रीय अनुसन्धान ब्यूरो (सिआईबी) को टोलीले आफ्नो खातामा पर्याप्त रकम नहुँदा नहुँदै झुक्यानमा पारेर खातामा पैसा नभएको चेक दिएर बैंकिङ कसुर गर्ने एक महिलालाई बिहीवार टेकुबाट पक्राउ गरेको हो ।
मधेश सरकारद्वारा शहीद परिवारलाई छात्रवृत्ति र भरणपोषण भत्ता दिइने
मधेश सरकारले शहीद परिवारलाई भरणपोषण वापत मासिक २१ हजार रुपियाँ दिने भएको छ । भरणपोषण तथा छात्रवृत्ति सम्बन्धी कार्यविधि २०७९ को दफा (६) बमोजिम जनआन्दालेन, जनयुद्ध र मधेश आन्दोलनका शहीद परिवारलाई मासिक २१ हजार रुपियाँका दरले सो रकम दिने निर्णय गरेको हो ।
बाढीपहिरोका कारण सिँचाइ कुलोसहित ६ घर जोखिममा
पर्यावरणीय अध्ययन विना बस्तीमाथि डोजरले जथाभावी सडक खन्दा आएको बाढी पहिरोले बैतडीको सिगसमा दुई वटा सिँचाइ कुलो बगाउनुका साथै ५० रोपनी खेत र छ वटा घर उच्च जोखिममा परेका छन् ।
प्रतिनिधिसभा र प्रदेशसभाको निर्वाचन समयमै सम्पन्न हुन्छ : प्रधानमन्त्री देउवा
प्रधानमन्त्री देउवाले स्थानीय तहको निर्वाचन स्वच्छ, निष्पक्ष र भयरहित रुपमा सम्पन्न भएको उल्लेख गर्दै अब प्रतिनिधिसभा र प्रदेशसभाको निर्वाचन पनि समयमै सम्पन्न गराउन सरकार प्रतिवद्ध रहेको बताउनुभएको हो ।
संसदमा विचाराधीन नागरिकता विधेयक पारित गर्नुपर्ने अभिभारा छ : सभामुख सापकोटा
प्रतिनिधिसभाका सभामुख अग्निप्रसाद सापकोटाले सङ्घीय संसदमा विचाराधीन नागरिकता विधेयक पारित गर्नुपर्ने अभिभारा रहेको बताउनुभएको छ ।
हङकङ चीनमा फिर्ता भएको २५ वर्ष पूरा
कहिले पनि घाम नअस्ताउने भनेर चिनिएको देश बेलायतबाट चीनले आफ्नो अभिन्न भूभाग हङकङ फिर्ता लिएको २५ वर्ष पूरा भएको छ । ‘एक देश, दुई व्यवस्था’को सिद्धान्तमा चीनले हङकङ सन् १९९७ जुलाई १ मा मुख्य भूमिमा पुनः गाभेको थियो ।
जोकोभिच विम्बल्डन टेनिसको तेस्रो चरणमा
विश्व नम्बर एक सर्बियन खेलाडी नोभाक जोकोभिच विम्बल्डन टेनिसको तेस्रा चरणमा पुग्नुभएको छ । लन्डनमा बुधबार राति भएको खेलमा साविक विजेता जोकोभिचले अस्ट्रेलियाका थानासी कोकिनकिसलाई ३-० को सोझो सेटमा हराउनुभयो ।
हाम्रो पात्रोले सुरु गर्यो ई–लर्निङ् प्लेटफर्म
आम मानिसको दैनिक जीवनको महत्त्वपूर्ण हिस्सा बन्न सफल एप हाम्रो पात्रोले नयाँ फिचरको रूपमा ‘हाम्रो लर्निङ सेन्टर’ ल्याएको छ ।
नाइजेरियाको सडक दुर्घटनामा पाँच जनाको मृत्यु, नौ घाइते
नाइजेरियाको दक्षिणपश्चिम क्षेत्रमा तीन राज्य जोड्ने लागोस–इबादान राजमार्गमा बुधबार बसमा अचानक आगलागी हुँदा कम्तीमा पाँच जनाको मृत्यु हुनुको साथै अन्य नौ जना घाइते भएको ट्राफिक प्रहरीले जनाएको छ ।
राष्ट्रपति रनिङ सिल्ड : काठमाडौं महानगरपालिका च्याम्पियन
११औं काठमाडौं जिल्लाव्यापी राष्ट्रपति रनिङ सिल्ड खेलकुदमा काठमाडौं महानगरपालिका टिम च्याम्पियन बनेको छ । विभिन्न ६ खेल समावेश खेलकुदमा काठमाडौं १४ स्वर्ण, १० रजत र १४ कांस्य पदिक सहित समग्रमा टिम च्याम्पियन बनेको हो ।
नवयुग र भरतले अमेरिकामा खेल्ने
नेपाली राष्ट्रिय टोलीका कप्तान नवयुग श्रेष्ठ र भरत खवास पाँचौ नेप्लिज अमेरिका कन्भेन्सन फुटबल प्रतियोगितामा भाग लिन अमेरिका प्रस्थान गर्नुभएको छ ।
एकै आयोजनामा तीन मुद्दा
बाग्लुङ जिल्लाको काठेखोला गाउँपालिकास्थित नालढुङ्गा (घुँडेखोला) खानेपानी योजनामा फरक फरक रूपमा भएको अनियमितताका विरुद्धमा तीनवटा भ्रष्टाचार मुद्दा दायर गरिएको छ । गाउँपालिकाका तत्कालीन प्रमुख प्रशासकीय अधिकृत खिमबहादुर विकविरुद्ध एउटै आयोजनामा अनियमितता गरेकोमा तीनवटा भ्रष्टाचार मुद्दा दायर गरिएको हो ।
