गोरखापत्र अनलाइन
राष्ट्रपति भण्डारीसमक्ष महालेखापरीक्षक कार्यालयको वार्षिक प्रतिवेदन पेश
राष्ट्रपति विद्यादेवी भण्डारीसमक्ष महालेखापरीक्षक कार्यालयले वार्षिक प्रतिवेदन पेश गरेको छ । महालेखापरीक्षक टंकमणि शर्मा दंगालले आज शीतलनिवास स्थित राष्ट्रपतिको कार्यालयमा सो प्रतिवेदन हस्तान्तरण गर्नुभएको हो ।
प्रधानमन्त्री देउवासँग गैरआवासीय सङ्घका पदाधिकारीको भेट
गैरआवासीय नेपाली सङ्घको टोलीले प्रधानमन्त्री शेरबहादुर देउवासँग आज भेटघाट गरेको छ । संघका कार्यकारी अध्यक्ष कुल आचार्य तथा अध्यक्ष डा. बद्री केसी नेतृत्वमा गएको टोलीले प्रधानमन्त्रीसँग आज भेटघाट गरेको हो ।
खो खो राष्ट्रिय खेलाडीद्वय तालिमको लागि भारत प्रस्थान
एशियन खो खो संघ तथा भारतीय खो खो संघको निमन्त्रणामा मगंलबार दुईजना खेलाडी भारत प्रस्थान गर्नुभएको छ ।
खगेन्द्र लामिछानेको फिल्म 'पानीफोटो'
काठमाडौं, असार २९ गते । खगेन्द्र लामिछानेको निर्देशनमा बनेको फिल्म 'पानीफोटो'को ट्रेलर सार्वजनिक गरिएको छ । मङ्गलबार लामिछानेको जन्मदिनको अवसर पारेर फिल्मको ट्रेलर सार्वजनिक गरिएको हो । ट्रेलरमा आफ्नो हराएको छोरोको खोजीमा फिल्मका मुख्य कलाकार अनुप बराल र मेनुका प्रधान देखाइएको छ । फिल्मको कथा १० वर्षे जनयुद्धमा हराएका छोराको खोजीमा रहेका बाबुआमाको कथा प्रस्तुत गरिएको छ ।फिल्ममा अनुप र मेनुका बाहेक लेखक तथा निर्देशक लामिछाने, मेनुका महत, रमेश अधिकारी, प्रकाश घिमिरे, माओत्से गुरुङ लगायतका कलाकारको मुख्य भूमिका छ ।टुकी आर्ट्सको प्रस्तुति रहेको फिल्मका निर्माता रोजिना सिटौला र रवीन्द्र बज्राचार्य हुन् । दीपक बज्राचार्यले छायाङ्कन गर्नुभएको फिल्मको सम्पादन निमेश श्रेष्ठले गर्नुभएको हो ।फिल्म साउन १३ देखि प्रदर्शनमा आउने भएको छ ।
भानुभक्तको घर भग्नावशेषमा परिणत
नेपाली साहित्यका आदिकवि भानुभक्त आचार्य जन्मिएको तनहुँको भानु नगरपालिका –४ स्थित घर संरक्षणको अभावमा भग्नावशेषमा परिणत भएको छ । साहित्यिक तीर्थस्थल तथा भाषिक केन्द्रको रुपमा विकास गर्ने लक्ष्य राखिएको भएपनि आगोलागीले खण्डहर भएको वर्षौं बितेपनि पुनरनिर्माण हुन सकेको छैन ।
बेंसीसहर पशुमा पूर्ण खोपयुक्त पालिका घोषणा
लमजुङको बेंसीसहर नगरपालिकालाई पशुमा पूर्ण खोपयुक्त पालिका घोषणा गरिएको छ । भेटेरीनरी अस्पताल तथा पशु सेवा विज्ञ केन्द्र लमजुङले नगरपालिकालाई पशुमा पूर्ण खोपयुक्त पालिका घोषणा गरेकोे हो ।
मोटरसाइकल दुर्घटनामा एकको मृत्यु, तीन घाइते
कैलालीमा मोटरसाइकल एकापसमा ठोक्किँदा एक जनाको मृत्यु भएको छ । तीन जना घाइते भएका छन् । गौरीगङ्गा नगरपालिका ९ शंकरपुरमा मंगलबार राती विपरित दिशातर्फ गुडिरहेका सु.प.प्र.०१–००९ प. ७८९१ र से.७ प.११४७ नम्बरको मोटरसाइकल एकापसमा ठोकिदा दुर्घटना भएको प्रहरीले जनाएको छ ।
पुल नहुँदा विद्यालय जानबाट विद्यार्थी वञ्चित
अर्घाखाँचीको शीतगङ्गा नगरपालिकाको दमारबेंसीमा पुल नहुँदा विद्यार्थी विद्यालय जानबाट बञ्चित हुनेगरेका छन् । खोलामा पुल नहुँदा बर्खायाममा नगरपालिका लगायतका आसपास क्षेत्रमा आवत जावत बन्द हुनेगरेको छ ।
नागरिकता समस्या समाधान गर्न खुला सीमा बन्द गर्न माग
नेपाल मजदुर किसान पार्टीका सांसद प्रेम सुवालले नागरिकता समस्या समाधानका गर्नका लागि नेपाल–भारतबीचको खुला सीमा बन्द गर्न सरकारसँग माग गर्नु भएको छ ।
कर्मचारीको करार सम्झौता नवीकरण नहुने
स्थानीय सरकारले आवश्यकताभन्दा आफ्ना निकटलाई जागिर खुवाउन मात्र करार कर्मचारी नियुक्त गरेको भन्दै जिल्लाको ठाटिकाँध गाउँपालिकाले करारमा नियुक्त कर्मचारीको करार सम्झौता नवीकरण नगर्ने जनाएको छ । गाउँपालिकाको बैठकले करार कर्मचारीको म्याद थप नगर्ने निर्णय गरेको गाउँपालिकाले जनाएको छ ।
स्रोत नखुलेको २० लाख नगदसहित दुईजना पक्राउ
प्रहरीले वीरगञ्जबाट स्रोत नखुलेको २० लाख नगदसहित दुईजनालाई पक्राउ गरेको छ ।
राष्ट्रियसभाका अध्यक्ष र मधेशी आयोगका अध्यक्षबीच छलफल
राष्ट्रियसभाका अध्यक्ष गणेशप्रसाद तिमिल्सिना र मधेशी आयोगका अध्यक्ष डा. विजयकुमार दत्तबीच आज सिंहदरबारमा छलफल भएको छ । संबैधानिक निकायलाई सशक्त र प्रभावकारी बनाउने विषयबारे छलफल भएको अध्यक्ष तिमिल्सिनाको सचिवालयले जनाएको छ ।
आर्थिक दृष्टिकोणबाट मुलुकको अवस्था गम्भीर छ : मन्त्री बडू
उद्योग, वाणिज्य तथा आपूर्तिमन्त्री दिलेन्द्रप्रसाद बडूले मुलुकको आर्थिक अवस्थालाई सुधार गर्न सजग भएर हिँड्नुपर्ने अवस्था आएको बताउनुभएको छ ।
नागरिकता विधेयक संसदमा पेश
नेकपा एमालेका सांसदहरु भीमबहादुर रावल, शेरबहादुर तामाङ र नेपाल मजदुर किसान पार्टीका सांसद प्रमे सुवालले दिनुभएको विरोधको सूचना प्रतिनिधिसभाले बहुमतले अस्वीकृत गरेपछि गृहमन्त्री बालकृष्ण खाणले नागरिकता ऐन संशोधन विधेयक प्रतिनिधिसभामा पेश गर्नुभएको हो ।
उपसभामुखको निर्वाचन शुक्रबार
प्रतिनिधिसभा उपसभामुखको निर्वाचन असार ३१ गते अर्थात् शुक्रबार हुने भएको छ । बुधबारको प्रतिनिधिसभा बैठकमा सभामुख अग्निप्रसाद सापकोटाले उपसभामुखको निर्वाचन असार ३१ गते गर्नेका लागि तोकेको जानकारी दिनुभयो
