सुदूरपश्चिममा पुनः कोरोना सङ्क्रमण
सुदूरपश्चिम प्रदेशमा पछिल्ला दिनमा कोरोना भाइरसको सङ्क्रमण पुनः देखिन थालेको छ । कोरोना भाइरसको सङ्क्रमण दर केही महिनायता प्रदेशमा शून्य रहेकोमा पछिल्ला केही दिनमा सङ्क्रमण देखिन थालेको छ ।
प्रदेश विशेष अनुदानसम्बन्धी कार्यविधि पास
सुदूरपश्चिम प्रदेश सरकारले प्रदेश विशेष अनुदानसम्बन्धी कार्यविधि २०७९ मन्त्रिपरिषद् बैठकबाट पास गरेको छ ।
राजदूतहरूको टोलीद्वारा मुख्यमन्त्री शाहसँग भेटवार्ता
नेपालका लागि युरोपियन युनियन (इयु) तथा इयु सदस्य तीन राष्ट्रका राजदूतहरुको टोलीले सुदूरपश्चिम प्रदेशका मुख्यमन्त्री कमलबहादुर शाहसँग भेटवार्ता गरेको छ ।
सडक खुल्दा खुसीभन्दा चिन्ता बढी
साँफे–मार्तडी राजमार्गअन्तर्गत पर्ने बल्दे–अम्कोट वैकल्पिक मार्ग अम्कोटको गाउँमै पुगेपछि त्यहाँका स्थानीयवासीमा खुसीसँगै चिन्ता बढेको छ। अम्कोटवासीलाई राजमार्गदेखि झन्डै एक किलोमिटर भारी बोकेर घरमै पुग्न यो वैकिल्पक मार्गले केही सहज भए पनि एक्साभेटरले सडक खन्दा कतै गाउँमै पहिरो लाग्ने हो कि भन्ने डरसमेत बढेको छ।
दाउरा र उखु विवाहको बाधक
धनगढी उपमहानगरपालिका–१०, घुइयाघाटका ७० वर्षीय सालिकराम रानाको विवाह बुवाले मगनी गरिदिएकी सिट्ठादेवी रानासँग भएको थियो। भारतको मसानखामकी सिट्ठादेवीलाई लिन जन्ती लिएर जाँदा अर्को देश पुगेको अनुभूति सालिकरामलाई भएकै थिएन। उहाँले भन्नुभयो, “आवतजावत निर्बाध थियो। फरक देशमा पुगेको छुजस्तै लागेन। त्यसैले विवाह सम्बन्ध एकअर्को गाउँबीच भएजस्तो लाग्ने गर्दथ्यो।” घुइयाघाटकै रामकिसन रानाको विवाह पनि भारतस्थित सरियापाराकी रामप्यारी रानासँग भएको हो। सानैमा मगनी भए पनि विवाह २०४१ सालमा भएको थियो। रामकिसनले भन्नुभयो, “त्यतिबेला यता वनजङ्गल पनि थियो। नदीनालामा माछा प्रशस्तै पाइन्थ्यो। वनजङ्गलमा काठ, दाउरा र नदीमा माछा पाइने गरेका कारण उनी दुलही बनेर आउन सजिलै तयार भइन्।”
सुदूरपश्चिमको सामाजिक विकास प्राथमिकतामा– इयु राजदूत
नेपालका लागि युरोपियन युनियन (इयु) तथा तीन देशका राजदूतहरूले सुदूरपश्चिम प्रदेशको सामाजिक विकास सबैभन्दा प्रमुख सवाल रहेको बताउनु भएको छ ।
बेरोजगारीले गाउँ खाली हुँदै
बाजुराका अधिकांश बस्ती बेरोजगारीका कारण धमाधम खाली हुँदै गएका छन्। गाउँका प्रायः सबै युवा रोजगारीका लागि भारतमा जान थालेपछि पछिल्लो समय ती गाउँ दिनानुदिन खाली हुँदै गएका हुन्। बूढीगङ्गा नगरपालिका–१०, बदेडाका स्थानीय युवा पाउनु विकले गाउँमा गरेर खाने केही उपाय नभएपछि पेट पाल्नकै लागि गाउँ छोडेर भारत जानु परेको बताउनुभयो। उहाँले भन्नुभयो, “गाउँमा न त रोजागरीको अवसर आउँछ न त कुनै व्यवसायका लागि अनुदान मिल्छ। गाउँमा बसेर छोराछोरीको पढाइ खर्च त के बिहान बेलुकीको छाक टार्न पनि सकस हुन्छ।”
छब्बीस लाख खर्च गरेपछि स्वागतद्वार नबन्ने
छब्बीस लाखभन्दा बढी रकम खर्च भइसकेको स्वागतद्वार निर्माण अन्योलमा परेको छ। कैलालीको धनगढी एयरपोर्ट जाने सडकमा स्वागतद्वार निर्माण भइरहेको छ। धनगढी विमानस्थलको नयाँ गुरुयोजनामा अन्यत्रबाटै विमानस्थल जाने मार्ग तय गरिएपछि प्रवेशद्वार प्रयोजनविहीन हुने अवस्थामा पुगेको छ।
विवादले रोकियो सडक निर्माण
बाजुराको साँफे–मार्तडी सडकअन्तर्गत पर्ने बल्दे–अम्कोट वैकल्पिक सडक निर्माणको काम रोकिएको छ। बूढीगङ्गा नगरपालिका–२ को कन्सर्न बाजुरादेखि अम्कोटद्वारीसम्मको झन्डै तीन किलोमिटर वैकल्पिक सडक गत भदौमा नै निर्माणको काम सुरु भएको थियो। सडक डिभिजन कार्यालय अछामले २०७९ भदौको पहिलो साताबाट नै वैकल्पिक निर्माणको काम सुरु गरिएको भए पनि अहिले अम्कोटका स्थानीयवासीले विवाद सुरु गरेपछि निर्माण रोकिएको हो।
शुक्लाफाँटामा मयूर नाच
कञ्चनपुरको शुक्लाफाँटा राष्ट्रिय निकुञ्जभित्रको घाँसे मैदानमा नाच्दै गरेको मयूर । शुक्लाफाँटा ४५९ प्रजातिका चराचुरुङ्गीको वासस्थान हो । तस्बिरः शेरबहादुर सिंह/रासस
-original-thumb.jpg)
खखडेहरा फुटाएर सकियो रानाथारुको होरी
रानाथारु समुदायको सबैभन्दा ठूलो पर्व होरी खखडेहरा फुटाएर सकिएको छ।
पालमा बस्न बाध्य पीडितका लागि घर पुनः निर्माण हुने
पाँच महिनासम्म बाढी पहिरोले विस्थापित पीडितकाे व्यवस्थापन नहुँदा पालमा बस्न बाध्य भएका छन् । सरकारको निर्णयअनुसार कर्णालीका जिल्लालगायत मुगु जिल्ला बाढी पहिरो संकटक्षेत्र घोषणा गरे तापनि बाढी पीडितसम्म राहत रकम आइनपुगेकाले समस्यामा परेका हुन् ।
डोटीमा जीप दुर्घटना हुँदा चार घाइते, दुई गम्भीर
डोटीमा जीप दुर्घटना हुँदा चार जना यात्रु घाइते भएका छन् भने दुई जनाको अवस्था गम्भीर छ । जिल्लाको दिपायल सिलगढी नगरपालिका–६ सिलगढीस्थित अदालत मोडमा जीप र मोटरसाइकल एकापसमा ठोक्किँदा दुर्घटना भएको प्रहरीले जनाएको छ ।
खखडेहराको अवसरमा आज कैलाली र कञ्चनपुरमा बिदा
राना थारु समुदायको खखडेहरा पर्वको अवसरमा सुदूरपश्चिम प्रदेश सरकारले आज प्रदेशको दुई जिल्लामा सार्वजनिक बिदा दिएको छ ।
महाकाली तर्न डुङ्गाको भर
भारतसँग सीमा जोडिएको भित्री मधेशको जोगबुडा क्षेत्रको महाकालीमा पुल नहुँदा स्थानीय जोखिम मोल्दै महाकाली नदी वारपार गरिरहेका छन्। भित्री मधेश क्षेत्र परशुराम नगरपालिका र भारतलाई जोड्न महाकालीमा पुल नहुँदा जोखिम मोलेर स्थानीय डुङ्गाबाट वारपार गर्दै आएका छन्।
मुख्यमन्त्री राष्ट्रिय फेन्सिङ चैत अन्तिममा
प्रथम मुख्यमन्त्री राष्ट्रिय फेन्सिङ प्रतियोगिता सुदूरपश्चिममा चैत २९ र ३० गते हुने भएको छ ।
चार राजदूतद्वारा सेती प्रादेशिक अस्पतालको अवलोकन
युरोपियन युनियनका राजदूत नोना डिप्रेजसहित चार जना राजदूतले सोमबार सेती प्रादेशिक अस्पतालको अवलोकन गर्नु भएको छ।
दुर्गममा शिविर सञ्चालन
जिल्ला अस्पताल बैतडीले पञ्चेश्वर र शिवनाथ गाउँपालिकामा निःशुल्क स्वास्थ्य शिविर सञ्चालन गरेको छ। शिविरमा एक हजारभन्दा बढीको स्वास्थ्य जाँच गरिएको छ। गाउँघरमा चिकित्सक कार्यक्रमअन्तर्गत बालरोग विशेषज्ञ, स्त्रीरोग विशेषज्ञ, अल्ट्रासाउन्ड सेवा, हाडजोर्नी विशेषज्ञ, नाक, कान र घाँटीरोग विशेषज्ञ र अपाङ्ग पहिचानजस्ता शिविर सञ्चालन भइरहेका छन्। जिल्ला अस्पताल बैतडीका प्रमुख डा. दिपेश श्रेष्ठका अनुसार शिवनाथ गाउँपालिकामा अपाङ्गता पहिचान शिविर राख्दा १५५ जना अपाङ्गता भएका व्यक्तिले स्वास्थ्य परीक्षण गराएका छन्। तीमध्ये १९ जनाले पूर्ण अशक्तताको अपाङ्ग परिचयपत्र पाएका छन्।
जोखिममा भूकम्पपीडित
पूर्वीचौकी गाउँपालिका–३, माझगाउँका जङ्ग बोहराको घर भूकम्पका कारण चिराचिरा परेको छ। भूकम्पपछिका केही दिन पालमुनि बिताएको उहाँको परिवार पछिल्लो समय सोही घरमा जोखिम मोलेर बस्दै आएको छ। भूकम्पले त्रिपालमुनि चिसा रात बिताएका बोहरा परिवारजस्तै जिल्लाका अन्य भूकम्पपीडित पनि चर्किएको घरमा बस्न बाध्य छन्। सुरुसुरुमा भूकम्पको निकै डर लाग्ने गरेको भए पनि पछिल्लो समय केही मात्रामा त्रास हटेको बोहराले बताउनुभयो। “भूकम्प गएको एक/डेढ महिना घरभित्रै पस्न सकेनौँ,” उहाँले भन्नुभयो, “चिसा रात त्रिपालमुनि जसोतसो कटायौँ। चिसोका कारण बालबालिका, ज्येष्ठ नागरिक बिरामी हुन थाले। भूकम्प गएको पाँच महिना पुग्दा पनि त्रिपालबाहेकको कुनै विकल्प पाएनौँ र अहिले ज्यानको माया, डरत्रास त्यागेर चर्किएकै घरमा बस्न थालेका छौँ।”
फागुन ३० गते कैलाली र कञ्चनपुरमा सार्वजनिक बिदा
राना थारु समुदायको खख्डेहरा पर्वको अवसर पारेर सुदूरपश्चिम प्रदेश सरकारले फागुन ३० गते सार्वजनिक बिदा दिने निर्णय गरेको छ।
पत्रकारमाथि भएको आक्रमणको निन्दा
कैलालीको धनगढीमा कार्यरत पत्रकार शेरबहादुर ऐरमाथि भएको आक्रमणको नेपाल पत्रकार महासङ्घसहित पत्रकारका सङ्गठनले निन्दा गरेका छन्।
दादुराविरुद्धकाे खोप लगाउन सुरु
बाजुराको बूढीगङ्गा नगरपालिकाले दादुरा खोप सञ्चालन कार्यक्रम सुरु गरेको छ । बूढीगङ्गा नगरपालिकाका केही वडाका बालबालिकामा दादुरा पुष्टि भएसँगै खोप सञ्चालन कार्यक्रम सुरु गरिएको हो ।
सुदूरपश्चिमका ३२ क्याम्पसमा स्ववियु चुनाव हुँदै
त्रिभुवन विश्वविद्यालय (त्रिवि) को आगामी चैत ५ गते हुने स्वतन्त्र विद्यार्थी युनियन (स्ववियु) निर्वाचनअन्तर्गत सुदूरपश्चिममा ३२ सामुदायिक क्याम्पसमा उम्मेदवारी दर्ता भएको छ ।
मन्त्रिपरिषद विस्तार उपराष्ट्रपतिको निर्वाचनपछि मात्रै हुने
सुदूरपश्चिम प्रदेश सरकार गठन भएको एक महिना पुगे पनि मन्त्रिपरिषद् विस्तार हुन सकेको छैन । मुख्यमन्त्री कमलबहादुर शाहले गत माघ २७ गते तीन सदस्यीय मन्त्रिपरिषद् गठन गर्नुभएको थियो । विश्वासको मतपछि मात्रै मन्त्रिपरिषद् सदस्य थप्ने योजना बनाउनुभएका मुख्यमन्त्रीले विश्वासको मत पाए पनि त्यसलगत्तै राष्ट्रपति, उपराष्ट्रपतिको निर्वाचन आएपछि मन्त्रिमण्डल विस्तार गर्न नसक्नुभएको हो ।
नेपाली रुपियाँसँग कमजोर बन्दै भारु
दार्चुलाको लेकम गाउँपालिका–५ का पुरुषोत्तम जोशीले पेट्रोल खरिद गरेबापत भारतीय रुपियाँ दिँदा गोकुलेश्वर पेट्रोलपम्पले लिन मानेन। पम्पले भारु लिन नमानेपछि जोशीले मोबाइल बैङ्किङमार्फत भुक्तानी गर्नुभयो। शैल्यशिखर नगरपालिका–७ का प्रेम धामी गोकुलेश्वरस्थित हार्डवेयर पसलमा छड (सरिया), सिमेन्ट किन्न जाँदा बिक्रेताले सुरुमै सोध्नुभयो, “तपाईंसँग भारु छ कि नेरु?” धामीले भारु भएको बताउनेबित्तिकै बिक्रेताले भारु नचल्ने तर चलाउनैपर्ने भए पूरा रकम नपाइने जानकारी दिएपछि सामान नकिनी धामी घर फर्किनुभयो।
