पानीको शुद्धीकरणपछि धारामा पठाइने
मर्दीखोला मुहानको पानी पोखरेली जनताले वर्षौंदेखि पिउँदै आएका छन् तर पनि पर्याप्त छैन। नेपाल खानेपानी संस्थान पोखराका अनुसार दैनिक सात करोड लिटर पानीको माग छ। आपूर्ति भने पाँच करोड लिटर मात्र हुँदै आएको छ। खानेपानी संस्थानका सूचना अधिकारी दिनेश्वरप्रसाद यादवले आपूर्ति असहज भएको ठाउँमा बोरिङको पानी वितरण गरिएको बताउनुभयो। उहाँका अनुसार पोखरामा खानेपानी संस्थानका ४७ हजार ग्राहक छन्। जनसङ्ख्या वृद्धिदर अधिक मात्रामा हुँदा आवश्यक खानेपानीको दीर्घकालीन वैकल्पिक स्रोतको उपभोग गर्न जरुरी रहेको उहाँले सुनाउनुभयो।
करोडौँ खर्च, सडक जस्ताको त्यस्तै
विगत छ वर्षबाट स्तरोन्नति थालिएको सडक अलपत्र परेपछि स्थानीयवासी आन्दोलनमा उत्रिएका छन्। अर्जुनचौपारी–छाप–सल्यान–आग्रीखर्क–पर्वत सडकको ठेकेदार कम्पनी काम सम्पन्न नगरी हिँडेपछि स्थानीय राजकुमार घलेको संयोजकत्वमा सङ्घर्ष समिति गठन भएको छ। २०७३ पुस ११ गते सूर्य सिरुवा वन्दना जेभीले सडक डिभिजन कार्यालय बागलुङसँग १० किलोमिटर सडक स्तरोन्नति गर्ने गरी १० करोड ७१ लाख ६० हजार ७८९ रुपियाँमा ठेक्का सम्झौता गरेको थियो।
हराउँदै सार्वजनिक धारा र कुवा
हिजोआज सार्वजनिक धारा र कुवा हराउँदै जान थालेका छन् । नयाँ नबनाउने र पुरानाको संरक्षण नहुँदा तनहुँमा सार्वजनिक ठाउँमा कुवा र धाराहरू विरलै देख्न पाइन्छ ।
विद्यार्थी नेता तथा कार्यकर्ता पक्राउ
धर्मेन्द्र बास्तोलाले नेतृत्व गरेको नेकपा (बहुमत) निकट अखिल (क्रान्तिकारी) विद्यार्थी सङ्गठनका केन्द्रीय महासचिवसहितका नेता तथा कार्यकर्ता पक्राउ परेका छन् ।
बागलुङमा तीव्र गतिमा फैलियो डेंगु
बागलुङमा डेंगुको सङ्क्रमण तीव्र गतिमा फैलिएको छ । पछिल्लो एक महिनाको अवधिमा २६ जनामा डेंगु सङ्क्रमण पुष्टी भएको हो ।
पुल नहुँदा सधैँ जोखिम
रुपन्देही सैनामैनाको इगुरियाखोलामा पुल नबन्दा खोला तर्नेक्रममा बगेर १५ वर्षमा १० जनाको ज्यान गएको छ। यो खोलाले चार वर्षअगाडि स्थानीय हरिहर मल्लाह र उहाँकी सात वर्षीय छोरीलाई बगाएको थियो। स्थानीयका अनुसार प्रत्येक चुनावमा इगुरियाखोलामा पुल हालिदिने, बाटो कालोपत्रे गर्ने आश्वासन देखाएर भोट माग्ने नेताहरूले चुनावपछि बिर्सिने गरेको आरोप लगाएका छन्।
नेता ठेकेदारले नै पारे निर्माण योजना अलपत्र
नेपाली समाजमा ‘सानालाई ऐन, ठूलालाई चैन’ भन्ने लोकोक्ति प्रचलित छ। सदरमुकाम बेनीमा निर्माणाधीन बेनी अस्पतालको भवन कार्य यो लोकोक्तिसँग ठ्याक्कै मेल खान्छ। देशभरिका निर्माण व्यवसायीका छाता सङ्गठन निर्माण व्यवसायी महासङ्घका पदाधिकारी एवं ठूला नेताहरूले जिम्मा लिएको बेनी अस्पताल निर्माणाधीन भवन दुई वर्षदेखि अलपत्र छ। निर्माणाधीन भवनको फलामे रडमा खिया लागेको छ। निर्माण सम्पन्न नहुँदै भवन जीर्ण र पुरानोजस्तो देखिन थालेको छ। छ वर्षअघि निर्माण सुरु गरिएको अस्पताल भवन दुई वर्षयता अलपत्रजस्तै छ। भवन निर्माणलाई गति दिन सरकारी निकायबाट सात पटकसम्म पत्र काटिएको बताइएको छ। तर उक्त पत्रले निर्माण व्यवसायीको रौँ हल्लाएको छैन। भवन अलपत्र पार्ने ठेकेदारको फोटो टाँसेर स्थानीय युवाले गत हप्ता विरोध पनि गरे।
राष्ट्रिय राजमार्गसँग जोड्ने सडक बन्द
हिमालपारिको जिल्ला मुस्ताङलाई म्याग्दी हुँदै राष्ट्रिय राजमार्गसँग जोड्ने बेनी–जोमसोम–कोरला सडकखण्ड अवरुद्ध भएको छ। लगातारको वर्षाले सडकको विभिन्न स्थानमा पहिरो तथा बाढी जाँदा अवरुद्ध भएको हो। मुस्ताङलाई राष्ट्रिय राजमार्गसँग जोड्ने मार्ग बेनी–जोमसोम सडक एकमात्रै सडक खण्ड हो। सो सडकको सात ठाउँमा खोला र पहिरोले अवरुद्ध गराएको जिल्ला प्रहरी कार्यालय म्याग्दीका प्रहरी नायब उपरीक्षक (डीएसपी) तिलक भारतीले बताउनुभयो।
तनहुँको विपन्न समुदायलाई २८६ वटा सुरक्षित घर
तनहुँको भानु नगरपालिका–४ निवासी गोरे सार्की दुई कोठे पक्की घर पाएपछि खुसी हुनुहुन्छ । पक्की घर बनेपछि बस्ती वरपर घरिघरी चितुवा आइरहने छाप्रोमा बस्नु पर्दा राति जङ्गली जनावरले आक्रमण गर्छ कि भन्ने डर हटेको उहाँ बताउनुहुन्छ ।
पर्यटनले मुहार फेरेको भकुण्डे गाउँ
विश्व भेगन अर्गनाइजेशनका अध्यक्ष ज्याक दुई पटकसम्म विदेशी पहुना लिएर भकुण्डे गाउँ पुगिसक्नुभयो । उहाँले भेगन समूहमा आबद्ध बाह्य पर्यटकलाई बागलुङ जिल्लाको भकुण्डे गाउँ ल्याउने संस्थागत सुनिश्चित गरिसक्नुभएको छ ।
मुग्लिङ–पोखरा सडक विस्तार : तनहुँ खण्डमा भौतिक प्रगति न्यून
मुग्लिन–पोखरा सडक विस्तार योजनाअन्तर्गत तनहुँ खण्डमा काम सुस्त भएको छ । पृथ्वीराजमार्गलाई चार लेनमा विस्तारका लागि गत वर्षको वैशाखदेखि काम सुरु गरिए पनि तनहुँ खण्डमा भौतिक प्रगति न्यून देखिएको छ ।
बेनी–जोमसोम सडक अवरुद्ध
बेनी–जोमसोम सडकको म्याग्दी खण्ड अवरुद्ध बनेको छ । बेनीदेखि मुस्ताङको घाँसासम्मका विभिन्न चार ठाउँमा आज राति गएको पहिरो खसेर सडक अवरुद्ध भएको हो । बेनी नगरपालिकाको जलेश्वर, रघुगङ्गा गाउँपालिकाको बैसरी, अन्नपूर्ण गाउँपालिकाको नौनीबगर र मुस्ताङको सिमाना काभ्रेभिरमा पहिरो खसेर मुस्ताङसँग सीधा यातायात सम्पर्क विच्छेद भएको जिल्ला ट्राफिक प्रहरी कार्यालयले जनाएको छ । जिल्ला ट्राफिक प्रहरी कार्यालय म्याग्दीका प्रमुख इन्द्रबहादुर नेपालीले सडक अवरुद्ध हुँदा म्याग्दी र मुस्ताङको सीधा यातायात सम्पर्कविच्छेद भएको बताउनुभयो । स्तरोन्नतिको क्रममा रहेको बेनी–जोमसोम सडक ७६ किलोमिटर दूरीको छ ।
पोखरामा शाकाहारी महोत्सव हुँदै
पोखरामा आगामी असोज २ देखि ४ गतेसम्म ‘हिमालयन भिगन महोत्सव–२०७९’ हुने भएको छ। यसलाई ‘प्रथम बृहत् तथा विशुद्ध शाकाहारी अन्तर्राष्ट्रिय महोत्सव’ नाम दिइएको छ। वल्र्ड भिगन अर्गनाइजेसन नेपालको आयोजना तथा नेपाल भेजिटेरियन सोसाइटी पोखराको सहआयोजनामा महोत्सव हुने भएको छ।
कतै किट अभाव, कतै उपचारमा समस्या
देशका विभिन्न स्थानमा केही दिनयता डेङ्गु सङ्क्रमण फैलिएको छ। यसले सर्वसाधारणलाई नराम्रोसँग थला पारेको छ। गण्डकी प्रदेशका विभिन्न जिल्लामा पनि डेङ्गुको सङ्क्रमण बढ्दो गतिमा छ। पोखरा समाचारदाताका अनुसार टाउको दुख्ने, एक्कासि ज्वरो आउने, आँखाको पछाडिको भाग दुख्ने, मांसपेशी, हाडजोर्नी दुख्ने लक्षण लिई अस्पताल पुग्ने बिरामी बढ्दो छन्। यस्तो लक्षण देखिनासाथ तुरुन्तै स्वास्थ्य संस्थामा पुग्नुपर्ने स्वास्थ्यकर्मी बताउँछन्। स्वास्थ्य तथा जनसङ्ख्या मन्त्रालय गण्डकी प्रदेश कार्यालयले जनवरीदेखि नै डेङ्गु सङ्क्रमण देखिएको बताएको छ।
-original-thumb.jpg)
हराउन लाग्यो सम्बन्ध जोड्ने ‘मित’ प्रचलन
म्याग्दीको राजनीतिक माहौलमा भीमप्रसाद गौचन र पदमबहादुर आचार्यबीच दुस्मनी थियो । पदमबहादुर पण्डित कृष्णप्रसाद आचार्यका दाजु हुनुहुन्थ्यो । कृष्णप्रसाद र पदमबहादुरका दुई आमा हुनुहुन्थ्यो । कृष्णप्रसादलाई प्रधानपञ्चको चुनावी मैदानमा पदमबहादुरकै बिरुद्ध उठाएर भीमप्रसादले हराइदिनुभयो । कृष्णप्रसादले भीमप्रसाद गौचनका भाइ जगतप्रसाद गौचनसँग पदमबहादुरको मित लाइदिएपछि उहाँहरुबीच मित्रता गाधा भयो ।
अपाङ्गता भएका महिलालाई तालिम
नवलपुरका अपाङ्गता भएका महिला तथा आश्रित परिवारलाई आत्मनिर्भर बनाउन आवाससहित सिलाइ कटिङ तालिम सञ्चालन गरिएको छ। अपाङ्गता भएका व्यक्ति तथा परिवारलाई सिलाइकटाइको ६५ दिने आवाससहितको तालिम सञ्चालन गरिएको हो। कोपिला नेपाल, पोखराकी कार्यकारी निर्देशक बीनाकुमारी सिलवालले शैक्षिक योग्यताले मात्र स्वरोगार हुन नसकिने हुँदा जीवनभरलाई उपयोगी हुने गरी सीप सिकेर स्वरोगार बनाउन सो तालिम सञ्चालन गरिएको बताउनुभयो।
लोप हुँदै थकाई मेटाउने चौतारी
थाकेको बेला, गर्मीले उकुसमुकुस हुँदा एकै छिन मात्रै टुसुक्क चौतारीमा बस्ने हो भने थकान मेटाउन सकिन्छ । तनहुँमा थकाई भुलाउनको लागि पूर्खाले बनाएको चौतारी मासिँदै जान थालकोे छ ।
भीड थाम्न प्रशासनको टोकन
पूर्वीनवलपरासीमा राहदानी बनाउन आउनेको भीड बढेसँगै जिल्ला प्रशासन कार्यालयले टोकन प्रणाली सुरु गरेको छ। वैदेशिक रोजगार र उच्चशिक्षाका लागि विदेश जानेबाट राहदानीका लागि धेरै आवेदन आउने गरेका छन्। कोभिडका कारण रोकिएको विदेश भ्रमण यति बेला सहज रूपमा सञ्चालन भएकाले राहदानी बनाउन आउनेको सङ्ख्या बढेको प्रमुख जिल्ला अधिकारी सुमन घिमिरेले बताउनुभयो।
व्यवसायीलाई आकर्षित गर्दै ड्रागन फल
तानसेन नगरपालिका–७ बारुदखान बस्ने सन्दीप अधिकारीको बारीमा ड्रागन फलका करिब दुई सय बोट छन् । ती बोटमध्ये केही उत्पादन दिँदैछन् त केही फुल्दैछन् । गत वर्ष लगाएको बिरुवा ले एक वर्षमा नै राम्रो उत्पादन दिएको छ ।
सल्यानका सडकहरू तत्काल मर्मत गर्न निर्देशन
जिल्लाको मुख्य सडकको रूपमा रहेको राप्ती राजमार्ग र सहायक सडकको निर्माण, मर्मत तथा अवरुद्ध सडक मर्मत हुन नसक्दा उपभोक्ताहरू मारमा परेका छन् । वर्षा कम भएसँगै तत्काल सडक सुचारु गर्न जिल्ला प्रशासन कार्यालयले सम्बन्धित निकायलाई निर्देशन दिएको छ ।
एक हजार ५८५ थान लागु औषधसहित गुरुङ पक्राउ
लमजुङ, भदौ २८ गते । लमजुङ प्रहरीले लमजुङ प्रवेश नाका सुन्दर बजार नगरपालिका वडा नं. ७ पाउँदीबाट एक जना युवकलाई लागु औषधसहित पक्राउ गरेको छ ।लमजुङकै मर्स्याङ्दी गाउँपालिका वडा नं. ७, नयाँ गाउँ घर भई हाल बेंसीसहर नगरपालिका वडा नं. ७ बस्ने २२ वर्षीय नितेश गुरुङ भन्ने ओमप्रकाश गुरुङलाई लागु औषधसहित पक्राउ गरिएको जिल्ला प्रहरी कार्यालय लमजुङका प्रहरी नायव उपरीक्षक प्रकाश श्रीमलले बताउनुभयो । उहाँका अनुसार पक्राउ परेका युवकको साथबाट एक हजार ५ सय थान ट्रामाडोल ट्याब्लेट र ८५ थान नाइट्राभ्याट ट्याब्लेट बरामद गरिएको छ । प्रहरीले पक्राउ परेका व्यक्ति र बरामद गरिएका लागु औषध सोमबार प्रहरी कार्यालयमा एक कार्यक्रमबिच सार्वजनिक गरेको छ । प्रहरीले ती युवकको साथबाट एउटा मोबाइल समेत बरामद गरेको छ ।काठमाडौँबाट बेंसीसहरतर्फ आउँदै गरेको यात्रुवाहक हाइस माइक्रोमा आइतबार राति १० बजेको समयमा ती युवकसहित लागु औषध पक्राउ गरिएको इलाका प्रहरी कार्यालय भोटे ओडारका प्रमुख प्रहरी निरीक्षक राजनप्रसाद तिमिल्सनाले बताउनुभयो । चाडबाडको समयमा सुरक्षा व्यवस्थापन मजबुत बनाउँदै लाने क्रममा साँझपख भित्रने सवारी साधनलाई बढी मात्रामा चेकजाँच गर्ने गरिएको र सोही क्रममा ती युवक लागु औषधसहित फेला परेको प्रहरी निरीक्षक तिमिल्सनाले बताउनुभयो ।जिल्ला प्रहरी कार्यालयका सूचना अधिकारी प्रहरी निरीक्षक जगदीश रेग्मीले लागु औषधसहित पक्राउ परेका गुरुङलाई लमजुङ जिल्ला अदालतबाट दिन ७ को म्याद अनुमति लिई लागु औषध नियन्त्रण ऐन २०३३ बमोजिम थप अनुसन्धान थालिएको बताउनुभयो । लागुऔषध नियन्त्रण ऐन २०३३ को परिच्छेद ३ को दफा १४ को उपदफा १ (झ) बमोजिम लागू पदार्थ कारोबारीलाई २ वर्षदेखि १० वर्षसम्म र १ लाख रुपियाँदेखि २० लाख रुपैयाँसम्म कारबाही हुने प्रहरीले जनाएको छ । पक्राउ परेका युवक कारोबारी र प्रयोगकर्ता दुवै रहेको खुलेको प्रहरीले बताएको छ ।
ढिलाइ गरेकोप्रति स्थानीयवासीको विरोध
नारायणगढ–बुटवल सडकखण्ड विस्तारको काम ढिलाइ भएको भन्दै स्थानीयले राजमार्ग अवरुद्ध गरेर विरोध प्रदर्शन गरेका छन् । गैँडाकोट– ११ र १२ को सिमाना हर्कपुरमा एक घण्टा राजमार्ग अवरुद्ध गरेर विरोध प्रदर्शन गरेका छन् । नारायणगढ–बुटवल सडकखण्ड निर्माणाधीन अवस्थामा छ । सडक निर्माणको ठेक्का पाएको कम्पनीले समयमा काम नसक्दा यात्रुले सास्ती बेहोर्नुपरेको छ । विरोधस्वरूप एक घण्टा सवारी आवागमन ठप्प पारेका स्थानीयले ‘नेताहरू हेलिकोप्टरमा सरर, जनतालाई धुलो फरर’ लेखिएको प्लेकार्ड प्रदर्शन गरेका थिए । ठेकेदार कम्पनीले समयमा काम नसक्दा धुलो र हिलोले आजित भएको भन्दै साङ्केतिक रूपमा एक घण्टा चक्काजाम गरेको स्थानीयले बताएका छन् । सडकको निर्माण कम्पनीसहित अन्य सरोकारवाला निकायसँग छलफलका लागि मुकुन्दपुरका स्थानीयले १३ सदस्यीय वार्ता टोलीसमेत गठन गरेका छन् ।
कालीगण्डकीमा पाइन छाडे शालिग्राम
‘कालीगण्डकी’मा शालिग्रामको उत्पत्तिको सन्दर्भलाई लिएर कालीगण्डकीसँग प्रश्न गरिएको प्रस्तुत सन्दर्भले शालिग्रामको पवित्रता र महिमागानलाई झनै बढाएको छ । हिन्दु धर्मशास्त्रहरूमा शालिग्रामलाई भगवान् विष्णुको शिला स्वरूपका रूपमा वर्णन गरिएकाले यसको धार्मिक महत्वका साथै अनौठो बनोटका कारण पनि शालिग्राम सबैको चासोको विषय बन्दै आएको छ ।
नवौँ राष्ट्रिय खेलकुद : खेलस्थल अझै टुङ्गो लागेन
राखेपले यही भदौ १५ गतेभित्रमा प्रतियोगिताअन्तर्गतका सबै खेलका खेलस्थल टुङ्गो लगाउने जनाएको थियो । प्रतियोगिताको मिति नजिकिँदै जाँदा समेत प्रतियोगितास्थल तय नहुँदा खेलाडी, प्रशिक्षक तथा खेल सङ्घमा अन्योलता छ ।
अजिङ्गरको उद्धार
डिभिजन वन कार्यालय तनहुँले आइतबार एक अजिङ्गरलाई उद्धार गरेको छ । पृथ्वी राजमार्ग विस्तार गर्नेक्रममा फेला परेको अजिङ्गरलाई उद्धार गरिएको हो । पृथ्वी राजमार्ग अन्तर्गत व्यास नगरपालिका –१२ घाँसीकुवा नजिक जलविरेमा फेला परेको अजिङ्गरलाई उद्धार गरिएको डिभिजन वन कार्यालयले जनाएको छ । कामदारले सो अजिङगर फेला परेपछि डिभिजन वन कार्यालयमा खवर गरेका थिए ।
