पाँच वर्षमा पनि बनेन कट्नु खोलाको पुल
मोरङकोे रतुवामाई नगरपालिका ५ र ६ को बिचमा पर्ने कट्नु खोलामा निर्माणाधीन पुलको निर्माण कार्य सम्पन्न नहुँदा स्थानीयले विगत ६ वर्ष देखि सास्ती व्यहोर्दै आएका छन् ।
बौदीकालीलाई अन्तरपालिका स्तरीय भलिबल उपाधि
जिल्लाको निस्दी गाउँपालिकामा भएको अन्तरपालिका स्तरीय खुल्ला पुरुष भलिबल प्रतियोगिताको उपाधि नवलपुरको बौदीकाली गाउँपालिकाले जित्न सफल भएको छ ।
सुर्तीजन्य पदार्थको नियन्त्रण र नियमनलाई अभियानका रुपमा बढाईंदै
नेपालगन्ज उपमहानगरपालिकाले धुम्रपान तथा सुर्तीजन्य पदार्थको नियन्त्रण र नियमनलाई अभियानका रुपमा अगाडि बढाएको छ ।
खुला दिसा गर्ने १६ जना प्रहरी नियन्त्रणमा
कपिलवस्तुको विजयनगर गाउँपालिकामा खुला दिसा गर्ने १६ जनालाई प्रहरीले नियन्त्रणमा लिएको छ ।
जयेन्दु बाल सुधारगृहका बालबन्दीमा छालारोगको समस्या, औषधि नपाएको गुनासो
बाँकेको डुडुवा गाउँपालिका वडा नं. ६ हिरमिनियास्थित जयेन्दु बाल सुधारगृहका बालबन्दीहरुमा छालासम्बन्धी रोगको समस्या देखिएको छ । उनीहरूले उपचारका लागि औषधि नपाएको गुनासो गरेका छन् ।
श्रमको मूल्य नपाउँदा युवा बिदेसिए
लुम्बिनी प्रदेशका मुख्यमन्त्री जोगबहादुर महराले नेपालमा श्रमको मूल्य सस्तो भएकाले युवा बिदेसिन बाध्य भएको बताउनुभएको छ । श्रमको मूल्य उच्च बनाउन सके युवालाई स्वदेशमै काममा लगाउन सकिने दाबी पनि उहाँले गर्नुभयो । मालारानी गाउँपालिकाको बाँगीस्थित शान्ति माध्यमिक विद्यालयको हीरक महोत्सव उद्घाटन गर्दै मुख्यमन्त्री महराले भन्नुभयो, “श्रमको मूल्य उच्च बनाउने अठोटका साथ अगाडि बढौँ सबै युवा विदेशबाट फर्किने छन् । विदेशी पनि रोजगारीका लागि नेपाल आउने छन् ।” मुख्यमन्त्री महराले उत्पादन प्रणाली र जीवनशैली फेरिएकाले बसाइँसराइ वृद्धि भइरहेकोमा चिन्ता व्यक्त गर्नुभयो । उहाँले भन्नुभयो, “नेपालमा श्रमको मूल्य पनि छैन सम्मान पनि हुँदैन । आफ्नो श्रम महँगोमा बेच्न युवा विदेश जान बाध्य भएका हुन् ।”
कृषि आधुनिकीकरण परियोजनाले उत्पादन बढ्यो
बाँके जिल्लामा प्रधानमन्त्री कृषि आधुनिकीकरण परियोजनाले गर्दा किसानको उत्पादन बढ्दै गएको पाइएको छ ।परियोजना प्रभावकारी बन्दै गएपछि किसानको उत्पादन र आम्दानी दुवै बढ्दै गएको हो । परियोजना सञ्चालनमा आएपछि जिल्लाको खजुरा गाउँपालिकालगायतका पालिकामा कृषि बाली उत्पादन बढ्नुका साथै कृषकको जीवनस्तरमा सुधार आएको गाउँपालिकाले जनाएको छ । खजुरा गाउँपालिकाका अध्यक्ष डम्बरबहादुर विकका अनुसार उक्त कार्यक्रमबाट तरकारी खेती गरेका किसान क्रमशः आत्मनिर्भर बन्न थालेका छन् । सो परियोजनामार्फत किसानहरू कृषि समूह बनाएर तरकारी पकेट क्षेत्रमा आबद्ध भएका छन् । उनीहरूले उत्पादन गरेको तरकारी तथा फलफूलको माग बाँके जिल्लामै उच्च रहेको पाइएको छ ।
आगो निभाउने क्रममा एकको मृत्यु
गुल्मीमा जङ्गलमा लागेको आगो निभाउने क्रममा एक जनाको मृत्यु भएको छ । यस जिल्लाको मुसिकोट नगरपालिका– १ पौदीको जङ्गलमा लागेको आगो निभाउने क्रममा सोही ठाउँका ५८ वर्षीय महले घर्तीको ज्यान गएको जिल्ला प्रहरी कार्यालय गुल्मीले जनाएको छ ।
कानुन कार्यान्वयन प्रभावकारी नहुँदा जनतामा निराशा : सञ्चारमन्त्री शर्मा
सूचना तथा सञ्चार प्रविधि मन्त्री रेखा शर्माले प्रभावकारी रूपमा कानुन कार्यान्वयन हुन नसक्दा राजनीतिक व्यवस्था परिवर्तन भएपनि जनताको अवस्थामा परिवर्तन हुन नसकेको बताउनुभएको छ ।
आन्तरिक पर्यटकको रोजाइमा रेसुङ्गा पार्क
गुल्मीको धार्मिक, ऐतिहासिक एवम् पर्यटकीय स्थल रेसुङ्गा क्षेत्रको गर्जुरामा निर्माण भएको रेसुङ्गा पार्क अहिले आन्तरिक पर्यटकहरूको रोजाइमा पर्ने गरेको छ । रेसुङ्गा गर्जुरामा अवस्थित पार्क अवलोकनका लागि पुग्नेहरूको सङ्ख्यामा वृद्धि भएको हो ।
गर्मी छल्न कुपिन्डे ताल पुग्छन् आन्तरिक पर्यटक
सल्यान जिल्लाको बनगाँड कुपिन्डे नगरपालिका-८ मा अवस्थित कुपिन्डे तालमा गर्मी छल्न जाने आन्तरिक पर्यटकको सङ्ख्या बढ्दै छ । यस याममा गर्मी छल्न तथा मनमोहक सो तालको अवलोकन गर्न दाङ, सल्यानका पर्यटक बढ्न थालेका हुन् ।
पर्यटकको पर्खाइमा आकर्षक गन्तव्य मुठाचौर
वरपर घना जङ्गल । बिचमा समथर भूभाग । कतै आलु त कतै सिमी लगाइएका बारी । पाखैभरि भर्खरै अङ्कुराएका आलुबारी । आलुबारी छेउमै काठ, ढुङ्गा र माटोले बनेका चिटिक्कका मौलिक घर । यहाँ पुग्ने जोकोहीलाई यो दृश्यले आकर्षित गर्छ । यो मुठाचौरको विशेषता हो ।
नेपालगन्जबाट ९ करोड बढीको पाठ्यपुस्तक बिक्री
प्रादेशिक प्रेस नेपालगन्जका प्रमुख होमराज ढुङ्गेलले यस वर्षको शैक्षिक सत्रका लागि चैत मसान्तसम्म नेपालगन्ज कार्यालयबाट नौं करोड ६३ लाख ४८ हजार ७६४ रुपियाँ बराबरको पाठ्यपुस्तक बिक्री वितरण गरिसकेको जानकारी दिनुभयो ।
नेपालगन्जको एक पसलमा चोरी
नेपालगन्ज उपमहानगरपालिका वडा नं. ४ बसपार्क नजिक रहेको बाइपास रोडको एक पसलमा आइतबार राति चोरी भएको छ ।
नौ महिनामा दुई सय १६ जना पक्राउ
जिल्ला प्रहरी कार्यालय बाँकेले यो आर्थिक वर्षको चैत मसान्तसम्म नौ महिनाको अवधिमा विभिन्न मुद्दामा एक सय २१ वर्ष कैद सजाय सुनुवाइ भएका दुई सय १६ जना अभियुक्तलाई पक्राउ गरेको जनाएको छ ।
-original-thumb.jpg)
स्तरोन्नतिको काम अन्तिम चरणमा
सडक स्तरोन्नतिको काम अन्तिम चरणमा पुगेको छ । दाङको पहाडी क्षेत्र हाँसीपुर हुँदै प्रदेश राजधानी भालुवाङ जोड्ने बिपीमार्ग अन्तर्गत सिमलतारा–मुलाबारी–हाँसीपुर–बाङ्गेसाल सडकखण्ड विस्तारसँगै स्तरोन्नतिको काम अन्तिम चरणमा पुगेको छ । घोराही उपमहानगरपालिका–१, सिमलतारादेखि बङ्गलाचुली गाउँपालिकाको हाँसीपुरसम्मको करिब १७ किलोमिटर सडक स्तरोन्नतिको काम ९० प्रतिशत सकिएको प्रदेश सडक पूर्वाधार कार्यालय दाङका प्रमुख इन्जिनियर मनिष अर्यालले जानकारी दिनुभएको छ । उहाँका अनुसार बङ्गलाचुली गाउँपालिकाको पहाडी क्षेत्रसँगै प्रदेश राजधानी क्षेत्रलाई जोड्ने गरी विस्तार भइरहेको सडकको काम चालु आर्थिक वर्षभित्र सक्ने गरी कार्य भइरहेको छ ।
माटोको ढिस्कोले पुरिदा दुई बालकको मृत्यु
दाङमा माटोको ढिस्कोले पुरिएर दुई जना बालकको मृत्यु भएको छ । मृत्यु हुनेमा घोराही उपमहानगरपालिका –९ आन्द्रा भरैया निवासी १२ बर्षीया आशिष चौधरी र १२ वर्षकै माधव चौधरी रहेको जिल्ला प्रहरी कार्यालय दाङका प्रहरी नायव उपरीक्षक जनकबहादुर मल्लले जानकारी दिनुभयो ।
कांग्रेस महामन्त्री थापासँग बाँकेका उद्योगी व्यवसायीको आर्थिक संवाद
नेपाली कांग्रेसका महामन्त्री गगन थापाले आइतबार बाँकेका उद्योगी, व्यवसायीसँग अहिलेको देशको आर्थिक अवस्था र त्यसमा गर्नुपर्ने सुधार लगायतका बारेमा संवाद गर्नुभएको छ।
बृजा खाना महोत्सवमा थारु कलाकारकाे रौनकता
कपिलवस्तुको बुद्धभूमि नगरपालिका ९ बक्लीपुरमा सञ्चालनमा रहेको बृजा ताल खाना महोत्सव तथा हस्तकला सामग्री प्रदर्शनीमा थारु कलाकारको प्रस्तुतिले रौनकता बढाएको छ ।
पाल्पा पुगे गोरखा-जितगढी पदयात्राका सहभागी
दोस्रो ऐतिहासिक गोरखा–जितगढी पदयात्रामा सहभागी टोली आइतबार पाल्पा पुगेको छ । ऐतिहासिक गढी, किल्ला, दरबारको संरक्षण तथा प्रवर्द्धनका लागि नेपाली सेनाले गत चैत २७ देखि सुरु गरेको दोस्रो पदयात्रामा सहभागी सेनाको टोलीलाई रामपुर ३ केलादीमा भव्य स्वागत गरिएको छ ।
प्रदेशस्तरीय मेयरकप साइक्लिङको उपाधि बोहरा र बुढामगरलाई
प्रदेशस्तरीय मेयर कप कोहलपुर–देउराली अपहिल साइक्लिङ प्रतियोगीको उपाधि पुरुषतर्फ देवबहादुर बोहरा र महिलातर्फ हुमी बुढामगरले जितेका छन्।
सीमास्तम्भ जोगाउन चुनौती
बाँकेका विभिन्न नदीनाला क्षेत्रको दसगजामा रहेका सीमास्तम्भ जोगाउन नेपाल भारत दुबै देशलाई चुनौती बनेको छ ।
'नयाँ वर्ष कांग्रेसका लागि पार्टी सुदृढीकरण गर्ने सुवर्ण अवसर'
नेपाली कांग्रेसका महामन्त्री गगन कुमार थापाले नेपाली कांग्रेसले नयाँ वर्ष २०८१ लाई शुद्धीकरण र सुदृढीकरणको वर्षको रूपमा मनाउनु पर्ने बताउनुभएको छ ।
डा.महावीर पुनको ८० हजार थान पुस्तक बिक्री
राष्ट्रिय आविष्कार केन्द्रका अध्यक्ष डा.महावीर पुनले अहिलेसम्म ८० हजार पुस्तक बिक्री गर्नुभएको छ । वीरगन्जको कृषि औजार कारखाना पुनः सञ्चालनका लागि आफ्नै आत्मकथा रहेको पुस्तक बेच्नका लागि पुन देशदौडाहामा लाग्नु भएको हो ।
राष्ट्रपति पौडेल सोमबार तनहुँ आउनु हुने
राष्ट्रपति रामचन्द्र पौडेल सोमबार गृह जिल्ला तनहुँ आउनुहुने भएको छ । म्याग्दे गाउँपालिकाको प्रमुख प्रशासकीय भवन र व्यास नगरपालिका–११ तनहुँसुरस्थित खड्ग कालिका मन्दिरको उद्घाटनको लागि राष्ट्रपति पौडेल तनहुँ आउनु हुने भएको हो ।
