चिसोपानी पञ्चमी बजार
इलामको माङसेबुङ गाउँपालिका–६ (दाँया) र पाँचथरको मिक्लाजुङ गाउँपालिका–५ (बाँया)को सङ्गमस्थलमा अवस्थित चिसोपानी पञ्चमी बजार ।
-original-thumb.jpg)
मकवानपुरगढी दरबारबाट देखिएको गुम्बा
१७ औं शताब्दीमा निर्मित मकवानपुरगढी दरबारबाट देखिएको मकवानपुरगढी गाउँपालिका–२ मा अवस्थित साङगेछ्योली गुम्बा ।
कैलालीको घोडाघोडी ताल
कैलाली, जेठ ९ गते । विश्व सिमसार क्षेत्रमा सूचीकृत कैलालीमा अवस्थित घोडाघोडी ताल । यो तालको छेउमा घोडाघोडी मन्दिर रहेकाले सोही मन्दिरको आधारमा तालको नामकरण गरिएको हो । यो ताल महेन्द्र राजमार्गको उत्तरतर्फ हत्केलाको आकारमा १.५ हेक्टर क्षेत्रफलमा फैलिएको छ । तस्बिरः रासस
अन्तुका सुन्दर होमस्टे र होटल
इलाम जिल्ला सूर्योदय नगरपालिका–५ श्री अन्तुमा रहेको पर्यटकलाई लोभ्याउने प्राकृतिक सुन्दरता सहितको होमस्टे र होटलहरु ।
ऐतिहासिक मकवानपुर गढी
मकवानपुर गढी मकवानपुर जिल्लामा रहेको ऐतिहासिक तथा पर्यटकीय महत्त्वको स्थान हो । मकवानपुर गढी नेपालका लागि सधैँ रणनितीक महत्त्वको स्थान हो ।
-original-thumb.jpg)
मुन्दुम पदमार्गको चित्रकला
मुन्दुम पदमार्गका प्रवर्धन, विकास तथा प्रचारप्रसार गर्ने लक्ष्यले भोजपुरको चखेवामा आयोजना गरिएको क्यानभासमा टेम्केमैयुङ ‘राष्ट्रिय चित्रकला कार्याशाला’मा आफुले बनाएको चित्रसहित सामुहिक तस्बिर खिचाउँदै चित्रकारहरु ।
.1-original-thumb.jpg)
लिङ्गो जुधाइको रौनक (फोटो फिचर)
म्याग्दीको रघुगङ्गा गाउँपालिका–४ दग्नाम स्थित सयौं वर्ष पुरानो सांस्कृतिक चिनारी लिङ्गो जुधाई प्रतियोगितामा यस वर्ष गैरीगाउँलाई कान्छी गाउँले जित्न सफल भएको छ ।
स्विजरल्यान्ड भनेर चिनिने जिरी
‘नेपालको स्विजरल्यान्ड’ भनेर चिनिने दोलखाको पर्यकीयस्थल हो, जिरी । जिरी सगरमाथा आधार शिविर जाने पदमार्गका कारण पनि चर्चित छ ।
इयुका राजदूतहरू भक्तपुरका सम्पदा स्थल अवलोकन गर्दै
नेपाल भ्रमणमा रहेको युरोपेली सङ्घ (इयु) सम्बद्ध विभिन्न २३ देशका राजदूत तथा प्रतिनिधिहरू मङ्गलबार भक्तपुरका सम्पदास्थलको अवलोकन गर्नुहुँदै ।
खाँदबारीको सौन्दर्य
ड्रोनबाट खिचिएको सङ्खुवासभाको सदरमुकाम खाँदबारी बजार र आसपासका क्षेत्र ।
पर्यटकीय गाउँ घान्द्रुक
कास्कीको अन्नपूर्ण गाउँपालिकामा अस्वस्थित पर्यटकीय गाउँ घान्द्रुक र हिमाली दृश्य ।
नाढीमन तालको आकर्षण
सर्लाहीको चन्द्रनगर गाउँपालिका वडा नम्बर ६ र ७ अन्तर्गत पर्ने नाढीमन तालमा मोटरबोटमा सयर गरिँदै ।
-original-thumb.jpg)
साकेलाले गुञ्जायमान फिदिम (फोटो फिचर)
किराँत राई संस्कार र संस्कृतिमा आधारित साकेला नृत्यले शनिबार पाँचथरको सदरमुकाम फिदिम गुञ्जायमान बन्यो।
फेवातालमा मौसमको जानकारी लिएर मात्र डुंगा सयरको अनुमति
। जिल्ला विपद् व्यवस्थापन समितिको अनुसार मौसमको जानकारी लिएर मात्र बेलुकाको समयमा डुंगा सयरको लागि अनुमति दिइएको छ।
धार्चे गाउँपालिकाको भवन चार वर्षदेखि अलपत्र
गुणबहादुर रोका सुलीकोट, जेठ ३ गते । उत्तरी गोरखाको धार्चे गाउँपालिका – ५ मा माछीखोलामा रहेको प्रशासकीय भवन अलपत्र परेको छ । २०७८ साल वैशाख देखि निर्माण सुरु भएको भवन अलपत्र भएको छ । पाँच करोड ३५ लाख ३८ हजार ६१७ लागतमा निर्माणको जिम्मा लिएको श्री बिकोई हेमन्त जेभि काम अलपत्र छोडेर बेपत्ता भएका छन् । दुई वर्ष भयो ठेकेदार सम्पर्कमा छैन, फोन गर्दा पनि उठाउँदैन,’ गाउँपालिका अध्यक्ष लक्ष्मण गुरुङले भन्नुभयो । २०७९ माघ २९ मा सम्पन्न हुनुपर्ने भवन अहिलेसम्म ५० प्रतिशत काम मात्र सकिएको छ । मुख्य भवन ३ तलासम्म लगे पनि अन्य कुनै काम अघि नबढेको अवस्थामा छ । गाउँपालिकाले ठेकदार कम्पनीलाई पटक पटक ताकेता गर्दा समेत अगाडी नबढाइएको गाउँपालिकाका अध्यक्ष लक्ष्मण गुरुङले जानकारी दिनुभयो । पालिकाले भवन निर्माणको लागि दोस्रो पटक २०८१ फागुन २९ गते म्याद थपिए पनि कुनै प्रगति नभएको अध्यक्ष गुरुङको भनाई छ । गाउँपालिकामा बजेट अभाव नहुँदा काम गरेर रकम लैजाऊ भन्दा ठेकदार फरार अवस्थामा रहेको गाउँपालिकाले जनाएको छ । धार्चे गाउँपालिकाले दैनिक प्रशासनिक काम गर्नको लागि मासिक ६० हजार तिरेर व्यक्तिको घर भाडामा लिएर काम गर्दा असहज भएको छ, पालिकाको प्रमुख प्रशासकीय अधिकृत काजीमान सुनारले भन्नुभयो, ‘कार्यालयको साना साना कोठाबाट सेवाप्रवाह गर्नुपर्ने भएकाले सहज रूपमा सेवा दिन कठिनाइ भएको छ ।’
दाउन्नेको दलदल (फोटो फिचर)
सामान्य वर्षा हुँदा सवारी साधन चिप्लिएर जाम हुने, भारी वर्षा हुँदा पहिरो गएर यात्रा अवरुद्ध हुने र घाम लाग्दा अत्याधिक धुलोले यात्रा निक्कै कष्टकर बन्ने गरेको छ ।
तस्बिरमा सगरमाथा संवाद उद्घाटन समारोह
‘जलवायु परिवर्तन, हिमाल र मानवताको भविष्य’ अवधारणामा केन्द्रित अन्तर्राष्ट्रियस्तरको सम्मेलन ‘सगरमाथा संवाद’ सुरु भएको छ ।
लोमान्थाङ बस्तीबाट देखिएको पर्वतीय दृश्य
मुस्ताङ, जेठ २ गते । उपल्लो मुस्ताङ्को प्रसिद्ध पर्यटकीयस्थल लोमान्थाङ बस्तीबाट देखिएको पर्वतीय दृश्य । लोवा जातिको मुख्य बसोबास रहेको लोमान्थाङ विगतमा निकै शक्तिशाली राज्यको राजधानीका रूपमा स्थापित थियो । यहाँबाट देखिने दृश्यले यहाँ आउने सबैको मन लोभ्याउछ । तस्बिरः रासस
तस्बिर प्रदर्शनीमा गोरखाको उत्तरी भेग बारपाक
विसं. २०७२ को भूकम्पको क्षतिबाट पुनर्निर्माण गरिएको गोरखाको उत्तरी भेग बारपाकको फोटो प्रदर्शनी आयोजना गरिएको छ । नेपाल पर्यटन बोर्डको आयोजनामा उक्त प्रदर्शनी बिहीबारबाट सुरु भएको छ ।
पप्पु कन्स्ट्रक्सनले जब्दीपुल नबनाउँदा स्थानीयवासी हैरान खेप्दै
ज्योति पन्थीबबई (बर्दिया) जेठ १ गते । बारबर्दिया नगरपालिका वडा नं.९ जब्दी गाउँका ५८ बर्षीया भग्गु थारु आफनो घर अगाडीबाट यातायात चल्ने भए पछि निकै सुखी हुनु भएको थियो तर उहाँको खुसी धेरै दिन टिक्न पाएन उहाँको खुसी खुस मानै सीमित रह्यो ।सडक डिभिजन कार्यालय बाँके सँग सम्झौता गरेर पप्पु कन्स्ट्रक्सने निर्माण गरेको पुल हस्तान्तरण हुनु पुर्वनै बाढीले बगाए पछि बारबर्दिया र गुलरिया नगरपालिकाको यातायात सम्पर्क नै टुटेको ८ वर्ष पुगेको छ । यस बिचमा धेरै परिवर्तन भए पनि नदीले बगाएको जब्दीपुल भने जस्ता त्यस्तै छ ।गुलरिया र बारबर्दिया जोडने बबई नदीमा निर्माण भएको जब्दीपुल २०७४ साल असार ३० गते राति आएको बाढीले १४ वटा पिलर मध्य उत्तरतर्फका ४ वटा पिलर भासिए पछि पुलबाट यातायात साधन आवतजावतनै बन्द भयो । ०७९ साल साउन २९ गते राति आएको बाढीले पुल २ वटा स्लाप नै बगायो निकै आसा गरेका थियो अव सदरमुकाम सँग गाउँको दुरी निकै नजिक हुन्छ भनेर तर पुल बनेर हिडन नपाउँदै पुल बाढीले बगायो बारबर्दिया ९ जब्दी गाउँका स्थानीय भग्गु थारुले बताउनु भयो ।२०७९ को बाढीले पुलको स्लाप बगाए पछि अहिले सबै ठप्प छ पुल निर्माणका लागि धेरै पटक आन्दोलन भएको बारबर्दिया ९ का स्थानीय विश्वास सिंहले बताउनु भयो । पुल भासिएको ९ वर्ष पुरा भएको छ यस बिचमा पुल हेर्न धेरै उच्च तहका कर्मचारी देखि सासद मन्त्री सम्म आउनु भयो बन्दैन कसैले भन्नुहुन्न पर्यटकीय स्थल जस्तै भएको छ हाम्रो जब्दीलपुल सिंहले बताउनु भयो । उहाँले भन्नु भयो सरकार सँग हाम्रो यही माग छ चाडै पुल बनोस् ।बारबर्दिया नगरपालिका र सदरमुकाम गुलरियाको दुरी ८ किलोमिटर पनि छैन यातायात सञ्चालन भएको भए बारबर्दियामा उत्पादन गरेको कृषि उपजले राम्रै बजार पाउँने अपेक्षा समेत कृषकको थियो तर पुल निर्माण भएर सञ्चालनमा आउन नपाउँदै पुल भत्कियो अहिले सबै ठप्प छ बारबर्दिया जब्दी गाउँका स्थानीय राम पाण्डेले बताउनु भयो । पुल निर्माण भएको केही समय सम्म गुलरिया देखि बारबर्दिया सम्म यातायात सञ्चालन गरेका थियौ २०७४ मा बाढीले पुल भासियो त्यस पछि यातायात सञ्चालन बन्द भयो कृष्णसार यातायात व्यवसायी प्रा.ली.बर्दियाका अध्यक्ष रवि मल्लले बताउनु भयो ।नदीले बगाएको जब्दीपुल निर्माणका लागि बर्दिया क्षेत्र नं.१ का सङ्घीय संसद् २ वर्ष अघि ८ दिन पुलकै तल अनसन बस्दा समेत सरकारले सुनेन तत्कालीन भौतिक पूर्वाधार मन्त्री प्रकाश ज्वालाले अनसन स्थलमा पुगेर पुल निर्माण हुने कुरामा बिश्वस्थत बनाउँदै संसद्को अनसन तोडाउनु भयो तर अहिले सम्म पुल निर्माण हुन सकेन । पुल निर्माण गर्न अनसन देखि पटक पटक प्रतिनिधिसभामा कुरा उठाएको भए पनि अहिले सम्म सुनुवाइ नभएको बर्दिया क्षेत्र नं. १ का सङ्घीय संसद् सञ्जय कुमार गौतमले बताउनु भयो ।
उपल्लो मुस्ताङको मनोरम दृश्य
उपल्लो मुस्ताङ यात्रामा रमणीय दृष्य अवलोकनका लागि जाँदा बाटोमा देखिने प्राकृतिक सुन्दरताले आन्तरिक तथा बाह्य पर्यटकको मनै लोभ्याउने गरेको छ ।
-original-thumb.jpg)
घाटु नाच जोगाउँदै मगर समुदाय (फोटो फिचर)
७३ वर्षीय पार्वती ठाडाले गीत सुरु गर्नु भएसँगै साथमा रहनु भएका ज्येष्ठ महिला तथा अन्य महिलाले एउटै लयमा गइरहेका छन् । नौ जना कन्या किशोरी लहरै समान हाउभाउमा नाचिरहेका छन् ।
copy-original-thumb.jpg)
उपल्लो मुस्ताङ यात्राका रोमाञ्चक दृश्य
नेपालको मरुभूमि भनेर चिनिने उपल्लो मुस्ताङ (लोमान्थाङ) जाने पदमार्गका रोमाञ्चक दृश्य । लोमान्थाङ खुला र पठार क्षेत्र रहेको सिर्सिरे बतास, ऐतिहासिक गुफा, जैविक विविधतायुक्त हिमालको बीचमा रहेको उपत्यकाको रुपमा पनि परिचित छ ।
पर्यटकका रोजाइमा भोजपुरको डाग्बुङ पदमार्ग
भोजपुर, वैशाख ३० गते । रामप्रसादराई गाउँपालिकामा निर्माण भएको डाग्बुङ [गुराँस] पदमार्ग पर्यटकको रोजाइमा परेको छ । प्राकृतिक रूपमा मनोरम क्षेत्रलाई समेटेर डाग्बुङ पदमार्ग निर्माण गरिपछि यो क्षेत्र पर्यटकको रोजाइमा परेको हो ।लालीगुराँससँगैै फाटिला पहाडका चौरहरूले पर्यटकको मन लोभ्याउने गरेको छ । स्थानीय परिकारको स्वाद लिँदै, प्राकृतिक दृश्यको अवलोकन गर्न पर्यटक आउने गरेको स्थानीयवासी जगदीश राईले बताउनुभयो । पदमार्ग निर्माणले यहाँको व्यापार व्यवसायसँगै स्थानीय उत्पादनको बजारीकरणमा पनि टेवा पुगेको उहाँले बताउनुभयो । “डाग्बुङ पदमार्ग निर्माणले आन्तरिक तथा बाह्य पर्यटकको सङ्ख्या बढेको छ”, स्थानीय परिकारको स्वाद लिँदै प्राकृतिक मनोरञ्जन लिन मानिस यहाँ आउने गरेका छन्”, उहाँले भन्नुभयो ।किरात भाषामा डाग्बुङ अर्थात् गुराँस भनेर यो पदमार्गको नामकरण गरिएको हो । यहाँबाट सगरमाथा, मकालु कञ्चनजङ्गालगायत ठूला हिमश्रृङ्खलाको दृश्यावलोकन गर्न सकिने भुजेलको भनाइ छ । पदमार्ग निर्माणले यहाँ आन्तरिक तथा बाह्य पर्यटकको सङ्ख्या बढेकाले व्यापार व्यवसाय बढ्दै गएको उहाँको भनाइ छ । यहाँबाट अग्ला हिमशृङ्लासँगै तराईका सुन्दर भू–भागको अवलोकन सकिन्छ ।यो क्षेत्रमा रहेको राष्ट्रिय फूल लालीगुँरासको संरक्षणसँगै आन्तरिक तथा बाह्य पर्यटक भित्र्याउने लक्ष्यका साथ पदमार्ग निर्माण गरिएको रामप्रसादराई–१ का वडाध्यक्ष जोगेन्द्र राईले बताउनुभयो । यसलाई मुख्य पर्यटन क्षेत्रका रूपमा स्थापित गराउने लक्ष्यका साथ निर्माण भइरहेको उहाँको भनाइ छ ।आन्तरिक तथा बाह्य पर्यटकको आवागमन बढाएर आर्थिक स्रोतका रूपमा जोड्न यहाँ पदमार्ग निर्माण गरिएको वडाध्यक्ष राईको भनाइ छ । यो पदमार्ग निर्माणका लागि हालसम्म करिब रु ७० लाख बजेट खर्च गरिएको उहाँको भनाइ छ ।“गुँरासको संरक्षणसँगै यो क्षेत्रलाई पर्यटकीय गन्तव्यका रूपमा स्थापित गराउने उद्देश्यले पदमार्ग निर्माण गरिरहेका छौँ”, उहाँले भन्नुभयो, “यो प्राकृतिक रूपमा निकै सुन्दर क्षेत्र रहेकाले यसको विकासमा हामीले जोड दिएका छौँ । यसलाई गाउँपालिकाको मुख्य पर्यटकीय गन्तव्य बनाउने हाम्रो लक्ष्य छ ।”पदमार्ग निर्माणमा नेपाल जलवायु नमूना कार्यक्रमअन्तर्गत यहाँ पदमार्ग निर्माण गरिएको गाउँपालिकाले जनाएको छ । रामप्रसादराई गाउँपालिका–१ ओख्रेमा निर्माण भइरहेको यो स्थानलाई आधार बनाएर आन्तरिक पर्यटन सर्किट निर्माण गर्ने लक्ष्यका साथ काम भइरहेको गाउँपालिका अध्यक्ष थामबहादुर राईले बताउनुभयो । हाल ओख्रे बजारबाट करिब सात किलोमिटर पदमार्ग निर्माण भएको अध्यक्ष राईले बताउनुभयो । पदमार्गलाई वडा नं ४ मा रहेको धार्मिक तथा पर्यटकीय क्षेत्र चुलाचुलीसम्म जोड्ने योजना छ ।पर्यटकलाई लक्षित गरेर यहाँ करिब एक सय रोपनी क्षेत्रमा चियाखेती विस्तार थालिएको छ । यहाँ आउने पर्यटकलाई लक्षित गरेर घरबास [होमस्टे] निर्माण गरिने, यसलाई बृहत मुन्दुम पदमार्गसँग जोड्ने लक्ष्य रहेको अध्यक्ष राईले बताउनुभयो । “लालीगुँरासको संरक्षणसँगै यो क्षेत्रको बृहत्तर पर्यटन विकासमा जुटेका छौँ”, अध्यक्ष राईले भन्नुभयो, “हाम्रो पालिकामा धेरै ऐतिहासिक, धार्मिक तथा पर्यटकीय क्षेत्र छन् । यी क्षेत्रलाई पर्यटनसँग जोडेर आर्थिक स्रोतका रूपमा विकास गर्ने योजना छ । यो डाग्बुङ पदमार्गलाई अन्तरराष्ट्रिय क्षेत्रमा चिनाउने लक्ष्यका साथ काम गरिरहेका छौँ ।”
रुकुम पश्चिमको गोतामकोट गाउँ
रुकुम पश्चिमको आठबिसकोट नगरपालिका–४ स्थित गोतामकोट गाउँ ।
