• गोरखापत्र अनलाइन
• ८ असोज २०८१, मङ्गलबार

याक र हिउँचितुवा संरक्षणका लागि फुटबल

मनाङमा याक र हिउँचितुवाको संरक्षणका लागि हाइअल्टिच्युडमा दोस्रो मैत्रीपूर्ण फुटबल खेल भएको छ । यही असोज ३ देखि ७ गतेसम्म समुद्री सतहबाट दुई हजार ६ सय मिटर उचाइमा रहेको तिमाङमा पहिलो खेल भएको थियो भने तीन हजार पाँच सय मिटर उचाइमा रहेको मुङ्जीमा अवस्थित मैदानमा दोस्रो मैत्रीपूर्ण खेल प्रदर्शन भएको जैविक विविधता संरक्षण समाज नेपालका निर्देशक डा. पारसविक्रम सिंहले जानकारी दिनुभयो ।