इरानका सर्वोच्च नेता मारिएको सरकारी पुष्टि
इरानका सर्वोच्च नेता अयातोल्लाह अली खामेनेई मारिएको इरानका सरकारी मिडियाले पुष्टि गरेको छ । इरानको सर्वोच्च राष्ट्रिय सुरक्षा परिषद्ले सो कुराको पुष्टी गरेको बीबीसीमा उल्लेख छ ।
इरानी सर्वोच्च नेता खामेनेई मारिएको ट्रम्पको दाबी
इरानका सर्वोच्च नेता अयातोल्लाह अली खामेनेई मारिएको दाबी अमेरिकी राष्ट्रपति डोनाल्ड ट्रम्पले गर्नुभएको छ । अमेरिका र इजरायलले संयुक्त रूपमा गरेको हमलामा इरानका सर्वोच्च नेता खामेनेई मारिएको ट्रम्पले बताउनुभएको हो ।
युद्धमा होमियो मध्यपूर्व
अमेरिका र इजरायल मिलेर इरानमाथि सैन्य आक्रमण सुरु गरेका छन् । अमेरिका र इरानबिचको जेनेभा वार्ता असफल भएपछि शनिबार बिहानदेखि इरानको राजधानी तेहरानलगायत विभिन्न स्थानमा हवाई आक्रमण गरिएको हो । आफूमाथि भएको आक्रमणको प्रत्याक्रमण स्वरूप इरानले इजरायलसहित कतार, बहराइन, संयुक्त अरब इमिरेट्स र कुवेतमा रहेका अमेरिकी सैन्य अखडालाई लक्षित गरी क्षेप्यास्त्र प्रहार गरेको छ । ती क्षेप्यास्त्रलाई प्रतिरक्षा प्रणालीले आकाशमै नष्ट पारिदिएको सम्बद्ध अधिकारीहरूले बताएका छन् । इरानले प्रत्याक्रमण गरेपछि मध्यपूर्वका सबै हवाई उडान प्रभावित भएको एपीले जनाएको छ ।
इरानमाथिको आक्रमण ‘विनाशकारी’ हुन सक्छ : मस्को
रुसले शनिबार अमेरिका र इजरायलले इरानमाथि गरेको आक्रमणलाई ‘खतरनाक’ र ‘विनासकारी’ भन्दै यसको निन्दा गरेको छ ।
भारतद्वारा मध्यपूर्वका सबै उडान स्थगित
इजरायल र अमेरिकाले इरानमाथि आक्रमण गरेपछि भारतका दुई ठूला निजी विमान कम्पनी इन्डिगो र एयर इन्डियाले मध्यपूर्वका सबै गन्तव्यमा उडान स्थगित गरेका छन्।
इरानले इजरायलमा क्षेप्यास्त्र प्रहार गरेपछि क्षेत्रीय तनाव उच्च स्तरमा
इरानले शनिबार इजरायली क्षेत्रमा क्षेप्यास्त्र प्रहार गरेको छ । उक्त आक्रमणले मध्यपूर्वमा बढ्दो तनावलाई नयाँ उच्चस्तरमा पुर्याएको छ ।
किमद्वारा राइफल उपहार, छोरी फेरि केन्द्रमा
उत्तर कोरियाली नेता किम जोङ उनले सत्तारूढ वर्कर्स पार्टीको साताव्यापी महाधिवेशनपछि शीर्ष सरकारी तथा सैन्य अधिकारीलाई नयाँ स्नाइपर राइफल उपहार दिनु भएको छ ।
पाकिस्तानी लडाकू जेट जलालाबादमा दुर्घटनाग्रस्त, पायलट नियन्त्रणमा : अफगान स्रोत
एउटा पाकिस्तानी जेट जलालाबाद शहरमा दुर्घटनाग्रस्त भएको उल्लेख उर्दै पायलटलाई जीवितै नियन्त्रणमा लिएको अफगान सेना तथा प्रहरीलाई उदृत गर्दै शनिबार एएफपीले जनाएको छ ।
जलालाबादमा पाकिस्तानी जेट खसालियो, पाइलट पक्राउ
अफगानिस्तान र पाकिस्तानबिच चर्किदै गएको सैन्य तनावबिच शनिबार जलालाबाद सहरमा एक पाकिस्तानी लडाकू जेट खसालिएको र त्यसका पाइलटलाई जीवित अवस्थामा नियन्त्रणमा लिइएको अफगान सुरक्षा निकायले जनाएका छन् ।
इरानविरुद्ध अमेरिका र इजरायलको सैन्य आक्रमण
इरानविरुद्ध संयुक्त राज्य अमेरिका र इजरायलले शनिबार सैन्य आक्रमण सुरु गरेपछि अमेरिकी राष्ट्रपति डोनाल्ड ट्रम्पले इरानी जनतालाई ‘आफ्नो सरकार लिन’ अपिल गर्नु भएको छ ।
आइएमएफद्वारा किएभका लागि चार वर्षे वित्तपोषण कार्यक्रम स्वीकृत
अन्तर्राष्ट्रिय मुद्रा कोष (आइएमएफ)ले युक्रेनका लागि आठ अर्ब १० करोड अमेरिकी डलरको नयाँ चार वर्षे वित्तपोषण कार्यक्रम स्वीकृत गरेको इन्टरफ्याक्स-युक्रेन समाचार एजेन्सीले रिपोर्ट गरेको छ ।
इस्टर बमकाण्ड : पूर्व गुप्तचर प्रमुख ९० दिन हिरासतमा
सन् २०१९ को इस्टर बम विस्फोट प्रकरणमा महत्त्वपूर्ण मोड आएको छ । दुई सय ७९ जनाको ज्यान गएको र करिब ५०० जना घाइते भएको उक्त भीषण आक्रमणको अनुसन्धान अन्तर्गत श्रीलङ्काका पूर्व गुप्तचर प्रमुखलाई ९० दिनसम्म हिरासतमा राखेर सोधपुछ गर्न अनुमति दिइएको छ ।
अफगान आक्रमणमा अमेरिकाको समर्थन
अफगानिस्तानमा गरेको हवाई कारबाहीका विषयमा पाकिस्तानले अन्तर्राष्ट्रिय तहमा समर्थन पाएको छ । संयुक्त राज्य अमेरिकाले तालिबान आक्रमणविरुद्ध ‘आफ्नो रक्षा गर्ने पाकिस्तानको अधिकार’ लाई समर्थन जनाएको छ ।
तेहरानमा इजरायली आक्रमण, क्षेत्रीय तनाव चुलियो
अमेरिका-इरान आणविक वार्तामा तनाव बढिरहेका बेला इजरायलले शनिबार इरानको राजधानी तेहरानमा दिनदहाडै आक्रमण गरेको छ ।
ला पाजमा सैन्य विमान दुर्घटना : १५ जनाको मृत्यु
बोलिभियाको प्रशासनिक राजधानी ला पाज नजिकै नगद बोकेको सैन्य कार्गो विमान अवतरणका क्रममा दुर्घटनाग्रस्त हुँदा कम्तीमा १५ जनाको मृत्यु भएको छ भने दर्जनौँ घाइते भएका छन् ।
गाजामा भएको इजरायली आक्रमणमा कम्तीमा पाँच जनाको मृत्यु
गाजाको नागरिक रक्षा मन्त्रालयले शुक्रबार इजरायली आक्रमणमा कम्तिमा पाँच जनाको मृत्यु भएको बताएको छ ।
अमेरिकी सहानुभूति पहिलो पटक प्यालेस्टिनीमा झर्यो
विनाशकारी गाजा युद्धपछि सार्वजनिक भएको ग्यालप पोलले अमेरिकीले पहिलो पटक इजरायलभन्दा बढी प्यालेस्टिनीसँग सहानुभूति राखेको देखाएको छ ।
सिड्नीमा बाढीमा फसेका ४० जनाको उद्धार
सिड्नीमा भारी वर्षापछि आएको बाढीमा फसेका ४० भन्दा बढीको उद्धार गरेको बताउदै अधिकारीले अचानक बाढी आउदा बिजुलीसमेत कटौती भएको जनाएका छन् ।
केजरीवाल भ्रष्टाचार आरोपमुक्त
दिल्लीको अदालतले भारतीय विपक्षी नेता अरविन्द केजरीवाललाई लामो समयदेखि चलिरहेको भ्रष्टाचार मुद्दामा निर्दोष ठहर गर्दै सबै आरोपबाट मुक्त गरेको छ ।
हिंसालाई वैधानिकता दिने तालिबानको नयाँ आदेशको राष्ट्रसङ्घद्वारा निन्दा
मानव अधिकारका लागि संयुक्त राष्ट्रसंघीय उच्चायुक्त भोल्कर टर्कले अफगानिस्तानमा महिला र बालबालिका विरुद्धको हिंसालाई वैधानिकता दिने तालिबान सरकारको नयाँ आदेशको कडा निन्दा गर्नु भएको छ ।
सम्झौता बिना टुङ्गियो अमेरिका-इरान वार्ता
मध्यपूर्वमा युद्धको खतरा बढिरहेका बेला अमेरिका र इरानबिच तेहरानको आणविक कार्यक्रमबारे भएको पछिल्लो अप्रत्यक्ष वार्ता कुनै ठोस सम्झौता बिना समाप्त भएको छ । जेनेभामा बिहीबार घण्टौँ चलेको संवादपछि दुवै पक्ष बाहिरिए पनि तनाव घट्ने सङ्केत स्पष्ट देखिएको छैन ।
पुरुष-उत्तराधिकारमै अडिग ताकाइची
जापानमा शाही उत्तराधिकारको भविष्यबारे बहस तीव्र बन्दै गइरहेका बेला प्रधानमन्त्री साने ताकाइचीले पुरुष मात्रै सिंहासनमा बस्ने परम्परा परिवर्तन नगर्न स्पष्ट अडान लिनु भएको छ ।
गुगललाई नक्सा डाटा निर्यात अनुमति
वर्षौदेखि विदेशी पर्यटक र प्रयोग कर्ताले भोग्दै आएको असुविधापछि दक्षिण कोरियाले गुगललाई देशको अत्यन्तै सटीक नक्सा डाटा विदेशी सर्भरमा निर्यात गर्न सशर्त अनुमति दिएको छ ।
किमको दोहोरो सन्देशः धम्की र संवाद
उत्तर कोरियाली नेता किम जोङ उनले दक्षिण कोरियाको सुरक्षा खतरा भए आफ्नो देशले दक्षिणलाई ‘पूर्ण रूपमा नष्ट’ गर्न सक्ने चेतावनी दिनु भएको छ । तर त्यससँगै उहाँले संयुक्त राज्य अमेरिकासँग वार्ताका लागि ढोका खुला रहेको सङ्केत पनि दिनु भएको छ ।
जापानमा वृद्ध व्यक्ति भित्तेचित्र आरोपमा पक्राउ
जापानी प्रहरीले ओसाका सहरमा सरकारी भवनमा भित्तेचित्र कोरेको आरोपमा ९० वर्ष उमेर हाराहारीका एक वृद्ध व्यक्तिलाई बिहीबार पक्राउ गरेको छ ।
