टोखालाई जीवन्त सङ्ग्राहलय बनाइने

chandeswori

गोरखापत्र समाचारदाता-
काठमाडौंँ, साउन २१ गते । टोखालाई जीवन्त सङ्ग्राहलयमा परिणत गर्दै पर्यटनमैत्री नगर निर्माण गरिने भएको छ ।

टोखा संस्कृति सम्पदा संरक्षण दबू र नेवाः दबूले आइतबार यहाँस्थित पत्रकार सम्मेलन गर्दै टोखालाई नेपालकै नमूनायोग्य जीवन्त सङ्ग्राहलय बनाउने बताइएको हो ।

पश्चिमा संस्कृतिका कारण मौलिक चाडपर्व, रीरिरिवाज, जात्रा, रहनसहन, सम्पदा लोप हुँदै गएकाले त्यसको संरक्षण गर्न यस्तो अभियान सञ्चालन हुन लागेको हो ।

टोखाको जात्रा, चण्डेश्वरी मन्दिर, सपनतीर्थ, चाकु आदिले प्रसिद्ध कमाएको टोखा नगर दिनानुदिन ओझेलमा परेकाले सबै सम्पदाहरूको संरक्षण गर्न अभियानको थालनी गरेको टोखा संस्कृति सम्पदा संरक्षण दबूका सचिव गणेशमान श्रेष्ठले बताउनुभयो ।
कार्यक्रममा वितरित प्रेस विज्ञप्तिमा टोखा नगरका संस्कृति र सम्पदा सरंक्षण गर्न सांस्कृतिक संरक्षित क्षेत्र घोषणा गरिएको उल्लेख गरिएको छ ।

थप समाचार
प्रतिकृया
नाम

ईमेल

ठेगना