राष्ट्रिय सभामा अध्यक्ष तथा उपाध्यक्षको अनुपस्थितिमा बैठकको अध्यक्षता गर्ने सदस्यको नाम मनोनयन

काठमाडौं, फागुन ३० गते । राष्ट्रिय सभाका अध्यक्ष नारायणप्रसाद दाहालले सभाको अध्यक्ष तथा उपाध्यक्षको अनुपस्थितिमा बैठकको अध्यक्षता गर्ने सदस्यहरूको नाम मनोनयन गर्नुभएको छ ।

बुधबारको राष्ट्रिय सभा बैठकमा अध्यक्ष दाहालले राष्ट्रियसभा नियमावली २०७५ को नियम १० को उपनियम १ बमोजिम सभाका सदस्य गङ्गाकुमारी बेलवासे, जयन्तीदेवी राई, तुलसाकुमारी दाहाल, पूजा चौधरी र विष्णुदेवी पुडासैनीलाई मनोनीत गर्नुभएको हो । मनोनीत सदस्यहरूलाई सभाका सदस्यहरूले सहमति दिनुभएको थियो । 

अध्यक्ष दाहालले विषयगत समितिमा रहनुहुने सदस्यहरूको नाम हेरफेर तथा मनोनयन समेत गर्नुभएको छ । राष्ट्रियसभा नियमावली २०७५ को नियम १४९ को उपनियम १ बमोजिम राष्ट्रियसभाका विषयगत समितिहरूमा रहनुहुने सदस्यको नाम मनोनयन गर्नुभएको हो ।

विकास, आर्थिक मामिला तथा सुशासन समितिमा सांसद कमला पन्थ, कृष्णप्रसाद पौडेल, घनश्याम रिजाल, जीतजङ्ग बस्नेत, झक्कुप्रसाद सुवेदी, तुलप्रसाद विश्वकर्मा, नारायणदत्त भट्ट, पूजा चौधरी, बामदेव गौतम, भुवनबहादुर सुनार, मनरुपा शर्मा, विमला घिमिरे, विष्णुबहादुर विश्वकर्मा, शारदादेवी भट्ट र सावित्री मल्ल रहनुभएको छ ।

विधायन व्यवस्थापन समितिमा आनन्दप्रसाद ढुङ्गाना, कृष्णप्रसाद सिटौला, गङ्गाकुमारी बेलवासे, जयन्तीदेवी राई, तारामान स्वाँर, तुलसाकुमारी दाहाल, देवेन्द्र दाहाल, नारायणदत्त मिश्र, डा. वेदुराम भुसाल, भगवती न्यौपाने, मिर्गेन्द्रसिंह बस्नेत, राधेश्याम पासवान, विष्णुदेवी पुडासैनी र सुरेशकुमार आले मगर रहनुभएको छ ।

सार्वजनिक नीति तथा प्रत्यायोजन विधायन समितिमा गोपालकुमार बस्नेत, गोपाल भट्टराई, गोमादेवी तिमिल्सिना, बलदेव बोहोरा, नरबहादुर विष्ट, पदमबहादुर परियार, मदनकुमारी शाह गरिमा, मायाप्रसाद शर्मा, युवराज शर्मा, रेणु चन्द, रुक्मिणी कोइराला, श्रीकृष्णप्रसाद अधिकारी र सुमित्रा बिसी रहनुभएको छ ।

सङ्घीयता सबलीकरण तथा राष्ट्रिय सरोकार समितिमा उदयबहादुर बोहरा, इन्दिरादेवी गौतम, किरणबाबु श्रेष्ठ, कृष्णबहादुर रोकाया, गोपबहादुर सार्की अछामी, जगप्रसाद शर्मा, जगतबहादुर पार्की, दुर्गा गुरुङ, महमत खाँली, राजेन्द्र लक्ष्मण गैरे, विष्णुकुमारी सापकोटा, शेखरकुमार सिंह र सोनामसिंह गेल्जुङ शेर्पा रहनुभएको छ ।

समितिका सदस्यलाई सभाका सदस्यहरूले सहमति दिनुभएको थियो । समितिका सभापतिको निर्वाचन आगामी चैत ४ गते तोकिएको छ । राष्ट्रियसभाको अर्को बैठक चैत २ गते ११ बजे बस्ने छ । रासस