मोरङ, फागुन ७ गते । प्रजातन्त्र दिवसको अवसर पारेर कोशी प्रदेश सरकारले १४ जना सामुदायिक महिला स्वास्थ्य स्वयंसेविकालाई सम्मान गरेको छ ।
सोमबार मुख्यमन्त्री केदार कार्कीले प्रदेशका १४ जिल्लाबाट एक–एक जना महिला स्वास्थ्य स्वयंसेविकालाई सम्मान गर्नुभएको हो ।
जनस्वास्थ्यका लागि खटिएका स्वास्थ्य स्वयंसेविकाहरूको खुट्टामा आफैँले जुत्ता लगाइदिएर मुख्यमन्त्री कार्कीले सम्मान गर्नुभयो । स्वयंसेविकालाई प्रदेशको स्वास्थ्य मन्त्रालय अङ्कित चाँदीको सिक्का, खादा, सम्मानपत्र र नगद १५ हजार रुपियाँ प्रदान गरिएको थियो ।
स्वास्थ्य स्वयंसेविकालाई सम्मान गरेपछि बोल्दै मुख्यमन्त्री कार्कीले आफ्ना सन्तानको हेरचाह छोडेर अरूको सेवा गर्न दौडनेहरूलाई सम्मान गर्न पाउँदा गौरव महसुस भएको बताउनुभयो ।
त्यसअघि ७४ औँ प्रजातन्त्र दिवसको अवसर पारेर प्रदेश सरकारले विराटनगरमा प्रभातफेरिको आयोजना गरेको थियो ।
-square-thumb.jpg)
