गाजापट्टी, फागुन ७ गते । गाजापट्टीमा प्यालेस्टिनीको मृत्यु हुनेको सङ्ख्या २८ हजार ९८५ पुगेको हमासको स्वास्थ्य मन्त्रालयले जनाएको छ । मन्त्रालयले अक्टोबर ७, २०२३ मा इजरायल–हमास द्वन्द्व सुरु भएपछि तटीय क्षेत्रमा ६८ हजार ८८३ प्यालेस्टाइनी घाइते भएको बताएको छ ।
इजरायली सेनाले पछिल्लो २४ घण्टामा १२७ प्यालेस्टाइनीको हत्या गरेको र २०५ जना घाइते भएको मन्त्रालयले जनाएको छ । बमबारी र सिभिल डिफेन्स र एम्बुलेन्स टोलीको अभावमा केही पीडितहरू भग्नावशेषमुनि रहेको उल्लेख गरिएको छ ।
इजरायलले २०२३ अक्टोबर ७ देखि दक्षिणी इजरायली सिमानामार्फत हमासको आक्रमणको बदला लिन गाजा पट्टीमा हमासविरुद्ध ठुलो मात्रामा आक्रमण सुरु गरेको छ । जसमा करिब एक हजार दुई सय मानिसहरू मारिएका थिए भने दुई सयभन्दा बढीलाई बन्धक बनाएका थिए । सिन्ह्वा/न्यूज एजेन्सी नेपाल
