नेपथ्यको नयाँ गीत ‘पचासै वर्षमा’

काठमाडौँ, पुस १५ गते । नेपथ्यको नयाँ गीत ‘पचासै वर्षमा’ सार्वजनिक भएको छ । सामाजिक विसङ्गतिमाथि कटाक्ष गर्दै अगाडि बढेको गीतलाई नवीन जोशीले म्युजिक भिडियोका रूपमा  ल्याउनुभएको छ । 

नेपथ्यको सर्वाधिक चर्चितमध्ये एक ‘रेसम’ गीतको म्युजिक भिडियो दुई दशकअघि बनाएका नवीनले ब्यान्डका लागि तयार पार्नुभएको यो दोस्रो म्युजिक भिडियो हो । 

गीतको म्युजिक भिडियोमा पत्रिकाका कटिङमार्फत नेपथ्य ब्यान्डको यात्रालाई पनि देखाइएको छ । नेपथ्यको ११ औँ एल्बमका लागि तयारी चलिरहेको बेला ब्यान्डले नयाँ गीत सार्वजनिक गरेको हो भने नेपथ्यको आधिकारिक युट्युब च्यानलबाट गीत सार्वजनिक भएको छ ।