गुणबहादुर रोका
सुलीकोट, पुस १० गते । भीरबाट लडेर एक बृद्धको मृत्यु भएको छ । गोरखाको बारपाक सुलीकोट गाउँपालिका –७ पाँचखुवा देउराली घर भएका ८५ बर्षीय अमरबहादुर गुरुङको मृत्यु भएको जिल्ला प्रहरी कार्यालय गोरखाका सूचना अधिकारी डिएसपी रमेशकुमार श्रेष्ठले जानकारी दिनुभयो ।
उहाँका अनुसार गुरुङ घरनजिकको भीरबाट १०० मिटर तल खसेर गम्भीर घाइते हुनुभएको थियो । गम्भीर घाइते गुरुङलाई तत्काल उपचारका लागि चितवनको भरतपुर लगिएको थियो । उपचारको क्रममा सोमबार बेलुका अस्पतालले उहाँलाई मृत घोषण गरेको जिल्ला प्रहरी कार्यालय गोरखाले जनाएको छ ।
