काठमाडौँ, पुस १० गते । सूर्य नेपाल ‘एनपिजीए म्याच प्ले’ गल्फ बुधबारदेखि रोयल नेपाल गल्फ क्लबमा हुने भएको छ । सूर्य नेपाल गल्फ टुर २०२३–२४ अन्तर्गत सिजनको दोस्रो प्रतियोगितामा अघिल्लो सिजनका शीर्ष वरीयताका १६ खेलाडीको सहभागिता रहनेछ ।
शीर्ष १६ मा रहेनेमध्ये नम्बर एक शुक्रबहादुर राई, १४औँ वरीयताका टंकबहादुर राई, १५औँ वरीयताका बलभद्र राई र १६औँ वरीयताका कमल तामाङले व्यक्तिगत कारण नखेल्ने भएपछि शीर्ष २० लाई मौका दिईएको छ । पहिलो चरणबाट आठ खेलाडी क्वार्टरफाइनलमा प्रवेश गर्नेछन् । सेमिफाइनल शुक्रबार र फाइनल खेल शनिबार ३६ होलको हुनेछ ।
कुल दुई लाख ५० हजार रुपियाँ पुरस्कार राशी रहेको प्रतियोगिताको विजेताले ६० हजार, उपविजेताले ४२ हजार, तेस्रोले ३२ हजार र चौथो हुनेले २४ हजार रुीपयाँ पुरस्कार पाउन्छन् ।
