बाघको आक्रमणबाट बालकको मृत्यु

मुकु्न्द सुवेदी

बर्दिया, पुस ७ गते । बर्दियामा पाटे बाघको आक्रमणबाट एक जना बालकको मृत्यु भएको छ । बारबर्दिया नगरपालिका –४, बैरिया गाउँका १२ वर्षीय सुमित थारुको चितुवाको आक्रमणबाट मृत्यु भएको जिल्ला प्रहरी कार्यालय बर्दियाले जनाएको छ । 

स्थानीय जिरा सामुदायिक वनमा बाघको आक्रमणमा परी बालक घाइते भएका थिए । घाइते बालकलाई उपचारका लागि आरसी. थारु मेमोरियल अस्पताल जयनगरमा उपचार गराउँदा गराउँदै मृत्यु भएको जिल्ला प्रहरी कार्यालय बर्दियाका सूचना अधिकारी प्रहरी नायव उपरीक्षक तुल्सीराम अर्यालले जानकारी दिनुभयो ।

बालकको शव पोष्टमार्र्टम पछि आफन्तलाई जिम्मा दिने तयारी भएको उहाँले बताउनुभयो ।