काठमाडौँ, पुस ४ गते । एन्जल्स हार्टले समृद्धि यु–१९ राष्ट्रिय बास्केटबल प्रतियोगिताको पुरुषमा बुधबार सफलता हात पारेको छ । एन्जल्स हार्टले ट्रिनिटीलाई ७९–६४ ले पराजित ग¥यो । एन्जल्स हार्टका सागर परियारले २३ स्कोर गर्नुभयो ।
समृद्धि स्कुलको सहकार्यमा नेपाल बास्केटबल सङ्घद्वारा आयोजित प्रतियोगिताको पुरुषमै टाइमआउट, कीर्तिपुर र आईएसए नेपालले जित हात पारे । टाइमआउटले बौद्धलाई ७६–६९ ले हरायो । कीर्तिपुरले योद्धालाई ९४–५९ ले पाखा लगायो । विवेक गौतमको ३३ अङ्कको सहयोगमा आइएसए नेपालले स्नोल्यान्डमाथि ७४–६९ को जित निकाल्यो ।
त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगिताको महिलामा बूढानीलकण्ठ र भ्याली पब्लिक विजयी भए । भ्याली पब्लिकले जेभियर इन्टरनेसनल कलेजलाई ४७–४२ ले पन्छायो । बूढानीलकण्ठले गोल्डेन गेट इन्टरनेसनल कलेजलाई ४४–२७ ले निराश बनायो ।
