काठमाडौं, मङ्सिर ९ गते । हमास र इजरायलबिचको युद्धविराम सम्झौतापछि हमास आम नागरिकहरू हमास फर्किन थालेका छन् । गाजा फर्किएकाहरूलाई खाना, पानी, चिकित्सा आपूर्ति र अन्य आवश्यक मानवीय वस्तुहरूको साथ सहयोग गरिएको छ । रफाह क्रसिङको गाजा पक्षका प्रवक्ताकाअनुसार मानवीय सहायता बोकेका १५० ट्रक गाजा प्रवेश गरेका थिए । जसमा चार खाना पकाउने ग्यास र तीनवटा इन्धन बोकेका थिए ।
प्यालेस्टिनी अधिकारीहरूले विस्थापितहरूलाई उत्तरी पट्टीमा आफ्नो घर फर्कन आह्वान गरेका छन् । तर इजरायलले उनीहरूलाई युद्धविरामको क्रममा उत्तरतर्फ जान प्रतिबन्ध लगाउने चेतावनी दिएको थियो ।
प्यालेस्टाइनी चिकित्सा र सुरक्षा स्रोतहरूले दुई प्यालेस्टाइनीहरू आफ्नो घर फर्कन प्रयास गर्दा मारिएको बताएका छन् । सिन्ह्वा न्यूज एजेन्सी नेपाल
