गुणबहादुर रोका
सुलीकोट (गोरखा), मंङ्सिर ४ गते । गोरखाको गण्डकी गाउँपालिका–५ को सृजनशील युवा क्लबले आयोजना गरेको खुला ग्याजा कप भलिबलको उपाधि ज्वालामुखी क्लब धादिङले आफ्नो पोल्टामा पारेको छ ।
छठको अवसर पारेर सृजनाशील युवा क्लबले आयोजना गरेको खेलको आइतबार भएको फाइनलमा आयोजक टिमलाई ३–० को सेटमा हराउँदै ज्वालामुखीले उपाधि जितेको हो । उपाधिसँगै ज्वालामुखीले एक लाख रुपियाँ पुरस्कार पायो ।
उपविजेता आयोजक सृजनशीलले ५० हजार रुपियाँ पुरस्कार पायो । त्यस्तै प्रतियोगितामा तेस्रो भएको गण्डकी गाउँपालिका–४ लाई २५ हजार रुपियाँ प्रतियोगितामा १८ टिमको सहभागिता रहेको थियो ।
