विष्णुप्रसाद पोखरेल
दमक, कात्तिक २९ गते । झापामा चरणका लागि खुला छाडिएको भैसीसँग मोटरसाइकल ठोक्किदा भएको दुर्घटनामा परेर एक जनाको ज्यान गएको छ । अर्का एक ब्यक्ति घाइते हुनुभएको छ ।
कमल गाउँपालिका-३ स्थित सहिद गेट नजिकै को २१ प ७७ नम्बरको मोटरसाइकल बाटो सडकमा भैसीसँग ठक्कर खाँदा दुर्घटना भएको हो । दुर्घटनामा मोटरसाइकल चालक मोरङ सुन्दरहरैचा नगरपालिका-४ बस्ने ३१ वर्षीय मदनबहादुर लाय मगरको मृत्यु भएको जिल्ला प्रहरी कार्यालय झापाले जनाएको छ ।
मोटरसाइकलमा सवार सुनसरीको इटहरी ४ बस्ने ३० वर्षीय अभिषेक चौधरी घाइते बन्नु भएको छ । दुवै जनालाई उपचारको लागि बीएण्डसी अस्पताल बिर्तामोड लगिदै गर्दा मगरको बाटोमा नै मुत्यु भएको प्रहरीले जनाएको छ । घाइतेको उपचार भइरहेको छ ।
