वासुदेव शर्मा
जाजरकोट, कात्तिक २० गते । चिकित्सक र स्वास्थ्यकर्मीको दुई सय जनाको टोली भूकम्प प्रभावित क्षेत्रमा खटिएको छ ।
गत शुक्रबार मध्यरातमा गएको भूकम्पमा परी घाइते भएका सर्वसाधारणको उपचारका लागि स्वास्थ्यकर्मीको टोली जाजरकोटका भूकम्प प्रभावित सातवटै पालिकाका गाउँबस्तीमा परिचालन भएको छ ।
जाजरकोट अस्पतालका सम्पर्क व्यक्ति कृष्णबहादुर खत्रीका अनुसार नेपालगन्ज, सुर्खेत, काठमाडौँ, दाङलगायतका अस्पताल तथा स्वास्थ्य संस्थाका चिकित्सक टोलीमा संलग्न छन् ।
साथै,टोलीमा नेपाली सेना, सशस्त्र प्रहरीका विशेषज्ञ डाक्टर स्वास्थ्यकर्मीको घाइतेको उपचारका लागि औषधिसहित ग्रामीण बस्तीमा पुगेको खत्रीले बताउनुभयो ।
इन्सेक कर्णाली प्रदेशका संयोजक नारायण सुवेदीको टोली भूकम्पको केन्द्रबिन्दु रामिडाँडा पुगेको छ । डाक्टरसहितको टोलीले बारेकोट गाउँपालिका १ रामिडाँडा, सिल्पाचौरका घाइते तथा प्रभावित जनतालाई स्वास्थ्य उपचार गर्न थालेको सुवेदीले बताउनुभयो ।
बारेकोट १ रामिडाँडामा राहत सामग्री समयमा नपुगेका कारण खुला आकाशमुनि सर्वसाधारण बस्न बाध्य भएका छन् ।
-square-thumb.jpg)
