गजेन्द्र गुरुङ
खजुरा, कात्तिक १४ गते । प्रहरीले बाँकेको कोहलपुर नगरपालिका –३ मदनचोकबाट दिउँसो नगद रकमसहित पाँचजना जुवाडेलाई पक्राउ गरेको छ ।
कोहलपुर–३ मदनचोक बस्ने विष्णु खरेलको घरमा जुवातास खेलिरहेको अवस्थामा दिउँसो कोहलपुर ४ का ४१ वर्षीय दीपककुमार ढकालसहित पाँच जनालाई पक्राउ गरेको प्रहरीले जनाएको छ ।
इलाका प्रहरी कार्यालय कोहलपुरबाट खटिएको प्रहरी टोलीले उनीहरूलाई जुवा खेल्दैगरेको अवस्थामा नगद ३५ हजार ९ सय ५५ रुपियाँ र २५ गड्डी ताससहित पक्राउ गरेको प्रहरीको भनाइ छ ।
चाडबाड नजिकिएसँगै जिल्लाका विभिन्न स्थानमा जुवातास खेल्ने विकृति फैलिइरहेको स्थानीयको भनाइ छ ।
