रुवाई देश नेपाली युवा नजाऊ विदेश ।
आमाको पुकार सुनेर आऊ सजाऊ स्वदेश । ।
पौरख गरी उठाऊ नेपाल ।
पसिना सारा परदेशमै नफाल । ।
खेतका आली कुटो कोदाली कुरेका कु¥यै छन् ।
पुख्र्यौली घरको छानो र पाली चुहिएका चुह्यै छन् । ।
बाबाको काँध आमाको काख रोएको धेरै भो ।
माटोले तिम्रा पाखुरी जोश खोजेको धेरै भो । ।
जनक बुद्ध भृकुटी सीता हिँडेको बाटो यो ।
सहिदका राता रगतका धारा बगेको माटो यो । ।
स्वदेशी मन विदेशी धन के जाति प्यारो भो ?
हिमाल पहाड तराईको माया के सारो घटी भो ?
लेकमा गुराँस बेँसीमा अनाज छैन र झुलेको ?
द्यौसी र भैलो मेला र पर्म कसरी भुलेको ?
जन्मेको थलो हुर्केको मेलो बिरानो नठान ।
बारीको मकै बनको काफल नमिठो नमान । ।
चाँगुनारायण नपा, भक्तपुर
