काठमाडौं, माघ २ गते । कीर्तिपुरका पूर्ण चन्द्र जोशी र राजु महर्जनको जोडी तेस्रो यलम्बर कप तथा प्रथम राष्ट्रब्यापी भेट्रान ब्याडमिन्टन च्याम्पियनसिपको सेमिफाइनलमा प्रवेश गर्नुभएको छ । उक्त जोडीले बुटवलका नारायण प्रसाद घिमिरे र बिष्णु श्रेष्ठको जोडीलाई १६–२१, २१–१६, २१–११ ले पराजित गर्दै सेमिफाइनलमा स्थान सुरक्षित गर्न सफल भयो ।
एनवाइसीका पूर्ण बुढाथोकी र कुमार राईको जोडीले ग्यालेक्सीका राजु भुजु र रमेश डङ्गोलको जोडीलाई २१–१८, १७–२१, २१–१८ ले, ललितपुरका सुरेश बस्नेत र इमाडोल ब्याडमिन्टनका दिल बहादुर कदङ्गवाको जोडीले एनवाईसीका कुल प्रसाद लिम्बु र मेघ राज लिम्बुको जोडीलाई २१–५, २१–८ ले तथा एपिएफका बलबहादुर लामिछाने र प्रेम कुमार श्रेष्ठको जोडीले कास्कीका रमेश भट्टचन र कमल थापाको जोडीलाई २१–१८, २१–१० ले पराजित गर्दै अन्तिम चारमा स्थान बनाउनु भएको छ ।
