गोरखापत्र अनलाइन
ललितपुर, कात्तिक १२ गते । नेपाली कांग्रेसको आगामी निर्वाचनको सङ्कल्पपत्र अहिले केहीबेरमा सार्वजनिक हुँदैछ । प्रधानमन्त्री एवम् नेपाली काँग्रेसका सभापति शेरबहादुर देउवामा आउने भएपछि सुरक्षा व्यवस्था पनि सुदृढ बनाइएको छ । कुल ५२ पृष्ठको घोषणापत्रको मुख्य नारा ‘संविधानको रक्षा, स्थिरता, समुन्नतिको आधार : नेपाली काँग्रेसकै नेतृत्वमा अबको सरकार’ भन्ने रहेको छ ।
घोषणापत्र सार्वजनिक गर्न सबै तयारी पूरा भएको जानकारी घोषणापत्र निर्माण समितिका सदस्य डा. स्वर्णिम वाग्लेले दिनुभयो । घोषणापत्र निर्माण गर्न महामन्त्री विश्वप्रकाश शर्माको संयोजकत्वमा समिति बनेको थियो ।
ललितपुरको सानेपास्थित बीपी स्मृति भवन केन्द्रीय कार्यालयबाट अबको केही बेरमा घोषणापत्र सार्वजनिक हुने मुख्य सचिव कृष्णप्रसाद पौडेलले जानकारी दिनुभयो । सञ्चारकर्मीका लागि पठाइएकाे निमन्त्रणापत्रमा बिहान १० बजेकाे समय दिइएकाे छ ।
