सलिम मिया
सलिम मिया
बिजुवार, साउन ३० गते । प्युठानको नौबहिनी गाउँपालिका– ६ बहाने नजिक खहरेखोलामा आईतबार साँझ भएको जीप दुर्घटनामा एकैघरका दुई नावालिकासहित ३ जनाको मृत्यु भएको छ ।
प्युठानको बाग्दुलाबाट डामृ तर्फ जाँदै गरेको लु १ ज १५४५ नंवरको जीप दुर्घटना हुँदा नौबहिनी ५ डामृ निवासी जीप चालक २५ वर्षीय लुकेश थापा सहित रेमसरा बुढा मगरको छोरी चार वर्षीया करुणा बुढा र २५ दिनका नावालिका चेतना बुढा मगरको मृत्यु भएको जिल्ला प्रहरी कार्यालय प्युठानका प्रमुख प्रहरी नायब उपरीक्षक सत्यनारायण थापाले जानकारी दिनुभयो ।
प्रहरी नायब उपरीक्षक थापाका अनुसार घाइतेको उपचारको क्रममा जिल्ला अस्पताल बिजुवारमा मृत्यु भएको हो । दुर्घटनाका घाईते भएका १५ जनाको बिजुवार अस्पतालमा उपचार भईरहेको प्रहरीले जनाएको छ । अनियन्त्रित हुँदा जीप सडकदेखि करिब ४० मिटर तल खसेर दुर्घटना भएको थियो ।
सलिम मिया
