काठमाडौँ, मङ्सिर १३ गते । नेपाल प्रिमियर लिग (एनपिएल) अन्तर्गत शनिबारको दोस्रो खेलमा सुदूरपश्चिम रोयल्स र जनकपुर बोल्ट्स भिड्दै छन् । त्रिवि क्रिकेट मैदानमा जनकपुरले टस जितेर सुरुमा ब्याटिङ गर्दैछ ।
आजको खेलमा लगातार तीन खेलमा जितविहीन जनकपुरका नियमित कप्तान अनिल साह प्लेइङ ११ मा पर्नु भएको छैन । सुदूरपश्चिमविरुद्ध जनकपुर विदेशी खेलाडी वेयन पर्नेलको कप्तानीमा मैदानमा देखिने छ ।
तीन खेल खेलेर अङ्कविहीन अवस्थामा रहेको जनकपुर शनिबार जितको खोजीमा छ । जनकपुर अङ्क तालिकाको पुछारमा छ ।
प्रतियोगितामा अपराजित रहेको सुदूरपश्चिम भने चारवटै खेल जितेर अङ्क तालिकाको पहिलो स्थानमा छ । सुदूरपश्चिम आज विजयी भयो प्लेअफमा उसको स्थान सुरक्षित हुने छ ।
आजै भएको पहिलो खेलमा लुम्बिनीले पोखरालाई तीन विकेटले पराजित गरेको थियो ।
-square-thumb.jpg)
-original-thumb.jpg)
