जनसेवाबाट टाढिँदै सरकारी अस्पताल

मुरारी अधिकारी

धादिङ, चैत २२ गते  । सरकारी अस्पतालमा सामान्यतः निजी अस्पतालमा भन्दा निकै सस्तो र सरल स्वास्थ्य सुविधा उपलब्ध हुने विश्वासमा उपचारका लागि जाने गरिन्छ । जिल्लाको एक मात्र सुविधासम्पन्न धादिङ अस्पतालमा भने निजी अस्पतालमा जस्तै महँगो र ठगिने गरेको बिरामीले गुनासो गरेका छन् ।

हाडजोर्नीलगायत अन्य औषधी उपचारका लागि धादिङस्थित सरकारी अस्पताल पुगेका बिरामीले हाडजोर्नीसम्बन्धी समस्याको शल्यव्रिmया गर्दा अस्पतालले निकै महँगो शुल्क लिने गरेको मात्रै होइन, उपचारका व्रmममा चिकित्सकहरू आफैँले सामानसमेत बिक्री गर्ने गरेको पाइएको छ । 

यस सम्बन्धमा धादिङ अस्पतालका निमित्त निर्देशक गगन अधिकारीले भन्नुभयो, “अस्पतालमा धेरै हाडजोर्नीसम्बन्धी शल्यव्रिmया नहुने भएकाले कस्तो सामान कति चाहिन्छ भन्ने आकलन नहुँदा अस्पतालले सामान खरिद नगर्ने भएकाले यस्तो गरिएको हुन सक्छ ।” इनप्लान्टका  लागि चाहिने आवश्यक प्लेटलगायत अन्य सरसामान किन्ने वा बिरामीलाई नै ल्याउन लगाउने विषयमा अस्पतालले सरोकार नराख्ने अधिकारी बताउनुहुन्छ ।

हाडजोर्नीको उपचार र शल्यव्रिmयाका लागि आवश्यक पर्ने इनप्लान्ट सरसामान के कस्तो र कति चाहिन्छ भन्नेसमेत अस्पतालसँग तथ्याङ्क नहुने र अस्पतालले किनेर राखेको खण्डमा प्रयोग नभए अर्को समस्या आउन सक्ने भएकाले यस्ता सामान नल्याउने अधिकारीको भनाइ छ । तथापि ल्याउने प्रव्रिmयाका लागि भने काम अगाडि बढिरहेको पनि निमित्त निर्देशक अधिकारीले बताउनुभयो । अस्पतालमा उपचारका लागि आएका बिरामीका लागि चाहिने सामान अस्पतालमा राखिएको औषधी बिक्री केन्द्रबाटै बिक्री गरी अस्पतालले बिल जारी गर्नुपर्ने हो तर जिल्ला अस्पताल धादिङमा भने कर्मचारीले आफैँले बिक्री गर्ने गरेको खुलासा भएको छ । यसले नीतिगत भ्रष्टाचारमा धादिङ अस्पतालका कर्मचारी संलग्न छन् भन्ने आरोप स्थानीयको छ ।

नीलकण्ठ नगरपालिका–२ निवासी प्रज्वल रानामगरको हातको शल्यव्रिmया गर्नु प¥यो । बिरामीका आफन्तले धादिङ अस्पतालमा उपचार गराएबापत एक्काइस हजार रुपियाँ बुझाउनुपर्ने भयो तर बिरामीले अस्पतालमा बुझाएको रकममध्ये जम्मा आठ हजार रुपियाँको मात्रै आधिकारिक बिल जारी गरियो । यो मात्रै होइन, हाडजोर्नीसम्बन्धी उपचारका लागि आएका सबै बिरामीले यस्तै गरिएको गुनासो गर्दै आएका छन् । जिल्ला अस्पतालमा उपचारका लागि आएका र हाडजोर्नीबाहेक अन्य शल्यक्रीया गर्दा पनि बिरामीलाई निजी अस्पतालमा जस्तै महँगो शुल्क लिने गरेको बिरामीका आफन्तको भनाइ छ । पैसा तिरे पनि अस्पतालबाट सेवा लिएबापत तिरेको रकमको बिल भने नदिने गरेको तथ्य खुलासा भएको छ ।

अस्पताल आएका बिरामीले तिरेको रकमभन्दा निकै कमको अस्पतालले बिल काटेर दिने गरेको छ भने बाँकी रकमको भने धादिङ अस्पताल मात्र लेखिएको कागजमा हातैले लेखेर दिने गरिएको छ । अस्पतालमा औषधी उपचार गरेबापत बिरामीले तिर्ने गरेको पूरै रकम अस्पताल विकास समितिको कोषमा जम्मा गर्नुपर्नेमा अस्पतालले त्यसो नगर्ने गरेको पाइएको हो । अस्पतालले आधिकारिक बिल नदिएको रकम भने अस्पताल सञ्चालन तथा व्यवस्थापन समितिका पदाधिकारीदेखि कर्मचारीसमेतले अतिरिक्त आम्दानी गर्ने गरेको पाइएको छ । यसरी सरकारी अस्पतालबाटै बिरामी ठगिने र नीतिगत भ्रष्टाचारमा अस्पतालमा कार्यरत कर्मचारी लाग्दासमेत सरोकारवाला निकाय मौन बस्ने गरेको आरोप पीडितले लगाउँदै आएका छन् ।