जानु पाण्डे
कपिलवस्तु, चैत २० गते । नमुनाको रूपमा कृषि तथा पशु पालन गरेका कृषकलाई प्रोत्साहन गर्न कपिलवस्तुमा ‘एग्री वस्तु कृषि तारा २०८२’ आयोजना गरिएको छ ।
जिल्लाको बुद्धभूमि नगरपालिका–१० मा रहेको एग्री वस्तु कोल्ड स्टोरेजले कृषकको सम्मान गर्दै युवाहरूलाई कृषितर्फ आकर्षण गर्ने उद्देश्यले कार्यक्रम आयोजना गरिएको छ ।
कार्यक्रमले कृषकहरूको सम्मान तथा कृषि पेसाको प्रवर्धन गर्ने उद्देश्यले आयोजना गर्न लागिएको हो । कृषि नै नेपालको अर्थतन्त्रको मेरुदण्ड भएकोले कृषकहरूलाई थप प्रेरित गर्न विभिन्न विधामा नगद पुरस्कारसहित सम्मान गर्न लागिएको स्टोरेजका प्रबन्ध निर्देशक आशिष शर्माले बताउनुभयो ।
कृषि तारा, विदेशबाट फर्किएका उत्कृष्ट कृषि उद्यमी, उत्कृष्ट महिला कृषक गरी ५ जनालाई सम्मान गरिने कृषि ज्ञान केन्द्रका कपिलवस्तुका प्रमुख भास्कर पौडेलले बताउनुभयो ।
कृषि तारा अन्तर्गत प्रथम पुरस्कार १ लाख, द्वितीय पुरस्कार ७५ हजार, तृतीय पुरस्कार ५० हजार रकम पुरस्कार बापत पाउने छन् । यसैगरी विदेशबाट फर्किएका उत्कृष्ट कृषि उद्यमी र उत्कृष्ट महिला कृषक ले जनही रु। ५० हजार राशिबाट पुरस्कृत हुने छन् ।
वैशाख १५ सम्म दरखास्त दिन सकिने र कृषकले गरेका कामको भिडियो तयार गरी जेठको दोस्रो उत्कृष्ट कृषकहरूलाई सम्मान गरिने तयारी रहेको छ ।
