आर्मीलाई पेनाल्टीमा हराउँदै पुलिस फाइनलमा

काठमाडौँ, माघ १४ गते । विभागीय टोली नेपाल पुलिस क्लब एन्फा राष्ट्रिय महिला लिग फुटबलको फाइनलमा प्रवेश गरेको छ ।

सातदोबाटोस्थित एन्फा मैदानमा सोमबार भएको दोस्रो क्वालिफायर खेलमा पुलिसले विभागीय डर्बीमा त्रिभुवन आर्मी क्लबलाई पेनाल्टी सुटआउटमा २–१ गोलले हरायो ।

निर्धारित ९० मिनेट र अतिरिक्त ३० मिनेटको खेल गोलरहित बराबरीमा सकिएपछि खेल पेनाल्टीमा पुगेर सकिएको थियो ।

जसमा पुलिस भाग्यमानी बन्यो । उपाधिका लागि बुधबार पुलिसले एपिएफ क्लबसँग खेल्नेछ ।