गोरखापत्र समाचारदाता
काठमाडौँ, माघ ४ गते । पत्रकार राजेश खनालको तेस्रो पुस्तक ‘चिकित्साका चौध तारा’ एक समारोहबिच दिव्य शताब्दीपुरुष डा. गौरीशङ्करलाल दासले लोकार्पण गर्नुभयो । डा. दासले खनालको पुस्तकले पहिलेका चिकित्सकले गरेका कामका बारेमा वर्णन गरेको उल्लेख गर्नुभयो । पूर्वअर्थमन्त्री शङ्करप्रसाद कोइरालाले कृतिमा वरिष्ठ चिकित्सकको जीवनी समेटिएको बताउनुभयो । बाह्रखरी मिडियाका प्रधान सम्पादक प्रतीक प्रधानले कृतिकार खनालर पुस्तकको चर्चा गर्नुभयो ।
