ललितपुरको चेस टिम अग्रस्थानमा

काठमाडौँ, पुस ११ गते । ललितपुरको तुल्सीलाल प्रतिष्ठानमा सञ्चालन भइरहेको राष्ट्रिय क्लब टिम चेस च्याम्पियनसिपमा बिहीबार दोस्रो चरणको खेल सम्पन्न भएका छन् । 

नेपाल बुद्धिचाल महासंघले आयोजना गरेको प्रतियोगितामा आयोजक ललितपुर स्पोर्ट्स क्लब, दुई पटकका विजेता थापाथली चेस पार्क, ललितपुर महानगरपालिका टिम,  दोलखा जिल्ला बुद्धिचाल संघ र ललितपुरको महालक्ष्मी नगरपालिका चार अंकसहित अग्रस्थानमा रहेका छन्।

दोस्रो चरणमा थापाथली चेस पार्कका चारै जना खेलाडी विजयी हुनुभयो । पहिलो वोर्डमा एफएम रिजेन्द्र राजभण्डारीले भक्तपुरका बिक्रम चोकामीलाई, सुशील चौधरीले विनय थापालाई, आशीषले राजेश कक्षपतिलाई र सिन्दिराले सयन कोजु माथि जित निकाल्नुभयो । 

ललितपुर महानगरपालिकाको टिमले कोशी प्रदेश बुद्धिचाल संघलाई हरायो । जसमा एफएम रुपेश जैसवालले मुहान नरसिंह श्रेष्ठलाई, सिएम मिलन लामाले राजेन्द्र राईलाई, एफएम क्षितिज भण्डारीले शुशन आचार्य र अभिषेक शाहले कृतिरासामाथि जित हात पार्नुभयो । 

आयोजक क्लबले गोदावरी नगरपालिकालाई हरायो । आयोजकबाट सिएम सजिन महर्जनले सानुधाई महर्जनलाई, राहुल चौप्रधानले सोम आलेलाई हाराए हराउनुभयो । रिशोन थापाले जनार्दन श्रेष्ठसँग बराबरी खेल्दाबिनिता कपाली हर्षवर्धन राठीसँग पराजित हुनुभयो । साविक विजेता दोलखा जिल्ला बुद्धिचाल संघले इन्जिनियरिङ कलेजलाई हरायो ।