देवराम प्रसाद यादव
सप्तरी, मङ्सिर ३० गते । सप्तरीको बोदेबर्साईन–सुभरनपट्टि सडकखण्ड अन्तर्गत बोदेबर्साईन नगरपालिका–१० खडकपुरस्थित बोदेबर्साईनमा स्कोर्पियाेले मोटरसाइकललाई ठक्कर दिँदा एक जनाको मृत्यु भएको छ । दुर्घटनामा खडक नगरपालिका ७ कल्याणपुरका ३२ वर्षीय मोहम्मद कोराईस अलिको मृत्यु भएको हो ।
सुभनपट्टीबाट–बोदेबर्साइनतर्फ आउँदै गरेको विआर ०७ बिएबी ८१७२ नम्बरको भारतीय स्काेरपियाेले विपरीत दिशाबाट आएका मोटरसाइकललाई ठक्कर दिँदा अलिको मृत्यु भएको प्रहरीले जनाएको छ ।
दुर्घटनामा खडक नगरपालिका ११ का मोटरसाइकल चालक अन्दाजी वर्ष २४ का मो. सदाम गम्भीर घाइते भएका छन् । उहाँको स्थानीय जीवन ज्वोती अस्पताल बोदेबर्साइनमा उपचार भइरहेको तथा ठक्कर दिने स्काेरपियाे इलाका प्रहरी कार्यालय बोदेबर्साइन नियन्त्रणमा रहेको प्रहरीले जनाएको छ ।
