अनिल पराजुली
हेटौँडा, मङ्सिर १९ गते । मकवानपुरको बकैया गाउँपालिकामा यात्रुवाहक बस दुर्घटना भएको छ । हेटौँडा–सिन्धुली सडकअन्तर्गत आज बुधबार बिहान बकैया गाउँपालिका–५, तीनतलेमा यात्रुवाहक बस दुर्घटना भएको हो ।
हेटौँडाबाट छतिवनतर्फ जाँदै गरेको बा ५ ख ६६५३ नम्बरको बस सडकबाट केही तल पल्टिएको जिल्ला प्रहरी कार्यालय मकवानपुरले जनाएको छ । दुर्घटनाको विस्तृत विवरण आउन बाँकी छ भने बसमा ३६ जनाभन्दा बढी सवार रहेको स्थानीय रामकृष्ण घोरासाइनीले जानकारी दिनुभयो ।
